رساله إليها .. هي فقط

[nash]

الصحف المصرية والعربية

رجاءا أقرأيها ...

أسوأ شيء ممكن يحصل أنك تجرح اللي قدامك بكلمه كان ممكن ببساطه ماتقولهاش ..ولو أضطريت تقولها يكون من الأفضل بطريقه حلوة ... لكن وقت الغضب بتحس ان الكلام مناسب وكل كلمه بتجري ورا التانيه وتزوأها عايزة تطلع في سباق محموم لجرح الطرف المقابل بأقصي قدر من القسوة...

من الأمس وانا أستغربني .. ما الذي دعاني إلي جرح أعز إنسانه إلي قلبي ودائما ما تحمل همي ولا تريد مني جزاءا ولا شكورا ... طول الليل يتردد في ذهني كل الكلام الذي قولته لها وأحس بصدمتها وعزوفها عن الرد ..وليس ذلك فحسب .. بل تحاول تهدئتي أيضا ...والأخذ بخاطري ..وكلما تمادت في المحاوله زادت قسوة كلماتي لها ...

حتي الأن لا أعرف كيف أعتذر لها ولا كيف اخذ بخاطرها ... عادة كنت أرفع الهاتف عليها ..وعندما تسمع صوتي نبدأ بالمزاح وتعليقاتها الخفيفه التي تضحكني من أعماقي ... هذه المرة ...

لم تقل سوي ربنا يهديكي يا ناش وألتزمت الصمت... والله هذه الكلمه آلمتني جدا ... وأحسست بمرارة الألم الذي تشعر به من جراء تهوري وقت الغضب ...

شقيقتي الغاليه...رغم أنك الأصغرولكن الاكبر عقلا والاكثر حكمه أعتذر علنا عن كل كلمه وكل حرف آلمك مني ...ولا أعرف الحقيقه ماذا أقول ولا بماذا أعتذر ..........ولا أجد كلمات أطيب بها خاطرك ... كما وجدت كلمات ضايقتك ....

 

[oskasan]

اتصلى بيها يا ناش
واضح انها بتحبك وبتحترمك وأكيد هاتغفرلك كلامك
مش سهل انك تخسرى صديق في الزمن المهبب ده

 

 

[sanaa]

اقتباس المشاركة الأصلية كتبت بواسطة nash رجاءا أقرأيها ... أسوأ شيء ممكن يحصل أنك تجرح اللي قدامك بكلمه كان ممكن ببساطه ماتقولهاش ..ولو أضطريت تقولها يكون من الأفضل بطريقه حلوة ... لكن وقت الغضب بتحس ان الكلام مناسب وكل كلمه بتجري ورا التانيه وتزوأها عايزة تطلع في سباق محموم لجرح الطرف المقابل بأقصي قدر من القسوة... من الأمس وانا أستغربني .. ما الذي دعاني إلي جرح أعز إنسانه إلي قلبي ودائما ما تحمل همي ولا تريد مني جزاءا ولا شكورا ... طول الليل يتردد في ذهني كل الكلام الذي قولته لها وأحس بصدمتها وعزوفها عن الرد ..وليس ذلك فحسب .. بل تحاول تهدئتي أيضا ...والأخذ بخاطري ..وكلما تمادت في المحاوله زادت قسوة كلماتي لها ... حتي الأن لا أعرف كيف أعتذر لها ولا كيف اخذ بخاطرها ... عادة كنت أرفع الهاتف عليها ..وعندما تسمع صوتي نبدأ بالمزاح وتعليقاتها الخفيفه التي تضحكني من أعماقي ... هذه المرة ... لم تقل سوي ربنا يهديكي يا ناش وألتزمت الصمت... والله هذه الكلمه آلمتني جدا ... وأحسست بمرارة الألم الذي تشعر به من جراء تهوري وقت الغضب ... شقيقتي الغاليه...رغم أنك الأصغرولكن الاكبر عقلا والاكثر حكمه أعتذر علنا عن كل كلمه وكل حرف آلمك مني ...ولا أعرف الحقيقه ماذا أقول ولا بماذا أعتذر ..........ولا أجد كلمات أطيب بها خاطرك ... كما وجدت كلمات ضايقتك ....

nash ....العلاقات الانسانيه تتعرض لكبوات لتختبرقوه او ضعف العلاقه

مش عيب ان اي انسان يغلط العيب الاستمرار فيه

وطالما انت حسه كده اكيد اكيد حتعرفي تحلي الموضوع وتصلحيها

اعملي اللي عليكي برصيد العلاقه الحلوه دي تقبلت كان بها ماتقبلتش يبقي العلاقه حتي لو كان في ظاهرها انها قويه كانت ضعيفه


ربنا معاكي يانونوش

 

 

[Doudy]

ناش كلميها و صالحيها
طالما راجعتى نفسك و حاسة انك زودتيها شوية
و الحبيب يبلعلك الزلط

يلا بسرعة

 

 

[dede_alkady]

ناش هى اكيد بتحبك وهتسامحك
اتصلى بيها وصلحيهااا

 

 

[الحاج فوزى]

فى بعض المواقف ، نقسوا كثيرا ً على من نحب ..

ربما لأن مشاعرنا ترتبك بين الخوف عليه وبين الغضب منه ..

أو بين الرغبة فى عدم تعرضه للأذى ، وبين عدم إكتراثه لكلماتي ..

وكلما زادت غلاوته ، كلما زادت حدة كلماتي ، وزاد توتري

لذا .. يجب أن يغفر المحبوب ثورات الغضب من حبيبه .

فربما لو كان قربه أقل ، لما إكترث له .



ستسامحك لكن حدثيها ، بكل تأكيد ، ستسمع مع كلامتك الصدق .

 

 

[Farida]

مش عارفه ليه لما نغلط و يؤنبنا ضميرنا و نفضل سهرانين نعيد و نزيد فى اللى قلناه و نلوم نفسنا و مع ذلك بنبقى خايفين لو حاولنا الأعتذار الا يرضى الطرف الأخر و جايز يؤنبنا على ما بدر مننا و جايز يوصل لأخر حاجه و يقفل السكه فى وشنا مثلا لو بنتكلم على التليفون او يتركنا و يمشى لو قاعدين قصاد بعض .............الغرض و القصد لو انا غلطت فىحد و حسيت انى غلطت جامد ابادر بالأعتذار و مش بس كده لأ اتوقع اسوأ رد فعل و اتخيله و اوافق عليه و استحمله و احاول مرة و مرات حتى اثبت صدق توبتى و غلطتى و اعتبر هذا اقل حق للغاليين .........صدقينى يا ناش استحملى اى رد فعل و بادرى مرة و اتنين و تلاته و انت قصدك خير و ربنا معاكى

 

 

[hoppa]

لا يفوت الوقت ابدا...
و الباب دائما موارب.....
الصعوبة فقط فى محاولة العودة..

 

 

[nash]

الغاليين جدا علي قلبي ....

أوسكا

سناء

دودي

ديدي

الحاج فوزي

فريده

هوبا

بجد أنتوا غاليين علي قلبي جدا وربي هو المطلع علي القلوب ...

طبعا أنا مقدرة كلامكم جدا ... وبالفعل زي ماقات فريده انا مقدرة الأسوأ ... لإني بصراحه زودتها جدا ... ومش فاهمه ليه ولا عارفه السبب غير أني كنت في حاله غضب عنيفه ...

وزي ما قال الحاج فوزي ... يظهر ان اللي بنحبه بيكون عصبيتنا أقسي واشد معاه ...بس مش معقول كل شويه يسامح أو يلاقي المبرر لتصرفات شديده الغياء ....

أنا بعتلها ماسيج أجس نبضها الأول ... والصبح هاتصل فيها ... وربنا يستر بجد .. لإنها فعلا أغلي إنسانه عندي في الوجود

 

 

[toota]

اقتباس المشاركة الأصلية كتبت بواسطة nash أنا بعتلها ماسيج أجس نبضها الأول ... والصبح هاتصل فيها ... وربنا يستر بجد .. لإنها فعلا أغلي إنسانه عندي في الوجود

احلى علاقة الي بين الاخوات ويكون فيها الشفافيه العالية ان الواحد بيبقى كانه عريان وبيبص في مرايته...لدرجه انه لما يزعله بيبقى حاسس انه جرح نفسه قبل مايكون جرح حد تاني



بس سيبك انا بقى....عايزه اعرف قلتي ايه ف المسج يا ناش...هه



عايزه النص من فضلك بالحرف....


وبعدين عندي احساس...مجرد احساااااااااااس...ان العزيزة المعنية مسجلة معانا ف المطاريد....اصل اشمعنى ليها هي بس....انا عايزه اعتذار برضو باسمي...وتكتبي فيه اليها فقط ...توتا... اصلك ياما اتنرفزتي عليا...