Arabic Discussion Forum with a Special Interest in Travel and Immigration

fatfouta · 2nd July 2011, 03:47 PM

سبع فوائد للزوج الزملكاوى

أولها :" واحد راضي بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدوري ومبياخدهوش وعادي جدااا مبيعترضش".

ثانيها :" عنده حصانه ضد الضغط والسكر .. لأنه لو كان عنده استعداد يجيله ضغط أو سكر كان جاله من زماااااااااااااااان".

ثالثها:" أصيييييييييييييييل .. يعني بقاله سنييييييييين بيشجع الزمالك وعارف أنه مش هياخد الدوري ومع ذلك عمره ما فكر يسيبه فصدقيني مهما عملتي ومهما كانت عيوبك مش هيفرط فيكي".

رابعها :" متسامح .. يعني تلاقي أصحابه الأهلاويه كل شويه يعايروه تلاقيه مبيردش عليهم .. مش عشان عينه مكسوره لا سمح الله بس عشان قلبه كبيييييييييييير".

خامسها :" مختلف .. يعني مصر كلها بتشجع الأهلي وده طالعلك فيها بيشجع الزمالك وعادي جدااا معندوش أي مشكله وده في حد ذاته تميز واختلاف".

سادسها : "هيلتمسلك الأعذار .. يعني مثلا يبقي عارف أن الزمالك كان أداؤه زي الزفت ومع ذلك ميحبش يلوم عليه أبدا .. تلاقيه بيقولك التحكيم .. مش عشان حاجه بس هو طبعه كده يحب يلتمس الأعذار لأي حد".

سابعها : "مبيعرفش اليأس .. يعني تلاقيه واخد أصحابه ورايحين يشجعوا الزمالك في الاستاد .. ومع انه كل مره بيخسر .. إلا أنه مبييأسش .. كل مره بيروح يشجع علي أمل انه يكسب عادي جدا "
منقوووول

bond · 2nd July 2011, 03:50 PM

الاهلى والزمالك ايد واحده

زهرة بريه · 2nd July 2011, 04:32 PM

الزملكاويه كمان قلوبهم طيبه
بس مشكلتم لما بيتعصبوا
بيقلبوا على حسام حسن

دموع الورد · 2nd July 2011, 05:40 PM

وبعدين بقىىىىىى يابطة

دموع الورد · 2nd July 2011, 05:48 PM

اقتباس

المشاركة الأصلية كتبت بواسطة زهرة بريه


	الزملكاويه كمان قلوبهم طيبه بس مشكلتم لما بيتعصبوا بيقلبوا على حسام حسن

يابنتى ياحبيبتى حسام حسن واخوه الاتنين فى الاصل اهلاوية واخدينهم منكم كده زى ماهما تربية الاهلى وع الاصل دووووووووور

بنت الشاطئ · 2nd July 2011, 06:14 PM

دعوه لموضوعي

مدونه بنت الشـــــــــاطئ

ياسلاااااااااااااااااام
مش حرد علشان ماالاقيش نفسى موقوفه

الزمالك يكفيه شرف المحاوله مش زى اللى بيشترو الحكاااام

دموع الورد · 2nd July 2011, 07:22 PM

اقتباس

المشاركة الأصلية كتبت بواسطة بنت الشاطئ


	ياسلاااااااااااااااااام مش حرد علشان ماالاقيش نفسى موقوفه الزمالك يكفيه شرف المحاوله مش زى اللى بيشترو الحكاااام

حبيبتى يابنوتة الشاطئ ايوة كده ده انا كنت حاسة انى وحيدة

دموع الورد · 2nd July 2011, 07:29 PM

حذفت للتكرار

fatfouta · 2nd July 2011, 07:35 PM

يا أمى انتى وهى انا زملكاوية ذيكم يا حبايبى وجوزى كمان زملكاوى

بس قولت اهو بيدى لا بيدى عمرو

قبل ماحد ييجى يحطهالنا احنا نحطها بنفسنا

بنت الشاطئ · 2nd July 2011, 07:36 PM

دعوه لموضوعي

مدونه بنت الشـــــــــاطئ

اقتباس

المشاركة الأصلية كتبت بواسطة دموع الورد


	حبيبتى يابنوتة الشاطئ ايوة كده ده انا كنت حاسة انى وحيدة

ولا يهمك ياقمر منهم دول صوت بس لكن الزمالك هما الاصل والاساس

ربنا يستر علينا ياحبيبتى وماتنسيش الكترة تغلب الشجاعه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الحكم بتاع حمزاوى وبسمة مبالغ فيه ولا أنا متهيألى؟	شؤون مصر الداخلية	أحمد فاروق	9	1793	13th February 2012 12:47 PM
اشتباكات في اليونان بسبب إجراءات التقشف	شؤون عربية ودولية	fatfouta	178	8654	13th February 2012 04:25 AM
اشتباكات مسلحة بقنا بين قبيلتين	شؤون مصر الداخلية	fatfouta	31	3219	12th February 2012 05:15 PM
هل فعلا سيتم تهجير 8 أسر مسيحية من العامرية !!؟؟	شؤون مصر الداخلية	chemistry	79	8934	12th February 2012 11:49 AM
مصرع الدكتور ابراهيم الفقى استاذ الطب النفسى اثر...	ترحيبات ... مناسبات ... علاقات عامة	جدة حبيبه	38	4614	10th February 2012 08:47 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

خمسة فرفشة

سبع فوائد للزوج الزملكاوى