الشرطة مـازالـت تخــدعــنـا

[أهرامات الجيزة]

الصحف المصرية والعربية

.
مظاهرات شكلية خادعة قامت بها الشرطة يوم الثلاثاء ...

... ولقاءات تليفزيونية فضائية و أرضية

عايزين يوصلو رسالة .... خادعة بتقول :

أنا بريء .... أنا ماليش دعوة ... أصل باخد الأوامر بس

هي إيدي لوحدها اللي كانت بتدوس ع الزناد بتاع المسدس و البندقية ...

....و إيدي لوحدها غصب عني كانت بتضرب المتظاهرين بالعصا الكهربائية ..

.. و إيدي و رجلي لوحدهم كانوا بيدوسوا بنزين وبيلفوا الدركسيون بتاع العربية اللي بتدهس المتظاهرين ...

.. و إيدي و رجلي لوحدهم كانوا بيخلوني فوق أسطح العمارات و أضرب من بندقية القناصة رصاص حي هو اللي موت الناس مش أنا ...

.. و إيدي لوحدها هي اللي كانت بتضرب قنابل مسيلة للدموع منتهية الصلاحية تسببت في موت الكثيرين من الإختناق ..

.. و إيدي لوحدها هي اللي حطت في المسدسات رصاص محرم دولياً ..

.. و إيدي لوحدها هي اللي ضغطت الزناد بتاع المسدس و أنا باقتل المستسلمين بالرصاص المصوب على رأسهم من مسافة سنتيمتر واحد عند مجلس الشعب ..

.. و إيدي لوحدها هي اللي وجهت دراع إطلاق سائل الخردل الكيماوي على المتظاهرين ..

.. و إيدي لوحدها هي اللي وجهت دراع رش المياه المندفعة تجاه المتظاهرين أثناء الصلاة ..

.. ولساني هو اللي كان بيشتم لوحده بالأب و الأم ..

ده أنا غلباااااااااااااان

 

[مصرية]

بعد لقاء منى الشاذلي امبارح باتنين ضباط اتأكد إن الشرطة مش ندمانة ولا حاسين إنهم عاملين حاجة غلط وإنهم حيفضلوا زي ما هم

المشكلة إن غياب الشرطة مأثر في الحالة الأمنية في البلد والمعادلة كده بقت صعبة أوي

 

 

[Farida]

اقتباس المشاركة الأصلية كتبت بواسطة مصرية بعد لقاء منى الشاذلي امبارح باتنين ضباط اتأكد إن الشرطة مش ندمانة ولا حاسين إنهم عاملين حاجة غلط وإنهم حيفضلوا زي ما هم المشكلة إن غياب الشرطة مأثر في الحالة الأمنية في البلد والمعادلة كده بقت صعبة أوي

نفس اللى حسيته الضيوف اللى من الشرطه لسه بيقولوا الشباب كان زى الورد بس فيه ناس تانيه ركبت على الثورة مش عارفين ان اللى ركبوا دول هم المصريين و لسه بيقولوا على الرصاص المطاطى ده بلاستيك و لسه بيوقلوا احنا كنا بنرش شويه ميه علشان نطرى الجو
فعلا العيال دول اثبتوا لى ان الشرطه زى ماهى ده غير انهم بسلامتهم زعلانين و قاعدين فى بيوتهم لما نروح نصالحهم فى بيوت اهاليهم
حاجه مستفزة اخر 25 حاجه

 

 

[O.S.A.M.A]

للأسف جهاز الشرطة مش قادر أنى أتعاطف معاه أبداً ولن يحدث ..

لى مجموعة من الأصدقاء كانوا ظباط شرطة وهم جميعاً من بيئة أكثر من محترمة وتحولوا للعمل فى النيابة وكان كلامهم بمنتهى البساطة عن سبب تركهم للشرطة أنه جهاز فاسد وليس مجرد مجموعة من الفاسدين

وفى خلال مناقشاتى مع بعض الأصدقاء هنا أقترحت حل جهاز الشرطة عن بكرة أبيه ..

وطبعاً كانت مسألة أقناعهم مسألة عسيرة وأعتقد أنها ستكون هنا كذلك ..

أقترحت حل جهاز الشرطة كاملاً لأن ببساطة كلهم وعلى مدار أكثر من خمسون عاماً وليس ثلاثون عاماً فقط يتشربون من إناء واحد يحمل نفس الأفكار ويحملون نفس الغطرسة المتعالية كما لمستها من ضيوف منى الشاذلى

الموضوع ببساطة أن رجال الشرطة سواء فى الخليج أو حتى فى أوروبا وأمريكا هم من حاملى شهادة مهنية عن طريق دورات تدريبية وما شابه والموضوع لا يحتمل أبداً أنها تكون كلية أربعة سنوات كاملة تحمل ما فيها من تعليم سادى وغير سوى لأفراد المفروض فيهم حماية المجتمع وليس التقصير فيه ولا التعالى على شعبه

أنا أقترحت تصفية الجهاز كاملاً عدا بعض الأشخاص المشهود لهم بالإنضباط المجتمعى وليس الكفاءة فقط وهذا لن يتم مرة واحدة ولكن عمل أساليب رقابية شديدة على الأفراد العاملين حالياً فى الجهاز مع إمكانية إعادة تأهيل بعض الأفراد فيهم وخاصة حديثى التخرج وحتى يكونوا نواة صالحة لجهاز صالح

كما يمكن الإستعانة بضباط الجيش الأكفاء لتدريب الكوادر على معنى الإنضباط فى صالح المجتمع

للأسف الشديد خبرتى السابقة مع أفراد هذا الجهاز وما فعله فى ثورتنا الشعبية تجعلنى دائماً متحامل عليهم وأعتقد أن ذلك ما جنته يداهم ... والشعب أعتقد أنه محتاج وقت طويل لكى ينسى ماكان يحدث منهم

إن أرادوا أن يندمجوا مع الشعب فعليهم العمل لذلك ويتحملوا قدراً من التجريح من الشعب لأن ما رآه الشعب على أيديهم أعتقد أنه صعب النسيان وليتذكروا دائماً وأبداً أنهم من بدأ حملة الكراهية هذه وليس الشعب

 

 

[O.S.A.M.A]

للتوثيق فقط ...

لدى صديق قطرى وهو يعشق مصر من خلال فقط ما يشاهده عنها ولكنه لم يسافر إلا مرة واحدة إلى مصر وكنت مهتم أن أعرف أنطباعه ...

أول ما تكلمنا قالى أنه أول ما نزل فى المطار لقى ظابط شرطة عايز منه فلوس علشان يساعده
طبعاً أنا مش فاهم يساعده فى أيه وشكيت أنه ظابط شرطة
فقولتله يمكن أمين شرطة وبعد ما وضحت الفارق بين أمين الشرطة وظابط الشرطة قالى ..
لا ده ظابط وعنده نجمتين على كتفه
طبعاً أنا كنت متوقع بس كان لازم عليا أنى اتصنع الذهول !
حتى لا يدرك أنى عارف أن ظابط شرطة بيشتغل شحات فى المطار
بس الأكيد أنى طبعاً أتضايقت جدا ...

ولكن ده إفرازات جهاز فاسد يعنى فاسدين ومرتشين وساديين وكمان شحاتين ...

 

 

[محمد علي عامر]

أعتقد أن برنارد شو هو القائل أن المرأة إذا سقطت أصبحت عاهرة والرجل إذا سقط صار شرطيا.
وبرنارد تكلم هنا عن الشرطي الأوروبي المتحضر نوعا ما , فما بالنا بجهاز شرطة حسني مبارك و السادات وعبد الناصر!!

 

 

[O.S.A.M.A]

فيه أقتراح أنا شايفه كويس جداً ...

أن ظباط الشرطة يكونوا من دارسي كلية الحقوق وبعد إنتهائهم من دراستهم للقانون يمكن أن يتلحقوا ستة أشهر بأكاديمية الشرطة ويكونوا ظباط شرطة وده تقريباً اللى كان بيحصل لأمناء الشرطة لما كانوا بيدرسوا فى الحقوق بيبقوا ملازم أول بعدها

ولو حصل كده أنا اعتقد أنه هايكون صح جداً لأن هايكون ظابط الشرطة أصلاً دارس للقانون .. مش دارس لقلة الأدب

وهايكون فهم يعنى أيه أمن الوطن بالفكر الصحيح ويكون عنده توافق مجتمعى لأنه كان فى الأصل منه خلال دراستة فى كلية حقوق

 

 

[Farida]

ممكن حد يجيب لنا اليوتيوب اللى جه على الجزيره امس بتاع تعذيب امن الدوله لمتظاهرين اتاخدوا من الميدان بعد تنحى الرئيس