قائد كتائب حلوان

[NazeeH]

الصحف المصرية والعربية

قائد كتائب حلوان


حابب اقول كلمتين كده عشان لو اتمسكت ابقى ريحت ضميرى !

انا اسمى محمدى محمد طالب من زمان فى جامعه عين شمس اه والله زاى ما بقولك كده !

واحد من اللى اتصابو فى ثوره 25 يناير يوم جمعه الغضب قعدت سنه و 5 شهور بتعالج فى مستشفى منشيه البكرى العام احد المستشفيات الحكوميه الجميله اللى كنت بشترى فيها كل حاجه على حسابى

شاب مصرى عادى .. زى كل الشباب اللى نزلت الثوره كان بيحلم بعيش حريه وعداله اجتماعيه ! بس للاسف اضحك عليا

كنت من انصار حمدين صباحى الراجل الثورى بتاع التصريحات زايكو كلكو ونزلت انتخبته فى المرحله الاولى !

وبعدين لقيت فى راجل كده بيتكلم اسمه الشيخ حازم قولت اسمعله هو انا ليه ديما همشى وراء كلام الاعلام وبالفعل سمعت كلام الراجل عن الموامره الامريكيه على مصر والهيمنه وبدات افهم الوضع فى مصر والدول العربيه جمبنا ماشى ازاى !

وعلى فكره انا معصرتش على نفسى ليمون ونزلت انتخبت مرسى زيكو عشان انا مكنتش شايف فيه الرئيس الثورى اللى كنت بحلم بيه وقاطعت الانتخابات

ومرت الايام ومرسى مسك الحكم وكنت من اشد المعرضين لمرسى طول النهار اقسم بالله نازل فيه تجريح هو والاخوان وشتيمه زى ناس هبله كتير مكانتش تعرف ان العسكر ادانا سنه حكم مع شويه ازمات مفتعله عشان يكره الناس فى الحكم المدنى عشان يرجع تانى بحكم عسكرى !

وقبل 30/6 بشهرين كنت من اكتر المؤيدين لمرسى لانى كنت عارف انه لو اتعزل زاى السيسى الشعب مش هيسكت وبالفعل اللى حذرت منه لقيته ..

نزلت رابعه وطلعت على منصه رابعه وانا مطلعتش عشان الشرعيه طلعت عشان اقول انا ضد حكم العسكر واللى فاهم يعنى ايه حكم عسكرى كان هينزل زيي بس فى ناس اول لما بتسمع انك ضد حكم العسكر تقولك انتا ضد الجيش يا خاين يا عميل اهو الناس دى اكتر ناس بتبقى عايزه تضرب بالجزم

اتفض الاعتصام وكلنا هربنا وانا من ساعه موضوع فض رابعه وانا كل يوم لما الداخليه ميبقاش عندها شغل تروح عامله ليا قضيه وتقول عليا انى ارهابى .

طيب اشمعنه انتا يا محمدى ؟ ! ما فى ناس كتير زايك ؟ !

هقولك ليه انا كنت واحد من اللى شركو بفضل الله فى كل الاعتصامات من اول ال 18 يوم وكنت بنزل وانا مضروب بالنار على كرسى متحرك مرورا بمحمد محمود ومجلس الوزراء الخ الخ الخ

لحد اعتصام رابعه ..

طيب برده اشمعنى انتا يا محمدى بيعملو برده معاك كده !
هقولك ليه الشعب طول عمره حافظ شكل الارهابى انه واحد محلقش لحيته من اول لما اتولد ماسك بندقيه بيقتل فى الناس اللى مش بتصلى وبتنزل تعوم فى البسين وطبعا مش هتكلم عن الفزاعه الاعلاميه اللى بيستخدمها الاعلام المصرى للتخويف من الارهابين

بس المره دى الداخليه والاعلام بتاعها معرفوش يعملو معايا اللى بيعموله مع باقى الناس
لقونى شاب بلبس شورت وبلعب حديد وكنت بلبس سلسله مش ده الارهابى اللى هما متعودين عليه
انا فاكر ان قناه كده مش فاكر اسمها كانت بتذيع اسامى ارهابين مطلوبين لقيت اسمى وسطهم محمدى محمد الشهير باورتيجا وحطين صوره واحد ملتحى

اكيد لو القناه دى كانت حطت صورتى بالشورت الشعب مكنش هيصدق

واكتر ارهابين دلوقتى الدوله بتحاربهم هما الشباب اللى عندهم وعى اللى فاهمين ان مصر عمرها ما هتضرب اسرائيل عشان مصر هى اللى بتحميها !

كان قدامى طريقين بعد الثوره

اول طريق انى اصرف الشيك ابو 50 الف جنيه بتاع الجيش واقبل شهاده التقدير اللى قدمها ليا مجلس الوزراء ايام الجنزورى وانى ابقى ناشط سياسى بقى وكده زاى الشباب العره اللى بنشوفهم بيتكلو باسم الثوره والثوار دلوقتى

او انى اكمل فى الشارع زاى ما انا ويقولو عليا مجرم وبلطجى والكلام الكتير اللى بيقوله دايما ده

اسال نفسك يا كابتن يا اللى بتقرى البوست لو انت مؤيد للسيسى مصر ليه برغم ان كل يوم فى ولاد ليها بتموت على الحدود من اسرائيل مش عايزه تحربها !

ناس كتير سالتنى لو الجيش حارب ممكن تطوع فى الجيش طيب انتا بتحب مصر اصلا ؟

اكيد هطوع فى الجيش وهكون على خط النار بس لما نحارب اسرائيل ... اسرائيل .. اسرائيل مش ليبيا ولا غزه ! ومفيش حد بيكره بلده برغم ان البلد دى ياما شوفنا فيها ايام سوده !

موضوع السلاح اللى مشيرينه ليا وبيقولو عليا قائد كتائب حلوان

انا هقول ليكو ايه موضوع السلاح ده فى السريع كده انتو عارفين الشعب المصرى بيحيب يتصور بالحجات دى كان فى فرح جمبى بعد الثوره وكان فى ناس اعرفها معاها سلاح اخدتها واتصورت بيه ايه الجريمه فى كده

ممكن تقولو عليه طيش شباب هزار بوابين سموها زاى ما تسموها بس الحمد لله انا عمرى لا قتلت حد ولا اصبت حد ولا ناوى اعمل كده ! رغم ان اللى ضربنى يوم 28 يناير هى الداخليه واللى قعدتنى سنه ونص فى المستشفى هى الداخليه بس الحمد لله على كل شى

واخيرا انا مبسوط والحمد لله وعارف انى لو اتمسكت هيتعمل معايا الجلاشه بس خلو البوست ده ذكرى عشان لما اتمسك ويقولو عليا بلطجى وبتاع .. ابقو فهمو الناس دى اننا مبعناش ولا خوفنا من تهديد حتى بعد ما قبضو على بابا عشان اسلم نفسى مخوفتش وكملت زاى ما انا بالعكس انا عرفت قد ايه النظام ده غبى وخايف مننا !

معلش بقى لو طولت عليكم بس انا ختزلت 4 سنين مرت من حياتى فى بوست ميكملش 5 دقائق
عشان محدش يدخل يقول انى بتاجر وعشان اتشهر والكلام الفاضى ده ربنا يعلم مكنتش احب نفس فى الموقف ده عشان اسمع كلمه من حد مالوش لزمه !

مرفق مع البوست صوره ليا وانا فى المستشفى والصوره التانيه التقرير الطبى اللى بيثبت انى من مصابين الثوره

Mohamadi Mohamed

 

[NazeeH]

 

 

[NazeeH]

 

 

[NazeeH]

هو ليه محمود بدر مش قائد مليشيات حلوان ؟؟؟

 

 

[NazeeH]

إقرأوا الكلام ده كتبه عبدالفتاح علي
-------------------------------------------------
كتية 777 بعنوان كتائب حلوان
50%ساقط ثانوية
يونيفورم واحد :))))
ليه الفيديو فاكس يا نظام فاكس و داخلية فاكسة
1- صوت اللاسكلي و الإشارات اللى رايحة جاية !
2- منطقة التصوير و الناس اللى رايحة جاية عادي كده
3- لو النظام ده حقيقي فعلا كانوا اختاروا مكان مؤمن اكتر من كده و سري
4- البيادات و القمصان الواقية (ميري 100%) مش محتاجة مناقشة
5- ثقافة الطبقية مسيطرة كالعادة الصف الأول الرتب اللى لابسة ميري - الصف التاني الأفراد من امناء الشرطة و المعاونين الصف التالت المخبرين و الأمنجية و المرشدين
6- نوعية السلاح و بحكم خبرتي في المظاهرات من يوم 25 يناير و تطور تسليح الداخلية او الأمن عموما فالسلاح المستخدم فى التصوير برده ميري 100% و اللى أكدلي اكتر الخرطوش اللى في تاني صف
7- دول بقى لو نزلوا بمنظرهم ده في ضهر المظاهرة مافيش اي دليل انهم متظاهرين و هيعمل معاهم الجلاشة كأنهم أمن
شوفوا كمان التعليق ده من شرطي سابق:
---------------------------------------------
كظابط شرطه سابق .. ده فيديو مفبرك . كل اللي شايليين سلاح دول .. " رجال ميري " ومدربين جيدا ....القاعده رقم واحد في حمل " السلاح " .. لا تدخل اصبع السبابه في فتحه " التتك " ... الرجاله دول كلهم تلقائيا ولا واحد فيهم صباعه جوا فتحه " التتك " ،،، يعني فتحه ( الزناد ) ... يبقي دول يا اما " شرطه" يا اما "جيش" .... للاسف ... وربنا يستر عليا بعد البوست ده

 

 

[NazeeH]

 

 

[NazeeH]

سخر المحمدي أورتيجا - الذي تتهمه وسائل إعلامية بتأسيس كتائب حلوان - من بعض الاتهامات الجديدة التي نُشرت له حيث جرى إتهامه بأنه عضو في حركة الوايت نايتس خاصة بعد واقعة الاعتداء علي رئيس نادي الزمالك والتي اتهم بها اولتراس وايت نايتس كما نٌشرت أخبار جديدة عن قيادته لحركة أحرار المقربة للشيخ حازم صلاح أبو إسماعيل خاصة مع إقتراب ذكرى 30 أغسطس التي تنوي الحركة المشاركة فيها بالتظاهر . وقال أورتيجا في تدوينة : انا اللى رفعت الفيديو على ال YouTube وانا اللى بنزل اموت ظباط وانا اللى بنزل اولع فى اقسام وانا اللى بنزل اقطع طرق وفى نفس الوقت انا اللى مطارد والداخليه بتدور عليا ! ده انا لو فاندام مش هعرف اعمل ده كله . وأضاف: هو انا مفيش غيرى فى البلد دى يعنى انا دلوقتى اخوان واحرار ووايت نايتس وكتائب حلوان ! مفيش سندوتش جنبه رومى .

 

 

[Y.MeGa]

من الشخصيات المحترمة بجد المحمدى .. بعيدا عن لبسه طبعا
ربنا يسترها عليك يا محمدى
طلعت مرة من الحبس ياريت ما تتكررش وما تدخلهوش تانى يا صاحبى

ان شاء الله لينا عودة

تسلم يا زعيم لنشر قضية المحمدى .. بس على فكرة في نااااس كتير اولى من المحمدى وقضاياهم مش معروفه

#عمرو_ربيع طالب هندسة جامعة القاهرة
ان شاء الله مشاركاتى تعدى ال50 هكلمكم عنه وهو باقى اخوانى فى احرار