Arabic Discussion Forum with a Special Interest in Travel and Immigration

اصيل · 15th October 2009, 05:58 AM

قابلت في يوم موظف من المكتب السعودي لمساعدة الشباب على الزواج في جده,واثناء الحديث معه سألني فجأه..مش عايز تتجوز..؟؟..انا استغربت لاني مش سعودي..فقال حتي المقيمين نزوجهم..! طب ياعم انا متجوز..قال وماله نزوجك حتى الرابعه..وعندهم كمان زوجات على كل الاحوال فلديهم المطلقه..والارمله..والبكر التي لم تتزوج من قبل..!!
اما عم طه السائق التشادي في شركتنا فهو رجل كما يجب ان تكون الرجال رغم حالته المتواضعه جدا فهو رجل ملتزم دينياجدا..واخلاقه في غاية السمو والنبل..وعنده عزة نفس لم ارها في اي شخص اخر..وعنده 14 عيل..!!
جاني عم طه وشكله مش ولابد..زعلان ومهوم..خير يا عم طه..؟؟ وبالعافية عرفت انه عايز يجوز ابنه والحكايه مأشفره خالص..
انا على طول افتكرت صاحبنا بتاع مكتب الزواج..فأتصلت عليه وعرضت عليه موضوع عم طه..فقالي خليه يجيني المكتب ..في دقائق كان عم طه عند صاحبنا في المكتب..وفي دقائق رجع لمكتبنا..هيه ياعم طه بشرنا.؟
صاحبنا في مكتب الزواج طلب منه يجيب شهاده من امام مسجد الحي انه مواظب على صلاة الفجر حاضر مع الجماعة..!! بس كده يا عم طه..!!! ايوه ما طلبش حاجه تاني..
حقيقي الطلب سهل جدا لان عم طه فعلا ملتزم بصلاة الفجر في المسجد مع الجماعه..وبالفعل جاب الشهاده من امام المسجد..وانا اديته كمان شهاده من الشركه بتاعتنا بحسن الخلق والامانه..وراح عم طه للمكتب بتاع الزواج وسلم الشهادات اللى معاه واخد موعد بعد يومين..
القصه كلها خدت 3 ايام وفي الموعد راح العم طه وهو مكسوف ومستحي..سأله موظف المكتب اذا اعطيناك سلفه تقدر تسددها بواقع 500 ريال شهريا..؟؟ اجاب عم طه لا..طب 400 ريال برضه لا طب 300 ريال شهريا ووافق عم طه..
المكتب اعطاه 10000 عشرة الاف ريال وبعته لمحل مفروشات اخد منه طقم كنب 2000 ريال..اما العشرة الاف ف4000 منها لاترد و6000 تسدد بواقع 300 كل شهر لغاية كده تمام وعم طه جوز ابنه وفرحان ..
ال 300 الاولى سددت بحمدالله.. والثانيه كذلك.. وفي الثالثه عم طه قال مش قادر ادفع..
فأتصلت على مكتب الزواج علشان نستسمحهم يؤجلوا السداد ..فقال لي خليه يجيني..وراح عم طه المكتب ولما رجع عرفت ان المكتب اعفاه من سداد باقي المبلغ..!!!
حقيقي عم طه يستاهل..والسعوديه برضه تستاهل الشكر.

اصيل · 15th October 2009, 06:06 AM

مش لاغي اي حاجه من التكرار اللي حصل ده..اتا مش عارف ليه مافيش موضوع كتبته الا ويطلع فيه مشاكل في التنزيل...
من كام يوم كتبت اني مش عارف انزل موضوع جديد...ولما ينزل ...زي ما انتم شايفين النتيجه
حاجه تنرفز

ana_3enady · 15th October 2009, 09:38 AM

دعوه لموضوعي

RobertInole

يا حاج حسن

انت مكرره في الموضوع خمس مرات وله موضوع تاني

بس الموضوع جميل

ممكن أروح أقدم

اصيل · 15th October 2009, 09:48 AM

اقتباس

المشاركة الأصلية كتبت بواسطة ana_3enady


	يا حاج حسن انت مكرره في الموضوع خمس مرات وله موضوع تاني بس الموضوع جميل ممكن أروح أقدم

المكتب في جده طريق مكه بجوار القنصليه اليمنيه...ك4 ...جرب حظك

ana_3enady · 15th October 2009, 10:27 AM

دعوه لموضوعي

RobertInole

اقتباس

المشاركة الأصلية كتبت بواسطة اصيل


	المكتب في جده طريق مكه بجوار القنصليه اليمنيه...ك4 ...جرب حظك

تشكر يا حاج حسن .. بس لسة ما وصلناش للدرجة دي .. خليها لمستحقينها

الله يعين الجميع

Farida · 15th October 2009, 09:51 AM

بغض النظر عن التكرار ....................لكن كويس انهم بيساعدواالشباب انه يتجوز بس شطلك يا حاج اصيل شباب بدليل انهم عايزين يجوزوك ...........
لى عدة ملاحظات :
- مش الأولى يعملوا بحث حالة و يجوزوا اللى مش قادر يتجوز بدل ما يدعو الرجال يتجوزوا التاينه و التالته و الرابعه كمان ,,,,,ولا مش فارقه هى شويه فلوس و لام تتصرف - ى فيلم اسماعيل ياسبن كده -
- موضوع شهادة بصلاة الفجر هل تكفى لكى يحكم على انسان انه اخلاقيا كويس .....مش عارفه ؟
- هل ابن عم طه يعيش فى السعوديه ولا ممكن يجوزوا الناس اللى خارج السعوديه ...........
- ان كان على الشكر هى تشكر على حاجات و حاجاااااااااااااااااااااااااااااااات كتير لا تستحق الا ..........ولا بلاش

ana_3enady · 15th October 2009, 10:20 AM

دعوه لموضوعي

RobertInole

اقتباس

المشاركة الأصلية كتبت بواسطة Farida


	بغض النظر عن التكرار ....................لكن كويس انهم بيساعدواالشباب انه يتجوز بس شطلك يا حاج اصيل شباب بدليل انهم عايزين يجوزوك ........... لى عدة ملاحظات : - مش الأولى يعملوا بحث حالة و يجوزوا اللى مش قادر يتجوز بدل ما يدعو الرجال يتجوزوا التاينه و التالته و الرابعه كمان ,,,,,ولا مش فارقه هى شويه فلوس و لام تتصرف - ى فيلم اسماعيل ياسبن كده - - موضوع شهادة بصلاة الفجر هل تكفى لكى يحكم على انسان انه اخلاقيا كويس .....مش عارفه ؟ - هل ابن عم طه يعيش فى السعوديه ولا ممكن يجوزوا الناس اللى خارج السعوديه ........... - ان كان على الشكر هى تشكر على حاجات و حاجاااااااااااااااااااااااااااااااات كتير لا تستحق الا ..........ولا بلاش

الثقافة العامة في المملكة ان كل راجل بيتجوز أربعة والكلام ده من قديم الأزل والستات مقتنعة بكدة وما عندهاش أي مشاكل طالما انه مكفي بيوته الأربعة ومافيش أي تقصير

Farida · 15th October 2009, 01:09 PM

اقتباس

المشاركة الأصلية كتبت بواسطة ana_3enady


	الثقافة العامة في المملكة ان كل راجل بيتجوز أربعة والكلام ده من قديم الأزل والستات مقتنعة بكدة وما عندهاش أي مشاكل طالما انه مكفي بيوته الأربعة ومافيش أي تقصير

مكفيهم ازاى و هو رايح المكتب علشان يجوزوه .....و النبى ده كلام ,...........يعنى مش لاقى يتجوز اربعه يقوموا هم كتر خيرهم يجوزوه على حسابهم ......
الطريقه اللى ممكن اقتنع بها ان يكون عندهم عدد النساء اكتر بكتيييييييييييييييييييير من عدد الرجال اللى يقدروا يتجوزوا ........و ساعتها يبقى المكتب بيساعد الشابات على الزواج .......وبرضه فى الحاله دى ما ينفعش بقه نقول

اقتباس


	والكلام ده من قديم الأزل والستات مقتنعة بكدة

لأ ده معناه حاله خاصه بالمجتمع هناك ............لأن فى مجتمعات زى اللى هنا عدد الشباب الغير متزوج متقارب مع عدد الشابات اللى ماتجوزوش

ana_3enady · 15th October 2009, 04:55 PM

دعوه لموضوعي

RobertInole

اقتباس

المشاركة الأصلية كتبت بواسطة Farida


	مكفيهم ازاى و هو رايح المكتب علشان يجوزوه .....و النبى ده كلام ,...........يعنى مش لاقى يتجوز اربعه يقوموا هم كتر خيرهم يجوزوه على حسابهم ......

أنا أقصد ان الثقافة العامة في المملكة .. واللي في مقدوره بيعملها .. وبرضه فيه ناس بتكتفي بواحدة وهي على مقدرة ..

اصيل · 15th October 2009, 11:02 AM

اقتباس

المشاركة الأصلية كتبت بواسطة Farida


	بغض النظر عن التكرار ....................لكن كويس انهم بيساعدواالشباب انه يتجوز بس شطلك يا حاج اصيل شباب بدليل انهم عايزين يجوزوك ........... لى عدة ملاحظات : - مش الأولى يعملوا بحث حالة و يجوزوا اللى مش قادر يتجوز بدل ما يدعو الرجال يتجوزوا التاينه و التالته و الرابعه كمان ,,,,,ولا مش فارقه هى شويه فلوس و لام تتصرف - ى فيلم اسماعيل ياسبن كده - - موضوع شهادة بصلاة الفجر هل تكفى لكى يحكم على انسان انه اخلاقيا كويس .....مش عارفه ؟ - هل ابن عم طه يعيش فى السعوديه ولا ممكن يجوزوا الناس اللى خارج السعوديه ........... - ان كان على الشكر هى تشكر على حاجات و حاجاااااااااااااااااااااااااااااااات كتير لا تستحق الا ..........ولا بلاش

بصراحه يا دكتوره انا الحاجات اللي اشكرهم عليها اكتر من الحاجات اللي....ولا بلاش

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الف شكر واجمل تحيه للوالد الكتور يحي...	ترحيبات ... مناسبات ... علاقات عامة	اصيل	10	3330	12th October 2010 06:42 AM
كل عام وانتم بخير يا مطاريد...	ترحيبات ... مناسبات ... علاقات عامة	اصيل	10	2311	14th September 2010 09:12 AM
في 5 يونيو كنت يا مصر بريئه....	نكسة يونيو 1967	اصيل	3	1857	5th June 2010 08:03 AM
يا زايد في الحلاوه..يا عزت يا عوض الله...	موسيقى وأغانى	naity2000	9	7480	17th May 2010 11:22 AM
5/5/55	ترحيبات ... مناسبات ... علاقات عامة	اصيل	35	4477	5th May 2010 05:26 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

عم طه السائق التشادي ... والمكتب السعودي لمساعدة الشباب على الزواج..!