الدكتور محمد سليم العوا يؤكد أنه يفكر بجدية في الترشح للرئاسة

[Bahy]

الصحف المصرية والعربية

الدكتور العوا يشكر شباب حملة المطالبة بترشحه للرئاسة ويؤكد أنه يفكر بجدية في الترشح للرئاسة ويأمل أن يكون قراره النهائي محققاً لأمالهم

 

[زهرة بريه]

ياريت والله ده تبقى حاجه كويسه جدا
رجل مثقف _على علم له _علاقات دوليه
متزن الفكر والشخصيه..
واهم من ده كله صادق وواضح مع نفسه ومع الناس

 

 

[علوان البكري]

بغض النظر عن دكتور محمد سليم العوا
هوا فاضل كام مواطن مصري لسة مرشحوش نفسهم للرئاسة

 

 

[مصرية]

مع كامل احترامي وتقديري للدكتور العوة ... لكن من وقت ما استخدم الدين لإقناع الناس بالتصويت ب"نعم" في الاستفتاء حسيت إني فقدت بعض من اقتناعي به

 

 

[waliedsalam]

ربنا يستر علينا منصب رئيس الجمهورية مش بالسهوله دى ان اى واحد يرشح نفسه ليه هى الناس دى فكرها موضة وخلاص

 

 

[ابن مصر]

لو رشح نفسه ما اعتقدش انه يفوز خصوصا امام مرشحين بثقل البرادعى وموسى

 

 

[Bahy]

اقتباس المشاركة الأصلية كتبت بواسطة مصرية مع كامل احترامي وتقديري للدكتور العوة ... لكن من وقت ما استخدم الدين لإقناع الناس بالتصويت ب"نعم" في الاستفتاء حسيت إني فقدت بعض من اقتناعي به

كان عامل ندوة عندنا ايام الاستفتاء وبردو اثرت على مكانته بالنسبة لى بس ما استخدمش الدين هو كان بيخوف الناس من المجلس العسكرى و انهم لو قالو لا احتمال ما يمشوش و انهم لما قامو بثورة يوليو كانو قايلين مش هيكملو و مسكو ستين سنة و كلام من النوع ده


بس بالعكس انا شايف انه هيبقى ليه ثقل كبير جدا لو اترشح و هيبقى منافس قوى لانه الوحيد اللى قادر على تصحيح العلاقة بين المسلمين و المسيحيين و محل احترام و قبول كتير من المسيحيين وكان واضح جدا فى ازمة كاميليا خاصة فى برنامج الاستاذ يسرى فودة و مسيحيين كتير اتصلو معجبين بفكره خصوصا لما ابدى موافقته و عدم اعتراضه على ترشح القبطى للرئاسة و ف نفس الوقت احتفاظه و دفاعه عن هوية مصر الاسلامية و ردوده القوية على المتشددين المسيحيين و العلمانيين