عاجل: تعالوا نعمل عمل فاعل - برجاء المشاركة من الجميع

[متفائل]

الصحف المصرية والعربية

من حققك أن تبدى رأى مهما ان كان مخالف لرأيي وانا مع هذا الحق لأبعد الحدود - حتى لو حدث تطاول لفظي أرى انه نوع من التعبير - قد يشعر الانسان بمنتهى الغيظ ويضطر للسباب مثلا
أما التحريض على العنف ضد من تختلف معه في الرأي فأنا أعد ذلك جريمة وجريمة خطيرة جدا

الكلاب بتوع (انا أسف ياريس) قاموا بالاعتداء على المستشار الخضيري ويفخروا بذلك على صفحتهم القزرة

الخبر

عنوان الصفحة على الفيس بوك

رجاء من كل الشرفاء المساعدة في غلق صفحة البلطجية محبي الذل والهوان ويكون ده أبسط رد على اعتدائهم على الرجل الشريف اللي جزمته برقبتهم كلهم

أنقر على زر (إبلاغ عن الصفحة) أسفل يمين أو يسار حسب واجهة الفيس بوك عندك ومن ثم أختر (لغة كراهية) أو (العنف أوالسلوك المؤذي)

رجاء انشر الطلب ده بكل وسيلة ممكنة
لازم نتعاون ولو بأقل شيئ (إحنا شفنا التحريض على العنف عمل إييه في شهيد العباسية)
أرجوك ماتكسلش ولا تتهاون - نفسي اليوم قبل بكره أشوف الصفحة بنت الحرام دي مقفولة

 

[إكرام يوسف]

ألف شكر يا متفائل.. وتسلم أفكارك الإيجابية.. يارب الناس كلها تشارك

أنا لقيت على يسار الصفحة كلمة Report Page

وبعدين نضغط على
No, this page is about something else:

وبعدين على
Violence or harmful behavior

تطلع رسالة choose a type

تختار Violence or harmful behavior

 

 

[متفائل]

شكرا لك استاذة اكرام - وشكرا للتوضيح لمن عندهم الواجهة انجليزي

برجاء الكل يشارك

 

 

[Virus]

اقتراح سليم جدا يا متفائل...احنا سبناهم ياكلوا عيش وقلنا معلشم استوكهولم وبتاع...انما فتنة وتحريض وقلة أدب ونازلين يوم العباسية يحرضوا الناس ويقبضوا على النشطاء ويضربوهم دي قلة أدب..

ياريت الكل يلتزم بالحملة دي...

 

 

[متفائل]

الله يكرمك يا فيرس - الموضوع مابقاش خلاف في الرأي - دول بلطجية ولادددد ....... الريس

 

 

[حسام]

وانا هنشر على صفحتي
واياك اشوف أى فلول ولا مخبر

 

 

[Virus]

ياريت كلنا نختار لغة كراهية عشان تبقى أصواتنا مركزة..

اشتركوا في الصفحة دي كمان واعملولها شير

https://www.facebook.com/CloseAsef?sk=app_4949752878

 

 

[حسام]

اعذرني اخى متفائل لو كنت هتشوف انى خرجت عن الموضوع
انا كمان نفسي نعمل عمل فاعل
مشكلة المثقفين أمثالنا لو جاز لي التعبير ده
اننا بنكلم بعض ع النت
وفى الحقيقة
ومش بنقرب او بنشرح وجهة نظرنا للعامة اللى فريسة سهلة لراديو مبارك ومخبريه وفلوله
وفريسة برضة لتيارات التكفير
ليه ما نشتغلشي بقى وننشر فكرنا التقدمي الوسطي؟

 

 

[only you]

زودوهااااااااا اووووووووووى معاك متفائل وبشده

 

 

[only you]

"الفلول" يدعون راكبى المترو إلى إزالة "الشهداء" ووضع "مبارك" بدلاً منها

الجمعة، 5 أغسطس 2011 - 16:31

محطة مترو الشهداء
دشن عدد من مؤيدى الرئيس المخلوع محمد حسنى مبارك صفحة على موقع التواصل الاجتماعى "فيس بوك" باسم الأغلبية الصامتة.

يدعو أدمن الصفحة إلى العديد من العمليات التحريضية منها رفع وتمزيق أى كلمة موجودة على مترو الأنفاق مكتوب عليها "الشهداء" ووضع اسم الرئيس المخلوع بدلا منها.

وأضاف أدمن الصفحة فى أحد كومنتاته "أنا مش عايز أشوف الاسم ده "الشهداء" فى المترو أنا شلت 3 وكل لما أركب المترو أشيل الاسم ده، أنا عايز من كل واحد فيكوا يركب المترو يشيل الاسم ده ويكتب اسم الريس "مبارك".

وعلق احد الأشخاص قائلا: "الإمام ابن القيم قال إن الخروج عن الحاكم يسبب مفسدة أكبر وأعظم من فساد الحاكم، ونحن نرى الآن ماذا يحدث من أصل الخروج عن الحاكم وبعد إهانة السلطان:
1- استمرار التدهور الكبير فى الاقتصاد المصرى والبورصة المصرية.
2- ارتفاع نسبة الجريمة 200 %.
3- تدهور السياحة.
4 - ارتفاع نسبة البطالة (اللى عملوا الوكسة عشان يشغلوا الناس).
5- كره العرب للمصريين.
6- خوف رجال الأعمال من الاستثمار فى مصر عشان ميحصلهمش اللى حصل.
7- أصبحت مصر غير آمنة بعد الأمان اللى عشناه 30 سنة.
8- تخوين المصريين لبعض وبدأ التدخل الأجنبى فى شئون مصر.
9- ظهور ائتلافات وأحزاب وفرق وجماعات أكتر من عدد شعر الرأس.


وآخر استهل قائلا: لقد دار حوار بين عجوز إسرائيلى وحفيده بعد إذاعة محاكمة مبارك على النحو التالى:

العجوز: أرأيت يا حفيدى ما هو مصير من يحاربنا من شعبه
الحفيد: ما هو مصيره يا جدى
العجوز: الملك فاروق حاربنا فى ٤٨ وتم طرده من شعبه، وجمال عبد الناصر حاربنا فى ٥٦ و٦٧ وتم سمه من شعبه، أنور السادات حاربنا فى ٧٣ وهزمنا وقتله شعبه فى ذكرى انتصاره، ومبارك دمر مطاراتنا وطائرتنا وأفضل الطيارين لدينا فى ٧٣ وطرده شعبه وأهانه على الهواء ..هذا مصير من يحاربنا يا حفيدى العزيز.