Arabic Discussion Forum with a Special Interest in Travel and Immigration

FINETOUCH · 23rd January 2011, 10:37 PM

هذا ليس سخريه من 25 يناير ولكنها لطافه وظرافه المصريين عندما يحولون احيانا اشد الامور جديه الى نكته
وصلنى هذا الايميل

ده سيناريو لـ شابين من “الشباب” المصري المتحمس, قصة قصيرة

تامر: شفت تونس؟

وائل: شفت

تامر: ايه رأيك

وائل: ناس جامدة

تامر: انت عارف ابتدت ازاي؟

وائل: شاب عنده 26 سنة أخدوا عربية الخضار بتاعته, اتخنق وولع في نفسه, راحت الناس كلها سخنت

تامر: طب ما تيجي نفكر ازاي نعمل الموضوع ده هنا

وائل: أنا شغال, بس عايزين حاجة كده زي الولد بتاع عربية الخضار ده برضه

تامر: انت ممكن تولع في نفسك عشان مصر؟

وائل: لأ طبعا, وأصلا حتي لو عملتها مش هفرق مع حد غير أهلي

تامر: طب ممكن نولع في مين؟

وائل: ايه رأيك أولع في أمي يوم عيد الأم؟

تامر: في واحد الريدي (already) قتل أمه وهي بتصلي قبل كده عشان 50 جنيه, الناس مش هتتأثر قوي, عايزين حاجة قريبة من الناس

وائل: طيب ايه رأيك نولع في كشري التحرير

تامر: اتعملت قبل كده, لازم حاجة تأثر علي الناس المفكرين

وائل: تيجي نولع في الاوبرا؟

تامر: قديم قوي انت يا مان, ولعت قبل كده, عايزين حاجة ليها معني سياسي

وائل: خلاص لقيتها, نولع في مجلس الشوري

تامر: يابني ما النواب ولعوا فيه من كام سنة, عايزين حاجة برة القاهرة, وتوصل وتسمع مع الناس المثقفين

وائل: بص بقي هي دي, احنا نولع في قصر الثقافة

تامر: يابني ما ولع في بني سويف قبل كده, فكر في حاجة توحد طوائف الشعب

وائل: لقيتها

تامر: قول

وائل: احنا نولع في كنيسة

تامر: ايه التقليد ده, ما دي بيعملوها كل سنة الريدي, بقت أنيوال ايفينت خلاص, وهيقولوا اللي عملها متخلف عقليا, عايزين حاجة جديدة

وائل: طيب ايه رأيك حد فينا ينتحر في ميدان عام؟

تامر: ما لسة واحد دماغه نضيفة سبقنا وراح منتحر من كام شهر عشان معهوش فلوس يتجوز البنت اللي بيحبها, ومفيشبنىأدم اتحرك, الحاجات دي أخرها الاخوان يعملوا بيها فيديو مع كمانجة حزينة ويحطوه علي يوتيوب

عايزين حاجة الناس بتتأثر بيها كل يوم

وائل: بس خلاص, استني استني

تامر: قول

وائل: تيجي نولع في قطر؟

تامر: دولة قطر؟

وائل: لأ قطر, قطار يعني من بتاع الركاب

تامر: انت طلعت عيني, ما لسة قطر العياط مولع, ده من كتر القطورات اللي بتولع الناس بقت بتستني علي شريط القطر عشان يعملوا باربيكيو

وائل: طب يا مان ما كل حاجة كدة الريدي ولعت

تامر: مش عارف, تفتكر ايه ممكن يولع عشان الناس تسخن؟

وائل: مش عارف, سيبني أفكر, انت هتعمل ايه دلوقتي؟

تامر: ها أعدي علي دينا نروح نتعشي وبعد كده سينما, بس فاضي باليل, انت هتعمل ايه؟

وائل: هاروح موبينيل أدفع الفاتورة, وأبص علي أي فون 4, وهاروح لا بوديجا مع سارة

تامر: طب كلمني لما تخلص نروح نلعب طاولة

وائل: خلاص قشطة, وكلمني بكرة بقي عشان نكمل موضوع الثورة ده

ana_3enady · 23rd January 2011, 10:43 PM

دعوه لموضوعي

RobertInole

والنيعمة يا باشا ما أعرف حد فيهم

كلزار · 24th January 2011, 05:55 AM

انت يومك ابيض زي الفل
دانت هتتضرب ضرب
طمورة
ما تقولى هتعمل ايه يوم الثورة

امبارح بتوع المسطحات
كان في شباب فارش بيبيع حاجات
جت الشرطه واخدت الحاجات وطبعا هما بلغوا فرار
والله الشباب كان بيعط
والواد انفجر وفضل يشتم في الريس والحكومه والظباط

بجد انا كنت عاوزة اشارك معاه
بس السواق قالى تعالى هنا وسوجر العربيه وطلعنا من المكان اللى كنت فيه

بجد حاجه تخلى الواحد يبكى بدل الدموع دم

Sonesta · 24th January 2011, 05:56 AM

دعوه لموضوعي

ليالى المطاريد.,,,هل تعلم

جميلة جدا

ومضمونها راسالة قوية

إختصارها

البلد ولّعت عبرونا يا إخواننا

وإصحوا بقا

ana_3enady · 24th January 2011, 06:00 AM

دعوه لموضوعي

RobertInole

اقتباس

المشاركة الأصلية كتبت بواسطة كلزار


	انت يومك ابيض زي الفل دانت هتتضرب ضرب طمورة ما تقولى هتعمل ايه يوم الثورة امبارح بتوع المسطحات كان في شباب فارش بيبيع حاجات جت الشرطه واخدت الحاجات وطبعا هما بلغوا فرار والله الشباب كان بيعط والواد انفجر وفضل يشتم في الريس والحكومه والظباط بجد انا كنت عاوزة اشارك معاه بس السواق قالى تعالى هنا وسوجر العربيه وطلعنا من المكان اللى كنت فيه بجد حاجه تخلى الواحد يبكى بدل الدموع دم

عن نفسي هاحتفل بعيد الشرطة

سمو الأميرة · 24th January 2011, 01:01 PM

شر البلية ما يضحك

sadam20 · 12th February 2011, 02:11 PM

اشطه يا مان هى دى رجاله الثوره بس تبقى ثوره بيض ثوره تيشرتات خلصانه فى السوق ومش لاقيين اللون اللى على مزاجهم

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مرتضى فى الحج	خمسة فرفشة	ysma	1	1607	1st October 2014 12:08 AM
يبقى ايه معناه ده	إقتراحات ... مشاكل تقنية	NazeeH	9	2263	11th August 2014 01:52 AM
غاز غزه	فلسطين أرض الرباط	أسامة الكباريتي	4	3936	3rd August 2014 06:18 PM
نظام الامارات وصبيان بنى دحلان	المفسدون فى الأرض	خالة عواصف	5	2116	31st July 2014 08:23 PM
متى اضع البياده تعرفونى	أدب وشعر وقراءات متنوعة	طارق السعد	2	1103	10th June 2014 05:53 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ثوره يا ثوره رمضان كريم يا ثوره	only you	خمسة فرفشة	11	23rd July 2011 08:42 PM
اسرار خطه القوات المسلحه المصرية لحمايه ثوره يناير قبل اندلاعها	أسامة الكباريتي	ثورة مصر ... 25 يناير 2011	27	7th May 2011 08:22 AM
ماذا يحدث للإعلاميين الفاسدين بعد ثوره 25 يناير	ehabtaher	ثورة مصر ... 25 يناير 2011	16	19th April 2011 12:36 AM
وائل غنيم......محرك ثورة 25 يناير	somayasaleh	ثورة مصر ... 25 يناير 2011	28	17th February 2011 08:14 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

خمسة فرفشة

ثوره وائل وتامر يوم 25 يناير