عز: المصريون يعيشون في (رفاهية) بدليل السيارات الفارهة والمحمول!

[biopasha]

عز: المصريون يعيشون في (رفاهية) بدليل السيارات الفارهة والمحمول!
آخر تحديث: الثلاثاء 28 يوليو 2009 10:36 ص بتوقيت القاهرة

علاء شبل -

أكد أحمد عز أمين التنظيم بالحزب الوطنى أن الشعب المصرى يعيش فى رفاهية حقيقية، بدليل زيادة أعداد السيارات الفارهة وأجهزة التليفون المحمولة، مشيرا إلى ارتفاع نسبة ما أسماه «الطبقة المتوسطة» فى مصر، مشيدا فى الوقت ذاته بدور الحكومة فى انخفاض معدل البطالة، وزيادة دخول الأفراد.

وقال خلال الاجتماع مع أمناء الوحدات الحزبية بمدينة طنطا أمس الأول: إن الشعب المصرى شهد تطورا ملحوظا فى مجالات الصحة والتعليم والمواصلات، إضافة لوجود زيادة حقيقية فى دخول الأفراد وارتفاع ملحوظ وحقيقى فى زيادة رواتب العاملين الذى يتجاوز 6 ملايين موظف».

وأشاد عز بسياسة وزير الاستثمار فى بيع الأراضى المملوكة للدولة وشركات قطاع الاعمال، لاستخدام حصيلة البيع فى تقديم خدمات، ومرافق للمواطنين.

وضرب عز مثالا على «الرفاهية» التى يعيشها الشعب بأنه فى عام 2002 وصل حجم مبيعات السيارات الجديدة إلى 80 ألف سيارة، بينما ارتفع هذا الرقم ليصل إلى 300 ألف سيارة عام 2008، وأن 96% من هذا العدد من متوسطو الدخل، مشيرا إلى أن 99% من أمناء الأحزاب وأغلبهم بالقرى يحملون تليفونات محمولة، ويوجد فى مصر 40 مليون خط محمول يستعملها الفقراء.

لكن عز تعرض لانتقادات عديدة عندما تطرق للحديث عن تحسين أحوال الفلاحين، وعاد ليؤكد أن هذا العام فقط شهد تراجعا طفيفا فى أحوالهم بسبب أزمة الأسمدة.

ولم يفت عز نقده، الذين يرون الحياة بمنظار أسود رغم كل هذه الإنجازات وتلك الرفاهية. على حد وصفه.
وأكد أمين التنظبم الوطنى أن أعداد أعضاء الحزب الوطنى تضاعف خلال الفترة الأخيرة بشكل ملحوظ، لضعف الاشتراك الرمزى الذى لا يزيد على 5 جنيهات، فى حين وصل الاشتراك فى زمن الاتحاد الاشتراكى إلى 60 قرشا، وهو وقتها رقم مبالغ فيه.

ودعا عز أمناء الوحدات الحزبية إلى أخذ الأمور فى انتخابات الوحدات الحزبية مأخذ الجد؛ لأنه يرفع قيمة العضو الذى سيكون له دور فى اختيار نواب الحزب.

وحذر عز من التلاعب فى تلك الانتخابات وعدم الشفافية، مشيرا إلى أن عدد المرشحين فى انتخابات الوحدات الحزبية تضاعف ليصل إلى 189802 مرشح فى 6700 وحدة حزبية.

وطالب مجددا أمناء الوحدات بعدم مجاملة أقاربهم حتى الدرجة الثالثة، والتمسك بإثبات شخصية العضو، وتسديده اشتراك الحزب، نظرا لأهمية تلك الانتخابات فى رسم تاريخ مصر الحزبى والسياسى.

كما طالب عز المرشحين بالاستعانة بسيارات عليها ميكروفونات تجوب الدوائر، وتعليق لافتات للدعاية، معلقا على ذلك بقوله «سيكون ذلك فى ميزان حسنات العضو الحزبية إن شاء الله».
منقول عن ...
https://www.shorouknews.com/ContentData.aspx?id=82846

شعب مرفه بصحيح....
حتي ولاد الناس المتشردين في بلاد الله بحثا عن لقمة العيش مش كانوا واخدين بالهم...
نداء عاجل لكل مغترب....
ارجعوا خلاص....
بلاش دلع بقي ...

افتكرت فيلم علاء ولي الدين لما كان بيتكتك في المطر...ولقي واحد بيقوله...انت لابس جاكت ليه والدنيا حر.....

 

[ana_3enady]

دعوه لموضوعي

RobertInole

ههههههههههههههه
سامحوه أصله ما يعرفش

ما يعرفش ان العربيات جاية قسط .. ماتبصلهاش يا عبيط دي جاية بالتقسيط
ما يعرفش ان خط المحمول بقى أرخص من تمن كرتونة بيض
ما يعرفش ان من ضمن الكام مليون موظف اللي زادت دخولهم ناس مؤقتين بدأوا براتب 75 جنيه مصري (ياريته كان سوداني) ده في المناطق النظيفة ولما ربنا كرمهم ومرتباتهم زادت وصلت 250 جنيه مصري وجزء متزوج ويعول وبيستلف من أبوه وجزء تاني مش عارف يتجوز علشان يعول
ما يعرفش ان الناس المغتربين بيطفحوا الكوتة برة علشان يقللوا المدة اللي يقدروا يبنوا فيها نفسهم يعني يوصلها ل20سنة برة مصر بدل ما كانت هاتبقى 200 جوة مصر

ولو استمرينا في (ما يعرفش) يبقى مش هانخلص لانه هو مايعرفش أي حاجة في أي حاجة (الحماردير الصغير)

 

 

[biopasha]

ويعرف ليه بس ويتعب نفسه....
دا يمكن تلاقي مصاريفه الشخصية لوحده بس لمدة شهر مثلا ممكن تعمل ميزانية محافظة.....
وبعدين الناس دول مركزين في شغلهم....وتصريحاتهم بتفيد شغلهم وأكل عيشهم....
قلبهم علي مصالحهم....
ماتتحرق الناس الفقرا ولا تغرق السفن ولا تولع الناس الغلابه في المواصلات بجاز.....هما يعني هيكونوا راكبين معاهم...
ربنا يبارك لهم بقي في الطيرات الخاصة....

 

 

[Mizo]

اخر أجازة نزلتها في مصر كان بقالي حوالي سنتين منزلتش ، وطبعا حالى حال أي مغترب يتابع أحداث البلد عن طريق الصحافه والإعلام ، في خلال هذه الفتره كونت نظرة سوده عن حال البلد وعن حال الناس ، تخيلت ان هنزل الاقي الناس في الشواراع من غير بيوت!!

وفوجئت!! الكل راكب عربيات والكل يملك موبيالات احدث موديلات .. الويك اند ( الجمعه ) النوادي وكارفور مافيش مكان لدبانه تقعد ، والفود كورت ممتليء والجميع ياكل..

محلات الملابس تبيع بشكل ممتاز ومشاء الله الشباب كلها مطقمه وتمام التمام...

بالقسط باه مش بالقسط ده موضوع تاني المهم ان الناس فعلاً مش زي ما الصوره كانت واصاله لى.

 

 

[brain]

اقتباس المشاركة الأصلية كتبت بواسطة Mizo اخر أجازة نزلتها في مصر كان بقالي حوالي سنتين منزلتش ، وطبعا حالى حال أي مغترب يتابع أحداث البلد عن طريق الصحافه والإعلام ، في خلال هذه الفتره كونت نظرة سوده عن حال البلد وعن حال الناس ، تخيلت ان هنزل الاقي الناس في الشواراع من غير بيوت!! وفوجئت!! الكل راكب عربيات والكل يملك موبيالات احدث موديلات .. الويك اند ( الجمعه ) النوادي وكارفور مافيش مكان لدبانه تقعد ، والفود كورت ممتليء والجميع ياكل.. محلات الملابس تبيع بشكل ممتاز ومشاء الله الشباب كلها مطقمه وتمام التمام... بالقسط باه مش بالقسط ده موضوع تاني المهم ان الناس فعلاً مش زي ما الصوره كانت واصاله لى.

لا يا عزيزي ميزو انت كده بتدي معلومه ناقصه
حضرتك رحت اي شوارع و اي اماكن
حضرتك نزلت بعد محافظه الجيزه ؟ في محافظات الصعيد ؟
هل كان نفس الحال في محافظات الوجه البحري ؟
حضرتك رحت اي منطقه غير المدن الكبرى ؟
دخلت في المناطق الشعبيه للمدن الكبرى ؟
هل كان نفس الحال في بحري مثلا ؟
و هل كان نفس الحال في بولاق و الشرابيه و العباسيه و الدويقه ؟
هذا تماما ما كان موجود قبل ثوره يوليو
عده مدن يعيش فيها الناس بشكل معقول
و باقي مصر يعيش تحت خط الفقر
ما يحدث في مصر هو نموذج لمجتمع استهلاكي مثل دول الخليج
و هناك فارق كبير بين المجتمع المصري و المجتمع الخليجي

 

 

[Mizo]

اقتباس المشاركة الأصلية كتبت بواسطة brain لا يا عزيزي ميزو انت كده بتدي معلومه ناقصه حضرتك رحت اي شوارع و اي اماكن حضرتك نزلت بعد محافظه الجيزه ؟ في محافظات الصعيد ؟ هل كان نفس الحال في محافظات الوجه البحري ؟ حضرتك رحت اي منطقه غير المدن الكبرى ؟ دخلت في المناطق الشعبيه للمدن الكبرى ؟ هل كان نفس الحال في بحري مثلا ؟ و هل كان نفس الحال في بولاق و الشرابيه و العباسيه و الدويقه ؟ هذا تماما ما كان موجود قبل ثوره يوليو عده مدن يعيش فيها الناس بشكل معقول و باقي مصر يعيش تحت خط الفقر ما يحدث في مصر هو نموذج لمجتمع استهلاكي مثل دول الخليج و هناك فارق كبير بين المجتمع المصري و المجتمع الخليجي

واحده واحده عليا يا صديقي

تعرف مين في مصر اللي بيشتكي من الظروف القاسيه... الناس للي راكبه سيارات وبتخرج وتتفسح ... ماهو التلفونات تقسيط ، والسيارات تقسيط ولعلمك اللبس كمان تقسيط
يجو أخر الشهر كلو راح للتقسيط!!

انا مش بقول ان الحكومة الملاك البريء ، لكن اللي عايز يتفشخر ويجاري الناس ميقولش الحكومة..

الأحياء الشعبيه والفقراء اتفق معاك أن الحال سيء ويتجه للأسوأ ، لكن لازم نأخد في الإعتبار كمان أن الفكر الراسمالي عشش في عقول المصريين .

 

 

[biopasha]

اقتباس المشاركة الأصلية كتبت بواسطة Mizo واحده واحده عليا يا صديقي تعرف مين في مصر اللي بيشتكي من الظروف القاسيه... الناس للي راكبه سيارات وبتخرج وتتفسح ... ماهو التلفونات تقسيط ، والسيارات تقسيط ولعلمك اللبس كمان تقسيط يجو أخر الشهر كلو راح للتقسيط!! انا مش بقول ان الحكومة الملاك البريء ، لكن اللي عايز يتفشخر ويجاري الناس ميقولش الحكومة.. الأحياء الشعبيه والفقراء اتفق معاك أن الحال سيء ويتجه للأسوأ ، لكن لازم نأخد في الإعتبار كمان أن الفكر الراسمالي عشش في عقول المصريين .

طيب حضرتك فهمني بس ....... الشعب المستهتر دا بيسافر ليه برا مصر ....وقارفين نفسهم بين ليبيا والخليج وهجرة غير شرعية وقرف......اذا كان معاهم عربيات همر وبورش....يروح الخليج ليه و يهاجر ليه....طيب دا احسن شغلانة في الخليج لو قعدت يعني تشتغل فيها عشرين سنة مش تكفي تجيب بابين وكاوتش لعربية همر واحدة.....
والناس اللي بتستهبل دي في الدويقة ..... ليه عملوا نفسهم ميتين لما الجبل وقع عليهم؟؟؟؟؟
وبنفس المنطق....ليه ركاب قطر الصعيد او السفينة او ...او....ليه ماتوا بسرعة كدة ....ما كانوا صبروا يومين تلاتة لحد الانقاذ ما يجي.......
بصراحة انا معاك الشعب المستهتر دا كثير الشكوي نعمل في ايه.....
ياشعب......
كفي استهبال.....

 

 

[ana_3enady]

دعوه لموضوعي

RobertInole

شوف يا ميزو

هو فعلا نوعا ما الحال أهه بقى شبه كويس
انما الكلام اللي يقصده الأفندي أحمد بك عز باعتباره أحد رجال الدولة ده ممكن يعمل تأثير عكسي .. يعني عندك مثلا هايرفعوا الأسعار أكتر وهاتبقى بظرميط

 

 

[Mizo]

اقتباس المشاركة الأصلية كتبت بواسطة ana_3enady شوف يا ميزو

اقتباس المشاركة الأصلية كتبت بواسطة ana_3enady هو فعلا نوعا ما الحال أهه بقى شبه كويس انما الكلام اللي يقصده الأفندي أحمد بك عز باعتباره أحد رجال الدولة ده ممكن يعمل تأثير عكسي .. يعني عندك مثلا هايرفعوا الأسعار أكتر وهاتبقى بظرميط

ياعزيزي الحكومة مش منتظرة تصريح احمد عز عشان ترفع الاسعار ، ولا حتي منتظرة تصريح رئيس الوزارة نفسه ، ما قاله أحمد عز -وانا ضد الإحتكار- هو شيء موجود فعلاً..

انا من سكان الأسكندريه ، ونزلت القاهره اقضي يوم واملي نظري شوية من النيل ، ورحت السيتي ستارز ، نزلت الباركينج وجدت كميات سيارات فارهه واؤكد فارهة يعني سيبك من الفيرنا والتويوتا والانسر والكلام ده ، سيارات من نوعيه ( بورش ، إنفنيتي ، هامر ، الخ) كلها تحمل لوحات القاهرة !!

زمان كنا بنشوف السيارات دي في الخليج او في شارع جامعة الدول تحمل لوحات جمرك!!

الخليجي نفسه في بلده ميقدرش يشتري سيارة بنفس سعرها عندما تدخل مصر وما عليها من جمارك ضخمة...

والناس لها الظاهر يا عزيزي ، والواضح ان المصريين بيتفشخرو على بعض والنتيجه تصريحات احمد عز.

وتحياتي،،

 

 

[رمضان]

ميزو حبيبي اللي انت بتشوفه ده ما هو الا 10 - 20 % فقط من الشعب والباقي مش بتشوفه لانه بكل بساطة ميقدرش يروح الاماكن دي وقاعد مرمي في بيته يتخانق على المصروف وينام من المغرب او في الشغل على فترتين علشان يقدر ياكل عيش وفول