مقابلتك في سوريا .... متقلقش توكل علي الله المطاريد معاك ومسنداك

[kodo]

الصحف المصرية والعربية

دعوه لموضوعي

Canada way أخبار يومية مباشرة

اخواني واخواتي المطاريد الافاضل

مقابلات سوريا للا خوة الافاضل اللي في الجدول معانا هتبدا الاسبوع الجاي ان شاء الله

وطبعا بما اننا عيلة واحدة لازم زي العادة نساعد بعض علي قد ما نقدر

عشان كده يا ريت الاخوة الافاضل اللي سبقونا في عمل مقابلاتهم في سوريا
الفترة الماضية ينضموا لينا و ينصحونا

طبعا انا لسه مارحتش سوريا بس عملتلكم مخبر سري
و جمعت شوية معلومات مفيدة

من اخوة سوريين افاضل عايش هنا في الخليج

وزي العادة هشاركم كل المعلومات المهمة اللي عرفتها واللي ممكن اعرفها
عشان تعم الفائدة و الاجر و الثواب علي الله

حجز الطيران

في اكتر من رحلة لكن الارخص طيران العربية – الجزيرة لكن العيب
فيها الترانزيت بيوصل الي 8 ساعات

وطبعا ده مشكلة كبير وضغط نفسي و الواحد مش ناقص

بعد كده في طيران الخليج طبعا اغلي شوية زيادة لكن رحلة مباشرة
بدون توقف خدمة ممتازة

و بعد كده نفس سعر طيران الخليج لكن فيها ترانزيت برده الاماراتيه و القطرية
يبقي الافضل الخليج

لكن للاخوة المقيمين في السعودية الطيران السعودي كويس جداا
وخصوصا انه بالنسبة لكم مش هيكون فيه ترانزيت

الخروج من المطار – البحث عن فندق

وصلنا سوريا بالسلامة ان شاء الله

طب كويس جدااا نشوف هنروح ندور علي فندق كويس و رخيص او معقول فين بقه
عشان نرتاح شوية

اشهر منطقة تضم الكثير من الفنادق منطقة في وسط دمشق اسمها البحصة
كلها فنادق تتدرج من غير نجمة خالص الي 5 نجوم

اشهر فنادقها من الفئة المتوسطة فندق الايوان وده 4 نجوم لكن اسعاره كويسة
و كل السوريين اللي اتكلمت معاهم شكروا فيه وكان اول ترشيح ليهم

يتبع بأذن الله

 

[Amro Elsayed]

يا سلام علي الموضوع الجميل ده

تسلم ايديك يا كودو مجهود اكتر من رائع

 

 

[phrma]

ياه يا مدام كودو ايه الموضوع الرائع دا وبما انى من القوم اللى راحوا سوريا وشوفت فيها يوم مش كويس وايام كويسة

انا تحت امركم وهبدا احكيلكم حكايتى وفارما فى بلاد الشام

نطلب الاذان عشان انا شايف مدام كودوا نفسها تستخدم سلطتها الادارية

 

 

[دنتستاوي]

دي مشاركه لقيتها في المنتدى جميله جدا ممكن تنفع اي حد



13. السفر إلى سوريا:
- مصر للطيران عن الخطوط السورية هى اغلى شوية بس طيران مباشر وخدمة عالية جدا وطقم على اعلى مستوى من الكفاءة.
- الطيران من مصر لسوريا حوالى 1:30.
- افضل فندق بكل المقاييس فى الاقامة والسعر دير ابراهيم الخليل وعنوانه كشكول-دويلعة-منطقة جرمانا. (للسنجل 1000 ليرة).
- كل شى فى سوريا محتاج فيه فصال لدرجة اكتر من نص التمن.
- لو ركبت تاكسى اتاول معاه من الاول قبل ماتركب علشان الفصال فى طبعهم
- المسافة من الدير للسفارة حوالى من تلت لنص ساعة.
- سوريا ملهاش تاشيرة او فيزا.
- لو انت مكتوبلك فى الباسبور مهنة تمام ولكن لو مكتوب حاصل على بكالوريوس فالافضل تحاول تغيره اوتجيب تصريح سفر من ظابط الاتصال.
-




موضوع جميل تسلم الايادي ياا مدام كودو

 

 

[دنتستاوي]

سوريا
بالنسبة للاسعار فى سوريا
وذلك حتى يقوم القادم بعمل ميزانية
سعر الفرخة ( الفروج ) ومعها بطاطس ( بطاطا) 300 ليرة سوريه ذات حجم كبير ومحمرة او مشوية بعناية
سعر سندوتش الشاورما 50 ليرة سوريه (سندوتش فينو 25 سم او فى عيش لبناني كبير)
متوسط اسعار السندوتشات فاهيتا مكسيكان كبدة فليهات الخ ( سندوتشات ذات مستوى جيد واتقان ) من 50 ليرة سورية الى 65 ليرة سورية
علبة فول متبلة 50 ليرة سورية تكفي شخصان
قرص الطعمية ( الفلافل) 5 ليرة سورية
فتة ( جربوها مش هاتندموا) دى عند بتوع الفول اقل شيء 75 ليرة سوري وفى المناطق العبية يمكن ان تأخذ طبق من البيت وتذهب لاحضاره فيه مكونة من ( حمص شام عيش محمر وعيش مش محمر وطحينه ومش عارف ايه كمان وزيت)
كيلو موز فاخر 40 ليرة سورية
تفاح 75 : 80 ليرة سورية
برتقال بصرة 25 : 30 ليرة سورية
كيس عيش ( لبنانى 1 كجم ) 35 ليرة سوري
زبادي 200 جم 15 ليرة سوري
زجاةج مياة غازية 2.25 لتر 40 ليرة
زجاجة مياة معدنية 15 ليرة
لبن 1 لتر 40 : 45 ليرة
معجنات 15 ليرة وفى ب10 و20 ولكنها جيدة (بيتزا عليهالحم مفروم او سبانخ او فراخ اقصد فروج بكمية كويسة وليس قشرة طماطمية او قشرة زيتونة)
الملبوسات اقل من مصر ب 20% : 30%
السكن
الفنادق للفرد من 500 ليرة الى 2000 ( ده الى اعرفه ممكن يكون فى اكتر واقل ) فى الايام العادية
الشقق ابتداء من 1200 ليرة
الحل الامثل فى السعر الدير 600 ليرة للفرد ( مستوى خدمة جيد نظافة ممتازة) ولكن يعيبة البعد كنيسة مقام القديس بولس باب شرقي طريق جومانة مفرق دويلعة طبالة تليفون 00963114723377
[email protected]

وسأكتب الفنادق التى ارى ان سعرها مناسب
فندق الديوان دمشق بحصة مدخل ساروجة 2318567 - 2318567
فندق الخيام ش 29 ايار خلف سينما السفراء2323301-2323300-2323302
فندق القصر الفرنسي دمشق شارع 29 ايار جانب مطعم الكمال 2314015 - 2321950
فندق الحرمين سوق ساروجة البحصة 00963112319489
[email protected]
فندق ش خالد بن الوليد جانب المطبعة الرسمية 00963112226737
فندق الثورة خلف القصر العدلي 00963112228558
فندق البرج الفرنسي ش 29 ايار 009633112314000
لو عايزين شقق ممكن تنزلوا ش المزرعة عند جامع الايمان او خلف السفارة الروسية يوجد سماسرة كتير او جرنان الوسيط بتاع دمشق من على النت تقدر تدخل عليه زي بتاع مصر
الادوية اغلى من مثيلاتها فى مصر
المواصلات
التاكسي بالعداد ولكن عندما يعرف انك اجنبي بيطنش فيجب انك تقول له شغل العداد بداية البنديرة 5 ليرة بس فى حالة عدم التشغيل ومعاملتك على انك اجنبي من 100 الى 150 ليرة
الميكروباص اسمه السرفيس 10 ليرة سورية
الليموزين من المطار من 1100 ليرة الى 2000 حسب حجم السيارة
ولكن الاتوبيس من المطار الى البرامكة 45 ليرة والشنطة 25 ليرة ويمكن اخذ اى سيارة اجرة ب100 ليرة الى اى مكان او ميكروباص ب10 ليرة وذلك بدلا من 1100 ليرة الليموزين
ولكن سائق التاكسي برغم انه ممكن انيكون سمسار ويبيعك زي السائق الى عمل معايا فى اول رحلتي الا انه الطف من السائق المصري واكثر طاعة ممكن استنى هنا انتظرني هنا يعنى السائق بتاع ميلودي مش موجود عناك بالاضافة الى انهم هناك سجن على طول

الاتصالات
لايوجد سنترالات ولاتليفونات فى الشارع ولا اتكلم براحتك الدقيقة ب 50 قرش ولاكبائن
الحل البديل شراء خط ب 350 ليرة وشراء رصيد ب300 ليرة ويمكن بيع الخط عند العودة
والحل الامثل الذهاب بخط اتصالات من مصر وتقوم بالبحث عن الشبكة عندما تصل لسوريا لفتح خدمة التجوال يوجد شبكتان نفس الجودة فى دمشق اختار اى منهما سعر الدقيقة لمصر ب7.8 ودقية الاستقبال ب 3.4 والرسالة 1.8 واستقبال الرسالة ولله الحمد مجانا
يوجد تجوال لفودافون ولكن يزيد السعر قليلا عن اتصالات مثلا دقيقة لمصر ب8 جنية وتقريبا دقيقة الاستقبال 4 جنيه
موبينيل لايوجد به خدمة تجوال فى سوريا

الشعب السوري ارى انه ودود ولكن بحرص لان سوريا دولة بوليسية ممنوع الكلام فى السياسة ورأي هذا بعكس رأي زوجتى التى ترى انهم شعب مستغل ولم تدرك انها مخطئه الا فى النهاية وسبب ذلك اننا معظم تعاملتنا كانت مع سائقي التاكسيات والسماسره واعتقد ان هذه الطبقة اسلوبها واحد فى مصر وسوريا ولكن سائقي التاكسي اقل حدة نظرا للقانون واعتقد انك بركويك التاكسي تكون قد اجرت السائق مثلا ممكن ترسله الى مشوار او تجعلة ينتظر وسينتظر بدون ملل مادمت ستدفع او تجعله يقف فى انتظار انك تجيب حاجه من مكان ما
ولكنها تأثرت بما تم من استغلال لنا فى السكن ومع بعض سائقي التاكسي بالاضافة الى المربية الذهبية اتذكرون الاخ الذى قابلته فى مطار دمشق وقام بالاتصال بصديقة سائق التاكسي لمساعدتى
احسست انه فعل معي جميل شديد حتى اننى ذهبت لاشكره عند مغادرتي ولكنى لم اجده فتركت له رسالة شكر وبعد الدخول الى المطار من الجهة الاخرى وجدت قرب صالة المغادرة فى المطار شركة الاتصالات الوحيدة التى وجدتها فى سوريا فهو لو لم يبخل علي وقام بإعطائي مكان السنترال بدلا من إدعائه بعدم وجود سنترال وإعطائي الى زميلة كان من الممكن وضع اقامتى يختلف فى سوريا
ولكن فى المقابل كان هناك انس متعاونون وفي غاية الطيبة سأذكر اخر موقفين تعرضنا لهم كنا نجلس فى المسجد الاموي قبل السفر ب12 ساعة وجلت الى جوارنا اسرة سورية ودردشنا معهم وقاموا بقول ذكرياتهم عن مصر ونحن قلنا ماتعرضنا له فى سوريا وهم يقطنون بضاحية شعبية هناك وبعد انتهاء التعارف وحلول موعد مغادرتهم وذهابهم وجد السيدة والتى تمشي بصعوبة تأتى من اخر الدنيا لتعطي لزوجتى تليفون منزلها وتقول انها على استعداد لفعل اى شيء او اذا احتجنا اى شيء من السفارة يمكننا الاتصال بهم من مصر وسيقومون بإنهاء الاجراءات او اى مساعدة يستطيعون تقديمها لنا وقالت لنا نحن شعب طيب جدا ولكن توجد عدة انفجارات حدثت الايام الفائتة جعلت الجميع حذربن ويقبعون فى بيوتهم وكذلك ممنوع التحدث فى هذا الموضوع وعادت وهى تمشي بصعوبة بطول المسجد الاموى على الاقل 100 متر رايح جاي
موقف اخر
وكذلك الاخ the Syrian ومحاولة المساعدة مع انه بقطن فى حلب
ذهبنا الى المطار قبل موعدنا ب6 ساعات وقد هلكنا من كثرة المشي كذلك لاننا فى اخر اليوم وغير مسموح لما بالدخول الى صالة المغادرة لان ميزان رحلتنا لم يفتح وكما ذكرنا سابقا ان مطار دمشق فقير فى الخدمات وقد مر علينا شاب عدة مرات وفى الاخر سألنا عن طائرتنا وقلنا له باقي 6 ساعات وعلامات الارهاق تبدو علينا فما كان منه الى ان ادخلنا فى منطقة محظورة فى المطار ربما تكون طائرة او صالة كبار الزوار او مكان خاص اخر او سيارة خاصة المهم شيء ممنوع دخولة الا الى فئة محدودة ولكن لااستطيع تحديدة خوفا من يتعرض لاذى هذا الشخص الكريم ( وانتم تعرفون ان من يقوم بفعل كهذا يعدم في ميدان عام فى دولة بوليسية ) لم يفعل هذا الشخص ذلك بالرغم مما سيتعرض له ولن ينال منى الا شكرا بل ربما يتعرض لاذى شديد بمعنى الكلمة

الشعب السوري من (وجهة نظري) من اقرب الشعوب الى المصريين ولكن بإختلاف قليل هو اكثر حلاوة فى اللسان واقل اندفاعا ناحية الغرباء
بإختلاف اللكنة لن تحس بغربة فى سوريا الشوارع الى حدا ما متشابهه
مثلا العسكري هو هو بالبدلة الكاكي الى ممكن تكون مأذعرة علية وبغلبة
رأيت كونستبل سورى احسست اننى ارى كونستبل مصري بنفس كل حاجة نفس الموتوسيكل نفس الخوذة نفس البدلة والبوت والغباء
شوارع منطقة المزرعة و هي المنطقة التى اقمت بها وشارع 29 ايار خليط بين شوارع وسط البلد فى القاهره ومصر الجديدة ولكنها تعد من المناطق الراقية فى دمشق
نتحدث الان عن الفسح الغير مكلفة وبردة مش هاتحس بغربة
اذا ذهبت الى سوق الحميدية فقبلة سوق بالظبط كأنك ماشي فى العتبة اشياء مفروشة على الارض وبعض الملابس البالة وملابس بأسعار معقولة ثم واحد واقف باربع صفائح سمنة مليئة بالبسكوت السائب وبيع ياجدع ويوجد اطفال فى عمر 12 سنة بيبيعوا بعد ذلك يبدء سوق الحميديه على ايدك الشمال بس تنزل من نفق
تدخلة بالظبط كأنك ماشي فى شارع فرنسا بتاع اسكندرية بس مافيش بتوع دهب الا عدد محدود لو هو فاضي تمشية فى 10 دقايق بالخوة السريعه زحمة يبقى 3 ساعات
فى نهايتة يوجد المسجد الاموي والذي يذكرك بساحة المسجد الحسين على اضيق قليلا يوجد بالمسجد الاموي قبر (بس مش متأكد من المعلومة انا بنقل مشاهدتى فقط) مكتوب علية رأس سيدنا يحي
بعد ذلك يوجد باحة خلفية به قبة جميلة بس اوعوا تمشوا عليها فى الصقعة لان رجلكم مش هاتستحمل المهم هي زلقة (وبصراحة اخوكم برغم ان عندي 37 سنة الى انه عندما اجد ارض زلقة وياسلام لو عليها شوية رمل اتلفت حولي وعندما اتأكد من عدم وجود احد من حولي ...... ثم زووووو) (يعني اسكيتينج)
يوحد باب تخرج منه على قبر صلاح الدين
ومن الناحية الاخرى وبعد المشى اقل من 5 دقائق يوجد مبنى يسمى بيت عظم بيت اريخي وظريفوفى اثناء ذهابك الى بيت عظم تمر على شارع يشبهه الى حد كبير خان الخليلي
وبه سوق يسمى سوق الحب (بهارات وحبوب) ومنه شارع يسمى خان النسوان ( مثل زنقة الستات فى الاسكندرية) لبيع الملابس الحريمي فقط
مش قلت ليكم مش هاتحسوا بغربة
بس بشرط تبعدوا عن السماسره والمرتزقة والمربية الذهبية لان دول بيعاملونا على اانا خليجين والبعض بيعاملنا على اننا اجانب وكانوا بيشوفوا علامة الدولار ويلكوم ويلكوم
فى وشنا والبعض
الاخر كان بيناغشنا لما يسمعنا بنتكلم علشان حابب اللهجة المصرية والبعض بيرحب بدون مقابل

 

 

[دنتستاوي]

ولكن لاكلام فى السياسة اوعى ثم انت مالك انت رايح تجيب تأشيرة والا تتكلم فى السياسة اتشطر هنا لو انت جدع اهو نتعذب من امن الدولة الى عارفينهم احسن من الى مانعرفهومش
ستجد صورة السيد الرئيس القائد الملهم فى كل مكان ومن الممكن ان تجد حكمة ومواعظة ايضا وكلمات مش غريبة على ودانا سمعناها بس بشكل مختلف مثل لاعزة للعرب الابسوريا إن عزت عزوا وكما قلنا ستجد صورته فى كل مكان عند الحلاق وعند الترزى وعند بتاع الفول والفلافل وصورته وهو لابس لواء وهو لابس بدلة وهو مع اسرته وهو بنضارة شمسية وهو فى الحمام ( طبعا انا لاانقد واتكلم فى السياسة ولكني اوصف حالة)
دي سوريا من وجهة نظري وارحب بأي تعديل او اى رأي مخالف

مطار سوريا كما قلنا سيء والحمامات الى فيه عاملة زي المراحيض وفيه الى بيشيل لك الشنط علشان يحطها فى الكاشف التليفزيوني يودعك بحرارة ( طبعا ده كان موجود فى مطار القاهره لحد سنة 2000 بس ماشفتهاش المرة دي)
بالنسبة لمطار القاهره اخر مره ركبت منه كان سنة 2000 واول مره رأيته تقريبا عام 1978 ومن 1978 وحتى 2000 كنت بسافر مره على فترات متقاربة ومره على فترات متباعدة بس كانوا بيجددوه زي بتوع الابنية التعليمية فرشة ابيض وفرشة رصاصي جير وفجأه بصراحة حاجه تفرح وممتاز ورائع وخدمات محترمة وعالمي ودي اول مره اشوفة كده مش كده وبس اختفت ظاهرتين فى غاية السوء
اول ظاهرة بتاعة حمد لله على السلامة يابية الى كنت بتقابلها دائما والثانية الاخ الى كان بيجي جنبك فى الحمام اول ماتدخل وينتظر اول ماتبتدي قضاء حاجتك وتجدة لزق فيك ومعاه ورق تواليت ويقول لك اتفضل ويفضل لازق وفى ايدة ورق التواليت حتى تعطيه المعلوم وأخد ورقة تواليت ( انا ماشفتش كده المرة دي بس مش عارف علشان كنت محظوظ والا فعلا تم القضاء على هاتان الظاهرتان) وكذلك اختفى الظابط الغبي الى لما تقول له سلام عليكم ماكنش يرد واصبح الموجودين اكثر بشاشة
بالنسبة لمصر للطيران يجب ان نركبها بهدف قومي على الاقل لو الفرق فى السعر مش كبير وبصراحة الطيارون اكفأ ولكن انت بالنسبة لطاقم الضيافة مازلت الراكب المزعج
اذا طلبت طلب ثاني إضافي بمعنى يمكنك مثلا ان تطلب كوب من الماء ستأتي المضيفة بإبتسامة وتحضرة لك اما لو طلبت مره اخرى ماأعتقدش انها هاتجيبه لانها هاتطنش ( هي شغالة عندك )
رجال الامن على الطائره اشبة بالصورة التقليدية للمخبر يعني واحد ماسك جرنان مخروم وقاعد بس مش هاوضح اكتر من كده بس هابقى ابعت ميل لمصر للطيران علشان يخلوهم قاعدين بشكل سري اكتر


الميزانية
اولا الطيران : مصر للطيران والسورية الارخص يليهم الاردنية بشرط ان تكون اكثر من 5 ايام على الاردنية لتأخذ السعر المخفض ومع ذلك يزيد 25% عن الشركتين السابقتين
ولكن لمصر للطيران ميزة ان لها طيران ليلي وهو ارخص بحوالي 15% وهو ايام الاحد والثلاثاء والخميس فجرا اعتقد متوسط سعر 1700 جنيه قابلة للنقص او الزيادة ويمكن انك تجيبها اقل من بعض الشركات بحوالي 45 جنية ولكن من مصر للطيران الام ستأتي بهذا السعر
اما فى الاوقات النهارية متوسط سعر تحت الزيادة والنقص 2000 جنية مصري وكذلك السورية
يمكنك ان تحسب ميزانيتك فى ضوء الارقام التى كتبتها سابقا عن المعيشة فى سوريا مضروبة فى 2 لانك مش عارف الظروف ايه ولازم يبقى فى مبالغ احتياطية وبزيادة ( المال وطن من لاوطن له) بالاضافة الى 1500 ليرة سورية رسوم مغادرة للفرد وعند وصولك تقوم بعزل فلوس المغادرة وومواصلات العودة فى جنب وعزل الاحتياطي فى جنب وعزل ماستصرفة فى جنب
سعر صرف الدولار 4650 ليرة سورية = 100 دولار
تعالوا نروح سوريا كاجوال (لغير المتزوجين فقط)
اولا ممكن تركب اتوبيس للمطار من ميدان التحرير وخط سيره بيعدى على رمسيس 2 جنية
لو ركبت الطيارة بتاعة الفجر الى قلت ليكم عليها نقول متوسط 1700 للفرد ذهاب وعودة على فكرة فى اتوبيس ( ذهاب وعودة 1000 جنية ولكن لااشجعه وخصوصا فى حالة وجود حريم طريق مرهق والمعاملة فى الاردن سيئه جدا)
تنزل المطار تركب اتوبيس البرامكة انت وشنطتك 60 ليرة
تنزل البرامكة سرفيس لوسط البلد عند الحاميدية او 29 ايار ( وهى مناطق الفنادق ) ب 10 ليرة
ميزانية اكل متوسطة 200:250 ليرة فى اليوم للفرد من الممكن اقل ومن الممكن ازيد بس ده المتوسط
والعودة بنفس الطريقة وكمان نبعد عن السماسارة ونعرف نتعامل مع السائقين ازاي
نصيحة مخلصة ماحدش يتعب نفسة ويعمل نفسة ذكي ويدور على ليرة سورية ويشتريها من مصر علشان يوفر انه يحول مرتين وكذلك فى سوريا عند العودة ماتحولش الى مصري ( الكلام ده لو لقيته اصلا ) حول الى دولار لان الجنيه المصرى هناك جنيه جبس والليرة السورية هنا ليرة اسمنت لانهم بيباعوا بأكثر من سعرهم الرسمي والبائعين نتيجة لقلة الطلب عليهم بيطلعوا لنفسهم عمولة كبيرة
اذا نطلع بدولارات وان شاء الله نرجع بدولارات ونبدل فى محلات الصرافة او المطار

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة Amro Elsayed يا سلام علي الموضوع الجميل ده تسلم ايديك يا كودو مجهود اكتر من رائع

مين يشهد للادارة يا كولونيل

ربنا يقويك علينا

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة phrma ياه يا مدام كودو ايه الموضوع الرائع دا وبما انى من القوم اللى راحوا سوريا وشوفت فيها يوم مش كويس وايام كويسة انا تحت امركم وهبدا احكيلكم حكايتى وفارما فى بلاد الشام نطلب الاذان عشان انا شايف مدام كودوا نفسها تستخدم سلطتها الادارية

سيري يا نورماندي


انت من شباب المطاريد الاحرار يا د/ فارما

في انتظار ادق التفاصيل عايزين نطمن الشباب يا فندم

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة دنتستاوي دي مشاركه لقيتها في المنتدى جميله جدا ممكن تنفع اي حد 13. السفر إلى سوريا: - مصر للطيران عن الخطوط السورية هى اغلى شوية بس طيران مباشر وخدمة عالية جدا وطقم على اعلى مستوى من الكفاءة. - الطيران من مصر لسوريا حوالى 1:30. - افضل فندق بكل المقاييس فى الاقامة والسعر دير ابراهيم الخليل وعنوانه كشكول-دويلعة-منطقة جرمانا. (للسنجل 1000 ليرة). - كل شى فى سوريا محتاج فيه فصال لدرجة اكتر من نص التمن. - لو ركبت تاكسى اتاول معاه من الاول قبل ماتركب علشان الفصال فى طبعهم - المسافة من الدير للسفارة حوالى من تلت لنص ساعة. - سوريا ملهاش تاشيرة او فيزا. - لو انت مكتوبلك فى الباسبور مهنة تمام ولكن لو مكتوب حاصل على بكالوريوس فالافضل تحاول تغيره اوتجيب تصريح سفر من ظابط الاتصال. - موضوع جميل تسلم الايادي ياا مدام كودو

كل ده معلومات كنت عارفها و مخبيها علينا يا دكتور
انت كشفت نفسك بكيبوردك


الف شكر علي كل المعلومات المفيدة والمهمة ده ربنا يباركلك
ويجزيك عنها خير وفي انتظار المزيد طبعا

 

 

[دنتستاوي]

اقتباس المشاركة الأصلية كتبت بواسطة kodo كل ده معلومات كنت عارفها و مخبيها علينا يا دكتور انت كشفت نفسك بكيبوردك الف شكر علي كل المعلومات المفيدة والمهمة ده ربنا يباركلك ويجزيك عنها خير وفي انتظار المزيد طبعا

مخبي ايه بس يا مدام كودو دي معلومات من الموقع هنا بس انا حبيت ارتبهم علشان بحب النظام وكنت عايز انزلهم في موضوع لوحده بس انتي سبقتيني في الخير ربنا يباركلك