ملخص الأسبوع 6/11/2014 :-
- الرئيس عبد الفتاح السيسي أكد إنه متهزش ومبيتهزش ومحدش يقدر يهزه .
- رئيس هيئة الطرق والكباري - اللي هوا المسؤل الأول عن الطرق في مصر - أكد إن إصلاح الطرق هيؤدي إلى مزيدا من الحوادث ... وختم مؤتمرة الصحفي بجملة : احنا مش بنهجص " #بجد .
- اﻻستاذ عزت العلايلي صاحب أول فيلم سكس مصري سوفت كور .. مستاء من إنحطاط أخلاق جيلنا اللي صوته بقى عالي وبيتبجح على السيد الرئيس .
.
- ياسر البرهامي أكد إن بابا الفاتيكان بيسعى إلى هدم الكنيسة الكاثوليكية العظيمة .. اه والله قال كدة " الكنيسة الكاثوليكية العظيمة "
.
- تعيين الراحلة فايزة ابو النجا في منصب مستشار الرئيس للأمن القومي .. اه الأمن القومي
.
- مدام ندى بسيوني أكدت إنها بقت بتعرف تنام من اللحظة التي أصبح فيها السيسي رئيسا.
.
- حافظ ابو سعدة رئيس المنظمة المصرية لحقوق الإنسان قال إن مصر بتعيش مرحلة عظيمة ومذهلة وإستثنائية في حقوق الإنسان ... اه زي ما سمعتوها كدة ؛ عظيمة ومذهلة واستثنائية .
.
- مساعد وزير الداخلية لشؤن الإرهاب قال : " كلاب وزارة الداخلية المسؤلة عن شم المتفجرات .. لا بتشم ولا بتهوهو " ... اه قال ولا بتهوهو
.
- الجنزوري هيخوض الأنتخابات البرلمانية.
- حسب جريدة الوطن القيادي محمد ابو شمالة شارك في التخطيط للحادث الإرهابي الأخير في سيناء ... جدير بالذكر محمد ابو شمالة مات من 4 شهور في حرب غزة الأخيرة .
.
- الفنان حسن يوسف أشهر كائن حي عالكوكب قال " افرم يا سيسي " وتأييده للتهجير .. بقى لية فقرة يومية على الفضائيات بيشجب ويدين قرار البلدية بسحب ملكية كابينة " المنتزة " منه ..
.
- المدير التنفيذي لشركة أبل أعلن إنه شاذ جنسيا وفي محاولات خبيثة لربط الكلام دة بإن ايفون 6 متني.
.
- محمود سعد في تعليقه على موت 18 طفل : هنعمل إية يعني قضاء وقدر ودة حال بلدنا ولازم نتحمل
.
- في خط حديد إتسرق بالكامل .. اه زي ما سمعتوها كدة ؛ قضبان سكة حديد تكلفتها 700 مليون جنية اتسرقت
.
- السيسي في تصريح فاجئ به الكوكب قال : الإخوان استخدموا الديموقراطية للوضول إلى الحكم.
.
- المذيع احمد موسى بيأكد إن 6 ابريل قعدت مع داعش .. داعش الجبهة الديموقراطية غالبا
.
- الحوثيين في اليمن إللي العلم بتاعهم مكتوب فية الموت لأمريكا ... في موقف فريد من نوعة .. واقفين بيحموا السفارة الأمريكية في العاصمة صنعاء.
.
- الأستاذ هاني شاكر ملك الإحساس المرهف في مداخلة هاتفية قال : " مش عايزين محاكمات ولا كلام فاضي ... إعدام على طول "
.
- عدد الأنفاق اللي أعلن المتحدث العسكري عن رصدها حتى الأن بلغت 8000 نفق ... بواقع نفق كل 2 سم.
.
عدا ذلك كل شئ هادئ في مصر
copied
آخر 10 مشاركات
8th November 2014, 11:53 AM
السيرك القومي
العرض العادي
