ثورة 25 هل هي ثورة الرده علي ثورة 52 ؟؟

[بريف هااارت]

الصحف المصرية والعربية

دعوه لموضوعي

يسقط حكم المرشد

عندما مات الرسول صلي الله عليه وسلم أرتدت بعض القبائل فقام عليها وحاربها أبو بكر الصديق رضي الله عنه وأرضاه ...

والآن بغض النظر عن عكس تواريخ الثوره وأهدافها ومبادئها !؟

نري من قامت الثوره ضدهم من الأقطاعين والعلمانيين وجزء من الملحديين وجرحي المرحله ومهمشيها وبسبب أخطاء تطبيق ثوره يوليو

يقومون بثوره مضاده لأسترداد الماضي .. ومعاقبة الشعب المصري البسيط الذي أيد ودعم ثورة الضباط الأحرار ..

لذلك تجد الثوار الجدد لايهتمون بالشعب المصري البسيط أنهم يبحثون عن أيدولوجيات جديده تعيد لهم زمن الباشوات والباكوات ..

وتسلط الفئه القليله علي أغلبية الشعب ..

أنها ثورة الأنتقام من المصريين البسطاء يغلفها شعارات العداله والحريه !!

أنها ثوره ضد كل المنجزات ورموزها لذلك تحالف معها في البدايه الأخوان المسلمون أصحاب الثأر من ثورة ناصر .. وبدأ الشعب العادي يفهمها ويرفضها بعنف في العباسيه ؟؟
وأنكفأ أصحابها في الميدان معلنيين أنهم لن يتظاهروا خارجه ..

وتسألني هل أنت متأكد أن الثوار من نسل الطبقه القديمه الأقطاعيه ؟؟

أنفي ذلك تماما وأقول لك يوجد جزء أصيل منهم والبقيه من عاشقي تلك الفتره
والمؤمنين بمبادئها ويعتقدون أنه لابد للنخبه والأقليه أن تتحكم بهذا الشعب الغبي والصامت

أنها ثوره مضاده ورده علي مبادئ ثوره 52 وعوده بشوق وحنين للزمن الغابر
أنها ليست ثورة أغنياء ضد الفقراء
ولكنها ثورة من المتعلمين ضد الشعب البسيط

قد تكون من الأبن ضد أبوه ولاتستغرب ذلك
كل الثورات للوحده الوطنيه في ألاساس ولكن ثورتنا المباركه تقسم وتقسم وتفتفت لأنها لن تنجح أبدا ولن يشعر القائمين عليها بالرضا سوي عندما يجدون أـنفسهم منفصلين عن الشريحه الضعيفه في المجتمع ..
يرفضون الفئويه بشده وعنف ..

يعتبرون كل الأعمار الكبيره من جذور الشعب عواجيز يسمعون فقط الأغنياء منهم

الموضوع طويل جدا
وخلاصته أن ثورة 25 يناير هي ردة وثوره مضاده علي ثورة يوليو وكل منجزاتها
أنها ثوره خاصه لها مصالح خاصه بعيدا عن مصلحة الشعب ومصلحة الدوله ..

 

[بريف هااارت]

دعوه لموضوعي

يسقط حكم المرشد

من شعارات الثوره ( حزب الكنبه )

سكتم ثلاثين عاما ويحق لنا فعل مانشاء فيكم ويوضح البعض الصوره ويقول ستون عاما ..

علي فكره المبادئ هي نفس مبادئ حكم مبارك ,,, طحن البسطاء من الشعب المصري ...

ومن يعارض أو يتحدث هو فلول أو بلطجي ؟؟

كلها أسباب واهيه والهدف الأعظم هو التقسيم والتفتيت وروح الأنتقام من ثورة يوليو ..

 

 

[Eng Hesham]

مشاركات غريبه مش قادر افهمها ولا اقتنع بيها
ممكن حضرتك توضحك اكتر يا سندو

 

 

[بريف هااارت]

دعوه لموضوعي

يسقط حكم المرشد

مين سندو ؟؟

 

 

[savary]

يا عمنا


نص الشباب اللى نزل يوم 25 يناير --- يدين بولاء كامل ليوليو 52 !


ما بين قوميين واشتراكيين وناصريين


أنا شفت صور عبد الناصر فى الميدان



انا نزلت الميدان بصورة عبد الناصر




وانا نازل قريب -إن شاء الله - الميدان


بصورة عبد الناصر !!

 

 

[savary]

اقتباس أنها ثورة الأنتقام من المصريين البسطاء يغلفها شعارات العداله والحريه !! Read more: https://www.almatareed.org/vb/showthr...#ixzz1T8oNP3e5

المصريين البسطاء !!


انتقام منهم ؟؟؟؟؟؟؟



البسطاء اللى كانوا بيشربوا مياة مجارى ؟



ولا البسطاء اللى كانت أعراضهم بتنتهك فى الأقسام ؟




ولا اللى كانوا بيتعلقوا وأنبوبه مربوطة فى وسطهم على باب قسم ؟





ولا البسيط اللى ظابط داخلية --وضع عصا --بمؤخرته وصورة فيديو و نشر الفيديو ؟




ولا البسطاء المشردين فى ليبيا و السودان ؟




ولا البسسيط اللى اتعلق على عمود نور فى كترمايا ؟





ولا البسطاء اللى ماتوا تحت صخور الدويقة ؟













ولا البسطاء اللى ولع بيهم قطر الصعيد ؟؟





ولا البسطاء اللى أكلهم سمك القرش فى البحر الاحمر ؟














ولا البسطاء اللى بيغرقوا فى مراكب الموت اللى راحية إيطاليا ؟







ولا البسطاء اللى أكلوا لحم الحمير و الكلاب والقطط ؟؟





ولا البسطاء اللى باعوا كلاويهم ؟؟ ولا اللى باعوا ولادهم و بناتهم ؟





ولا البسيط اللى قتل مراته وولاده و قتل نفسه بعد كدا ؟







ولا البسيط اللى شنق نفسه على كوبرى قصر النيل ؟













ولا البسيط اللى قالوله غير لائق اجتماعيا عشن يتعين فى لخارجية ... رجع رمى نفسه فى النيل ؟



















ولا البسطاء اللى أتجلد كل واحد منهم 1000 جلدة فى السعودية ؟















ولا البسيط اللى بنته نهشهشا ابن الامير الخليجى و ماتت ؟











ولا البسطاء اللى أبن الأمير لقطرى كان بيسابق على طريق المطار و موت 7 منهم ؟















بسطاء العشوائيات ؟؟ ولا بسطاء الموظفين


ولا مين بس



قولى حضرتك أنهى بسطاء فى كل اللى فوق دول , اللى الثورة بتنتقم منهم !

 

 

[abysaleh]

بصراحة... ومن غير زعل

اجد كلام حضرتك هو اللي يحرض على الفرقة والتفتت

وان شاء الله وباذن واحد أحد ح يتجمع الثوار وكل الطوائف تاني زي ايام الثورة الأولى

ربما كان يوجد مندسين ومحرضين على الفرقة.. وربما اندفع بعض الشباب وراء تصعيد غير محسوبة عواقبه بدقة... ولكنهم يتعلمون من أخطائهم ولن يكرروها باذن الله

وستبوء كل محاولات الفرقة والالهاء عن اهداف الثورة الحقيقية بالفشل

وسيعلي الله كلمة الحق في النهاية .

تقبل تحياتي وارجو ان لا تعتبر كلماتي هجوم على شخصك ولكن على طرح اجده غريب ويسبب فرقة اكثر ما يسبب وحدة نحن في أشد الحاجة اليها الآن

شكرا

 

 

[بطاطا]

لأول مرة اتفق مع استاذ سفارى

يا افندم دى ثورة ضد الظلم والفساد والتعذيب والتصغير من شان مصر لتتناسب مع حجم المخلوع الصغير
دى ثورة ضد السرقة والجوع والبلطجة والشللية والمحسوبية
دى ثورة ضد نظام فاسد افسد كل شيئ فى مصر حتى الاخلاق افسدها
دى ثورة ضد عدم وجود اى انجازات طوال ثلاثون عاما
دى ثورة ضد نظام باع كل شيئ فى مصر واشترى العمالة والخيانة ووزعها على صبيانة


لا تجعل اختلافك مع بعض "الثوار" يجعلك تنسى ما كنا نعيش فية منذ ثلاثون عاما واكثر.

 

 

[ana_3enady]

دعوه لموضوعي

RobertInole

يا أستاذ بطاطا .. الثورة المزعومة كانت في أولها بتهدف للحضرتك قولته وانها قامت ضد الظلم والفساد .. لكنها فسدت في وسط الطريق .. اتقسموا ائتلافات واحزاب .. كله عاوز يبقى له صوت .. وكله عاوز تبقى كلمته مسموعة

يا ترى البيان اللي صدر عنهم امبارح كان بالاجماع ولا ائتلاف واحد أو أكثر هو اللي عامله

 

 

[بريف هااارت]

دعوه لموضوعي

يسقط حكم المرشد

أولا بعتذر لعدم المتابعه والرد علي غير طبيعتي عندما أطرح موضوعا للحوار ولكن ظروفي لم تسمح لي
ثانيا أنا سعيد لغضبكم لعلني أكون مخظئا وأنا مثلكم أتمنا عودة الثوره لبداياتها ولكن الواقع لاينبي بذلك
نحتاج للوحده الوطنيه الآن أكثر من أي وقت مضي
لسنا دوله عظمي تسمح بترف الأختلاف والمطالب السياديه المستمره
نحن شعب فقير مملوء بالجهله والمرضي والأطفال ومايحدث الآن ضد هؤلاء جميعا
لن تشعر بمعاناة الفقير إلا إذا أصبحت مكانه
الدستور والأنتخابات والوزاره والتعينات ورموز النظام السابق والنظام الحالي كلها مصطلحات مبهمه ولاتطعم ولا تداوي ..
عدم الأحساس بمعاناة الفقير تجعله بلطجيا لايشعر بك ولايمشي ورائك
سر حب عبد الناصر وثورة 23 تلك الفئه من المواطنين التي تتجاوزها ثورة 25 ولاتشعر بها بل بالعكس تتهما بأبشع التهم ..