يا ترى مين بيعاني زيي

[نانا]

الصحف المصرية والعربية

يا ترى يا جماعة بتعانوا زيي
مشكلة رهيبة بتواجهني دلوقتي وانا بشتري اللبس
كله استايل واحد وموضة وشكل واحد ويا ريتها موضة عدلة بجد ما فيهاش اي اهتمام بتنوع الأذواق

أنا طول عمري بأختار لبسي بدماغي بدون التفات لموضة او غيره إلا لو عجبتني موضة معينة ولكن ما تكونش منتشرة
لاني بصراحة مش بحب البس حاجة منتشرة وبحب دايما يبقى ليا ذوقي الخاص ولمساتي الخاصة في اختيار الشكل واللون

دلوقتي والفترة الأخيرة بالتحديد شايفة مهزلة بجد
لبس ما ينفعش يتلبس وألوان ما ينفعش تتلبس
وستايلات معظمها وان سايز يعني بدون اهتمام لمقاسات
ستايلها كدة ويلبس الكل ضيق واسع مش مهم
ومعظم اللي موجود انا نفسي باعتبره تيشرتات والواحد بقى يتصرف يلبس تحتها كارينا او غيره

وبعدين ييجوا يلوموا المحجبات والبنات عموما انهم بيلبسوا ضيق
طب ماهو اللي موجود كله كدة

كل ما انزل اشتري حاجة والله ارجع يإما ايدي فاضية يإما اجيب لبس الخروج اللي بيتباع دا عشان ألبسه في البيت
بجد ما ينفعش يتلبس غير كلبس بيت

دورت في كل واوسع المولات عشان اشوف تشكيلة اوسع للبس بجد مافيش حاجة تنفع خالص

مش عارفة اعمل ايه ولحد امتى هتستمر الموضات العجيبة دي
بجد انا بقالي سنتين بجيب كل لبسي من بور سعيد لان هناك بيكون فيه لبس مستورد كتير وتشكيلات مختلفة تماما بس في مناطق معينة هناك بابا اللي عارفها
بس لحد امتى هيستمر الوضع كدة


بجد عايزة اسمع رأيكم في الموضة اللي طالعة واللبس اللي موجود يمكن يكون حد ليه وجهة نظر مختلفة
او يعرف مكان فيه حاجات عدلة ولو اني اشك في كدة

 

[hoppa]

كلنا كدة يا نانا تصورى انتى الموضة فى اللبس النسائى كل مالها فى الحضيض
السنة دى بقى حضيض اكتر و اكتر
تخيلى البلوزات كلها نص كم و قال ايه تحتها بدى
طب انا مبحبش البس بدى
لأ و يتفننوا فى الألوان الفاقعة الغريبة جدا بصراحة مفيش اى ذوق فى دمج الألوان
انا ريحت دماغى و بقت البس عبايات و دى الاخرى عشان ابقى مميزة انى آنسة لانه فى مجتمعنا متعارف ان العباءة هى زى المرأة المتزوجة و خصوصا اللون الاسود اضطريت اجيب عبايات الوانها غريبة دى بتلمع و الله ماشية فى الشارع فى عز النهار كانى رايحة فرح من كتر اللمعان و التطريز و الترترررررر اللى فى العباية
بس اهو اهون الشرين اعمل ايه ما هو يا اما كدة يا اما بلوزة نص او ربع كم تحتها بدى

 

 

[نانا]

اقتباس المشاركة الأصلية كتبت بواسطة hoppa كلنا كدة يا نانا تصورى انتى الموضة فى اللبس النسائى كل مالها فى الحضيض السنة دى بقى حضيض اكتر و اكتر تخيلى البلوزات كلها نص كم و قال ايه تحتها بدى طب انا مبحبش البس بدى لأ و يتفننوا فى الألوان الفاقعة الغريبة جدا بصراحة مفيش اى ذوق فى دمج الألوان انا ريحت دماغى و بقت البس عبايات و دى الاخرى عشان ابقى مميزة انى آنسة لانه فى مجتمعنا متعارف ان العباءة هى زى المرأة المتزوجة و خصوصا اللون الاسود اضطريت اجيب عبايات الوانها غريبة دى بتلمع و الله ماشية فى الشارع فى عز النهار كانى رايحة فرح من كتر اللمعان و التطريز و الترترررررر اللى فى العباية بس اهو اهون الشرين اعمل ما هو يا اما كدة يا اما بلوزة نص او ربع كم تحتها بدى

بالظبط كدة يا هبة انتي قولتي كل اللي في الموضوع

انتي عارفة آخر مرة نزلت المول الأسبوع اللي فات عارفة ليه عشان اجيب حاجة شيك احضر بيها مناسبة

المهم نزلت ادور على حاجة شيك ابدا
وانا زيك بالظبط بكره البديهات والنظام دا وكذلك فيه موضة طالعة إلى حد ما عالجت مشكلة البدي وهي ال ( شوميز ) ده بيبفى زي قميص وواسع ممكن يتلبس تحت اي حاجة جابونيز او بربع كم او بنص بس بردو استايلات معينة اللي تنفع معاه
وانا شايفاها موضة رزلة بصراحة مش مستظرفاها خالص هي كمان

المهم يا ستي ما لقيتش حاجة تنفع
عارفة ايه اللي عجبني
عجبني عباية كدة شكلها بناتي خالص ومحترمة في نفس الوقت وشكلها شيك و كانت استايل مختلف خالص وجميلة بس لونها كان غامق وما ينفعش بردو بتراح بيه مناسبات خالص
المهم حلفت لأشتريها بعد الإحباط اللي جالي وكنت اول مرة في حياتي اجيب عباية للخروج كنت بجيب بس لما اجي طالعة عمرة ولا حاجة

بس بصراحة دخلت دماغي اوي العباية دي وممكن كمان اروح بيها الجامعة بس المشكلة انها مش عملية خالص يعني عايزة خروجات خفيفة

بجد لما قولتيلي انك جيبتي عباية انتي كمان قعدت اضحك لأني افتكرت نفسي بردو
والمشكلة اني لما جيبتها وروحت بيها ماما استغربت جدا وقالتلي يا بنتي هي دي تنفع وبعدين هو ما فيش لبس قولتلها بالظبط كدة ما فيش لبس

والله يا هبة ما ندمت على العباية قولت اهي محترمة وخطوة كويسة لحاجة محترمة وشيك أحسن من اني اخد خطوة وحشة واشتري حاجة من الموضة اللي طالعة وهي ولا شيك ولا محترمة

 

 

[hoppa]

طيب اضحكك اكتر انا جبتين عباياتين مش واحدة و نفس الاستايل تقريبا بس اللون مختلف
ده من الغلب طبعا لانى مش لاقية
بس على فكرة ميزة النوع ده من العبايات هى الالوان الهادية
لقيت بيج و شوية بنى فى الاطراف و التطريز و اللون ده انا بحبه اصلا و هادئ رغم انه ناس بتقولى انه مش بيليق على بشرتى السمراء...
و لقيت نبيتى بس فاتح شوية و انا بموووت فى النبيتى و فيه الوان تانية كثير مثل الذهبى بس ده محبتوش لان القماشة لامعة اصل و الذهبى لون لاماع بطبيعته فمش حلو ابدا

شوفى كدة العباية دى


الكم بتاع عبايتى متهدل زى ده بالضبط بس اصغر شوية و القماشة لاماعة زى دى بالضبط و ده اللى مضايقنى فيها رغم انها خفيفة و ناعمة بس مبحبش اللمعة
بس عباباتى لونهم مش اسود...و انا اصلا معنديش اى حاجة سودة...تخيلى
اما التطريز فهو على هيئة مربعات فى منتصف الامام و منتصف الكم
لقيتهم بعد عناء و الله و فعلا مفيش حاجة تناسبنى خالص شكلى هستنى السنة الجاية عشان تنزل موضة جديدة يمكن تبقى انسب

 

 

[ana_3enady]

دعوه لموضوعي

RobertInole

احم احم
ماله التفصيل

شكرا

 

 

[ابتسامــة]

نانا ...
اشتري مجلة حجابي هتلاقي فيها موديلات شيك وجميلة
وأسماء المحلات وعناوينها ...
هتجدي إن أغلبها نفس المحلات اللي بتروحيها بس مش بتشوفي
موديلات معينة لأن الغالب العك اللي انتِ بتوصفيه ده
لكن فيه موديلات هتعجبك تاخدي معاكِ المجلة وتطلبي الموديل اللي عاجبك
فبيجيبوه لك في المحل أو بتقولك موجود في أي فرع

 

 

[فــيــروز]

أنا على العكس أعتقد أن هذا العام الوضع تحسّن كثيرا عن ذى قبل !! و بقى فيه بلوزات شكلها لطيف و واسعه بكُمّ طويل و مش محتاجه تحتها بدى و الحمد لله .. على فكره كان فيه جروب على الفيس بوك تندد باتجاه مصانع الملابس لانتاج أزياء -بالذات صيفى- لا تُلبَس إلاّ مع "كارينا" و شكلهم استجابوا شويه و بدئوا يغيّروا الاتجاه ..

 

 

[sam 6]

دعوه لموضوعي

تأملاتى ,تخيلاتى , أمنياتى : فى ساعة العصارى .

هو الموضوع قد يكون بناتى أو حريمى شوية لكن صدقونى انا كمان بعانى وكتير من اصدقائى من مشكلة

اللبس بس مشكلتى مش فى ان الاستايلات متشابهة او انى عايز شئ خاص او انة يكون ليا لمسة خاصة

لا المشكلة انى اروح محل مثلا عشان أشترى قميص رجالى قوم البياع يفرجنى على قميص بترتر واسألة

دة رجالى ؟ المشكلة يرد ويقولى ايوة . يعنى فية شباب بيلبسة ؟ يرد يقولى ماقلنا ايوة يا عم .

أو بنطلون لونة احمر ميتالك أو بنطلون جينز مقطع ويقولى دة بنطلون جينز ديرتى أحدث صيحة. يعنى

خلاص بقى هى دى الموضة .

 

 

[نانا]

اقتباس المشاركة الأصلية كتبت بواسطة hoppa طيب اضحكك اكتر انا جبتين عباياتين مش واحدة و نفس الاستايل تقريبا بس اللون مختلف ده من الغلب طبعا لانى مش لاقية بس على فكرة ميزة النوع ده من العبايات هى الالوان الهادية لقيت بيج و شوية بنى فى الاطراف و التطريز و اللون ده انا بحبه اصلا و هادئ رغم انه ناس بتقولى انه مش بيليق على بشرتى السمراء... و لقيت نبيتى بس فاتح شوية و انا بموووت فى النبيتى و فيه الوان تانية كثير مثل الذهبى بس ده محبتوش لان القماشة لامعة اصل و الذهبى لون لاماع بطبيعته فمش حلو ابدا شوفى كدة العباية دى الكم بتاع عبايتى متهدل زى ده بالضبط بس اصغر شوية و القماشة لاماعة زى دى بالضبط و ده اللى مضايقنى فيها رغم انها خفيفة و ناعمة بس مبحبش اللمعة بس عباباتى لونهم مش اسود...و انا اصلا معنديش اى حاجة سودة...تخيلى اما التطريز فهو على هيئة مربعات فى منتصف الامام و منتصف الكم لقيتهم بعد عناء و الله و فعلا مفيش حاجة تناسبنى خالص شكلى هستنى السنة الجاية عشان تنزل موضة جديدة يمكن تبقى انسب

تحفة اوي العباية دي يا هبة واجمل ما فيها كمها
والامعة اللي في كمها مش مبهرجة اوي يعني
بجد عجبني اوي قصة كمها دي

 

 

[نانا]

اقتباس المشاركة الأصلية كتبت بواسطة ana_3enady احم احم ماله التفصيل شكرا

بصراحة بصراحة عمري ما جربت التفصيل

وبصراحة اكتر مش حباه خالص لانه فيه شلل اوي يعني تقعد تدور على شكل معين وتروح لحد بيعرف يفصل ويأخد مقاساتك وبعيدن تستناه لحد ما يخلص وبعدها ما يعجبكش اللي عمله
فوش كتييييير اوي

وإن كان ما فيش حل آخر إحتمال الواحد يلجأله بس ده لو الحال ساء اوي اوي