الاسماعيلى والزمالك والاهلى وانبى حد فاكر

[dana]

الصحف المصرية والعربية

كل عام وانتم بخير اليوم تمر الذكرى الثامنة لاسعد يوم في حياة اي زملكاوي ففي مثل هذا اليوم و تحديداً في الساعة الثالث و النصف من عصر يوم 23-5-2003 انطلقت مباراة الزمالك و الاسماعيلي و الأهلي و انبي. انه يوم الفرحة الغامرة انه يوم اغلى بطولة على الاطلاق نحصل عليها بالتوازي مع نهائي افريقيا 93 اغلى بطولات في تاريخ النادي كله . انه يوم انتصار العدل و انحياز كرة القدم و ارادة الله سبحانه و تعالى للحق ليحصل الزمالك على اغلى دوري في تاريخه و ينكسر الهنود الحمر انكسار العمر متقمصين شخصية من مشهد من فيلم النوم في العسل داخل العيادة و المريض يبكي بحرقة و عادل امام يواسيه بسخرية البقية في حياتك . لا اكذب و لا اخالف الواقع تماما و اجزم ان هذا كان شعور مماثل بين كل مشجعي الزمالك بالرضا تماما مهما كانت نتائج الاسبوع الاخير ربما للمرة الاولى و الاخيرة جمهور الزمالك كان متقبل تماما ما قدمه الفريق على مدار الموسم من نتائج و مستوى فني و كرة هجومية ممتعة و تعادل الهنود معنا في الدور الاول و نحن بنصف فريق و يغيب عنا خمسة عناصر اساسية قبل ان تغسل بهم نجيلة ملعب استاد القاهرة في الدور الثاني بعد عرض زملكاوي هو الامتع و الافضل و الاقوى على الاطلاق في تاريخ الزمالك في مباريات القمة بقيادة فنية من البرازيلي كابرال . بداية من ثلاثية الاسبوع الاول امام المصري و وصولا لثلاثية الاسبوع قبل الاخير امام المحلة و الزمالك رصيده من النقاط 64 نقطة متخلفا بنقطتين عن الهنود و الفرصة كالاتي الزمالك لا بديل امامه الا الفوز على الاسماعيلي مع ضرورة تعثر الهنود بالتعادل على اقل تقدير امام انبي لنلعب مباراة فاصلة او بالخسارة ليتوج الزمالك مباشرة . سيناريو خزعبلي ولا في عالم الخيال و لم يتوقعه احد ابدا و اذكر جيدا ان الاحتفالات الحمراء بدأت مبكرا باعلان من حارس مرماهم السابق الاعلامي شوبير على شاشة دريم بان يوم الجمعة سيشهد استعدادات حصرية لنقل الاحتفالات من الجبل الاخضر دون ان يضع احتمال و لو واحد في المليون لحدوث مفاجأة . من اللا امل للامل الضعيف للمتزايد للكبير للفرحة الاسطورية و الصراخ الهيستيري الزمالك بطل الدوري . 90 دقيقة مرت كالدهر الكامل و احتراق مائة مرة و ارتعاش القلوب و الدعاء في كل لحظة . البداية في مباراة الزمالك و الاسماعيلي و فيما يبدو ان لاعبي الزمالك نفسهم نسوا ان عليهم الفوز اولا قبل انتظار مفاجأة من الجبل الاخضر . الدقائق الاولى تشهد اهتزاز زملكاوي كبير و كابوس في الدقائق الاولى برأسية من اسلام الشاطر يعيدها القائم الايسر للزمالك . الزمالك يستفيق قليلا و يدخل في اجواء مباراته لكن دون تسجيل حتى يفاجأ الجميع بصراخ هيستيري من المئات القليلة في ستاد القاهرة انبي يتقدم برأسية الجينرال السيد عبد النعيم بعد عرضية من اسامة حسن . الامل يتسلل للقلوب البيضاء مع انتهاء الشوط الاول في المبارتين بتعادل الزمالك و تأخر الهنود . الشوط الثاني يشهد تكثيف للزمالك من ضغطه و اخيرا تهتز الشباك بعد ركنية على اليسار من احمد صالح و ارتقاء عالي من المدافع حسام عبد المنعم ليحول الكرة داخل المرمى وسط محاولات يائسة من سيد معوض في ابعادها . الوقت لا يريد ان يمر و الحلم يقترب و يقترب و الضغط الاحمر يتزايد على مرمى انبي و يهدر محمد فضل فرصة كبيرة جدا من داخل منطقة المرمى . القلق يعود لستاد القاهرة بكرة كادت ان تضيع كل شيء بعد ضرب مصيدة التسلل على اليسار و انفراد من معوض و كرة عرضية لم يلحق بها بسيوني على القائم الثاني . اخيرا صافرة النهاية تنطلق في ستاد القاهرة مع دخول المباراة في وقتها الضائع في الجبل الاخضر و لاعبي الزمالك متعلقين براديو ترانزيستور انتظارا للحظة الموعودة و تنطلق الصافرة اخيرا و معها صرخات فرح هيستيرية من اعماق كل زملكاوي على وجه الارض . الزمالك بطل اغلى دوري و لحظات لن تمحى من ذاكرة اي زملكاوي ما حيينا . يا رب اعد علينا الافراح من جديد . فلنحيي سويا هذه الذكرى العزيزة و الغالية و نسترجع ذكرياتنا معها في معقل الزمالكاوية المتعصبين الدائم زمالك تي في .

 

[dana]

اخر ثلاث دقائق من مباراة الاهلى وانبى ومشهد مأسوى
خدوا بالكم من مدحت شلبى عامل ازاى كان قرب ينتحر

 

 

[brain]

الواحد نفسه الزمالك ياخد الدوري
على الاقل الحق الولد الصغير و اخليه زملكاوي
علشان الاول خلاص بقى اهلاوي
بس الفكره اني عندي مشكله
لما باشوف مباريات الزمالك
باشجع الزمالك
و في نفس الوقت باشجع الفرق التانيه
علشان حسام و ابراهيم زفت
الحل الوحيد
ان حسام و ابراهيم يعملوا حاجه
يتحبسوا عليها
و الفريق ياخد الدوري من غيرهم
غير كده
دوري بحسام و ابراهيم
الترسانه تاخدوا احسن

 

 

[حسام]

أولا تحياتي على الموضوع والذكري يا عم دانا وانا عارف حبك للزمالك
ثانيا ليه عتاب بسيط
مش عايزين نرجع لأيام ما قبل 25 يناير
لما كانت الكورة واخدة أكبر من حجمها الطبيعي
وخناقات محبي الأندية المتنافسة
ولم تكن منافسة
بل خصومة
بلاش الهنود الحمر انكسروا
واهانة المنافس
انا زملكاوي
اتمنى الزمالك يلعب حلو ويكسب
ولو خدها الاهلى انا أول مين يبارك
مش عايزين الطائفية الدينية والرياضية والسياسية والاجتماعية
وألفاظها
وعنفها
وطريقتها اللى بتنسينا أهدافهنا الحقيقية
وبتنسينا عدونا الحقيقي بتاع الخمستاشرات
وبتنسينا البيت اللى بيلمنا كلنا
مصر
تحياتي يا عم دانا
وأتمنى ماتزعلشي من وجهة نظري الشخصية
أصبت أو أخطأت
تحياتي يا بلدياتي

 

 

[savary]

أنا لا يمكن أنسى الدورى دا !


لا يمكن !


بس الحقيقه , كنت أتمنى أن الأهلى يتعادل و نلعب ماتش فاصل

وكنا هنلبهم برده كان هيبقى أشيك

بس الدورى دا و بالشكل دا كان كسرة !!

 

 

[حسام]

استكمالا لتوضيح فكرتي
الاهلاوية كانوا بيحتفلوا بال6-1 من كام يوم
اوك رقم وريكورد
لكن لا نهائي بطولة ولا حاجة
واحتفالهم برضة من باب اهانة الاخر مش أكتر
اتمنى الرياضة ماتاخدشي أكبر من حجمها

 

 

[aymanology]

فكرتني بالذي مضي ...
بس ان شاء الله السنه دي الزمالك ياخد الدوري مرتاح
والاهلي يعمل كده

 

 

[Raouf]

يا عينى
2002 / 2003



مش ده كان اخر دورى ليكوا
ربنا يصبركم قلبى معاكوا

 

 

[dana]

اقتباس المشاركة الأصلية كتبت بواسطة حسام أولا تحياتي على الموضوع والذكري يا عم دانا وانا عارف حبك للزمالك ثانيا ليه عتاب بسيط مش عايزين نرجع لأيام ما قبل 25 يناير لما كانت الكورة واخدة أكبر من حجمها الطبيعي وخناقات محبي الأندية المتنافسة ولم تكن منافسة بل خصومة بلاش الهنود الحمر انكسروا واهانة المنافس انا زملكاوي اتمنى الزمالك يلعب حلو ويكسب ولو خدها الاهلى انا أول مين يبارك مش عايزين الطائفية الدينية والرياضية والسياسية والاجتماعية وألفاظها وعنفها وطريقتها اللى بتنسينا أهدافهنا الحقيقية وبتنسينا عدونا الحقيقي بتاع الخمستاشرات وبتنسينا البيت اللى بيلمنا كلنا مصر تحياتي يا عم دانا وأتمنى ماتزعلشي من وجهة نظري الشخصية أصبت أو أخطأت تحياتي يا بلدياتي

مفيش زعل يا دكتور هى مناسبة حبيت افكر الزمالكوي بيها ولا اقصد اذلال ولا حاجة للاهلوية فالاهلى فريق بياخد بطولات كبيرة جدا بس بالتحكيم ولجنة المسابقات
الالفاظ اللى فى المقال انا واخدها من موقع زمالك تى فى ومكنش ينفع اغيرها دى الفكرة بس
اما بخصوص مش عاوزين نرجع لما قبل 25 يناير طيب حضرتك قولى المفروض نعمل ايه مفيش حاجة ورانا الا شهر 9 الانتخابات البرلمانية ودة لسه بدرى اوى مفيش قدامنا الا الكورة والفرنساوى

 

 

[savary]

اقتباس المشاركة الأصلية كتبت بواسطة dana اخر ثلاث دقائق من مباراة الاهلى وانبى ومشهد مأسوى خدوا بالكم من مدحت شلبى عامل ازاى كان قرب ينتحر

بس مش ممكن الكور اللى ضاعت دى

دول آخر 3 دقائق بس !!!

سبحان الله , تحس الجون مسدود قدامهم ,, ربك عاميهم عنه