Arabic Discussion Forum with a Special Interest in Travel and Immigration

KANE · 2nd June 2014, 05:53 AM

«الداخلية»: مراقبة مواقع التواصل الاجتماعي لحماية الأمن القومي المصري

كتبت: داليا فكري
أكد اللواء عبدالفتاح عثمان مساعد وزير الداخلية للإعلام والعلاقات العامة، أن عزم الوزارة متابعة ورصد وسائل التواصل الاجتماعي ليس المقصود منه عودة القمع وتكميم الأفواه كما يروج له البعض من خلال الرصد والمتابعة، لافتا إلى أن هدف الوزارة من القرار هو حماية الأمن القومي المصري والحفاظ عليه.

وأضاف عثمان خلال مداخلة هاتفية على قناة المحور مساء اليوم الأحد، أن الداخلية لا تبتدع أساليب جديدة لأنها بالفعل موجودة في الأسواق والأنظمة التى ستسخدمها الداخلية ستكون لرصد المخاطر على شبكات التواصل الاجتماعى ويستخدمها العالم بأسره.

وأوضح عثمان أن النظام الذي ستستخدمه الداخلية لرصد المخاطر على شبكات التواصل الاجتماعى لا ينتهك الخصوصية ، لافتا إلى أن ووزارة الداخلية تبذل جهود كبيرة فى استخدام التكنولوجيا الحديثة للحفاظ على الأمن القومي.

KANE · 2nd June 2014, 05:55 AM

«#احنا_متراقبين».. سخرية المصريين من مراقبة «فيس بوك وتويتر» (لحظة بلحظة)

منذ 5 ساعات | كتب: باهي حسن

سخر مستخدمو التواصل الاجتماعي «فيس بوك وتويتر»، الاثنين، من مراقبة جهاز الأمن الوطني التابع لوزارة الداخلية لمواقع التواصل الاجتماعي «فيس بوك وتويتر»، ودشنوا هاشتاج «#احنا_متراقبين».

وقال محمود عفيفي، الناشط السياسي: «الداخلية: مراقبة فيس بوك وتويتر إنجاز علمي، زى الكفتة بالظبط ما هو إحنا بقينا جامدين قوى في الإنجازات العلمية».

.#الداخلية : مراقبة “ #فيس بوك و #تويتر” إنجاز علمي ... زى الكفتة بالظبط ماهو إحنا بقينا جامدين قوووى فى الإنجازات العلمية #احنا_متراقبين

— Mahmoud Afifi (@MahmoudAfifiii) June 2, 2014

وأضاف محمود أحمد: «قوم نادي على الصعيدي، وابن أخوه البورسعيدي ونادي على كل مصر وقولهم إن إحنا متراقبين».

وقالت علياء مجدي: «السيسي ده أحسن رئيس مصر جابته او هتجيبه»، فيما سخر «وليد الدو»، بقوله: «بيقولك هنحط كلمة متفجرات ونبحث عنها ويظهر لينا كل واحد قالها ؟! طب ما تعملولها هاش تاج أحسن».

وقال أحمد البدري: «الواد كان سارق الأكونت بتاعي طول الفترة اللي فاتت، وكان بينتقد السيسي، بس الحمد لله رجعت الأكونت والسيسي أجدع ناس».

الواد كان سارق الاكونت بتاعي طول الفترة اللي فاتت وكان بينتقد السيسي بس الحمد لله رجعت الاكونت والسيسي اجدع ناس #احنا_متراقبين

— احمد فتحى البدرى (@ahmedelbadry555) June 2, 2014

واقترحت صفحة «أساحبي» بعمل «منشن لصاحبك اللي عايز تسلمه».

KANE · 2nd June 2014, 05:56 AM

KANE · 2nd June 2014, 05:57 AM

KANE · 2nd June 2014, 05:58 AM

KANE · 2nd June 2014, 06:01 AM

إنت عيل شونبونجو
المكان: غرفة كبيرة في احدي مكاتب أمن الدولة بها ضوء خافت منبعث من كشاف صغير موضوع فوق المكتب الذي يجلس عليه مقدم بأمن الدولة مستجوباً شخص متهم في قضية للإنترنت.
-اسمك و سنك و مهنتك؟!
--خالد .. ٢٠ سنة .. طالب في كلية تجارة
-خالد انت حسابك بتاع الفيس بوك في حد غيرك بيخش عليه؟
--لا خالص يا فندم .. ده انا نفسي مش بدخل عليه !!
-حنبتدي الكذب بقي .. "يغمز للصول الواقف بجوار خالد فيصفعه علي قفاه صفعة يتناثر معها رزاز العرق الذي يغطي وجه خالد" .. خالد ماتخلينيش استعمل العنف، انت شكلك ابن ناس و مش حمل مرمطة.
--حاضر .. حاضر .. انا تحت أمرك
-كده تعجبني .. ها .. قولي .. مين اللي بيبعتلك الكلام اللي انت بتكتبه علي صفحتك ده!!
--محدش بيبعتلي حاجة .. انا اللي بكتب من دماغي.
-من دماغك !! .. طب نفتح بقي و نشوف انت كاتب ايه !!
"يقوم المقدم بفتح بروفايل خالد علي الفيس بوك و قراءة ما بها من تعليقات"
انت في يوم ٢٣ مايو ٢٠١٤ كنت ناشر صورة لصافيناز و كاتب عليها تعليق خادش للحياء!
--معلش يا فندم انا اصلي ناسي .. انا كنت كاتب ايه!
-كنت كاتب "يعني ايه وطن؟ .. وطن يعني حضن .. حضن صافيناز"
--"خالد بدهشة" يا فندم ده هزار !!
-هزار .. هو الوطن بقي هزار .. هو كلام القائد بتاعنا يبقي هزار .. طب و البوست اللي بعده كاتب "مصر شالت فوق طاقتها ريهام سعيد"
--فيها ايه يا فندم !
-ريهام سعيد مصر ماتقدرش عليها .. انت لو كتبت مصر شالت فوق طاقتها اسرائيل ارحم .. انت بتحاول تضعف وحدة الصف اللي موجودة في البلد
--يا فندم ده هزار شباب !
-هزاااار .. اه .. قولتيلي بقي .. و يا تري الهزار ده يخليك تكتب بوست مكتوب فيه "انا مش قادر اديك .. تعالي خليك شيك"
--انا حاسس اني عكيت في البوست ده فعلا .. انا اسف .. حضرتك ممكن تمسحه !!
-لا خالص ده ضحكني خالص
يا ابن اللعيبة انت وصلت لليفل ٢٨٠ في كاندي كراش بيتلعيها من الموبايل ولا النت.
--من الموبايل يا فندم
-طب انا حعملك اد علشان تبقي تبعتلي life و تديني ticket علشان اعرف أعدي المراحل.
--تحت أمرك يا فندم
-اكتب يابني .. يخلي سبيل المذكور أعلاه في ساعته و تاريخه بضمان بطارية موبايله.

AA

عالي مستواها · 2nd June 2014, 07:21 AM

اغبياء
مبارك كان بيراقب استفاد ايه؟
هيعملو ايه يعني ؟ كل الشعب الغير سيساوي ضدهم
هيحبسو مين ولا مين
سخاااااااااافه

طارق السعد · 2nd June 2014, 08:42 AM

الامن الكومى يا عينى على الامن الكومى
ناخد السلاح من اعدائنا
ناخد القمح من اعدائنا
بنعمل تدريبات و نرسل بعثات عسكرية تتعلم عن أعدائنا
نتجوز من اعدائنا بدل ليلة واحدة

و ده قمة الامن الكومى

ysma · 2nd June 2014, 09:03 AM

طارق السعد · 2nd June 2014, 09:10 AM

اقتباس

المشاركة الأصلية كتبت بواسطة ysma

انت مفكر نفسك هربت علشان رايح كندا ؟
بكره مصر لما تبقى قد الدنيا الامن الوطنى هيوصلك

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
في ذكر 25 يناير القبض على اشرف حمدي	شؤون مصر الداخلية	حشيش	1	2432	26th January 2021 07:57 PM
البدائل الحرة للبرامج	الكمبيوتر والإنترنت	Mafia	19	5958	13th November 2020 07:50 PM
خلاصة القول في تعديلات الدستور	توعية جماهيرية	حشيش	1	1630	5th February 2019 12:26 PM
من عين جمال عبد الناصر	تاريخ مصر	KANE	0	3740	3rd February 2019 07:29 PM
نزلة السمان - كنا هناك من اجلكم	شؤون مصر الداخلية	حشيش	3	1936	21st January 2019 05:37 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مناقشات وحوارات جادة

#احنا_متراقبين و الحرية للعبيد - بالهنا والشفتشي