Arabic Discussion Forum with a Special Interest in Travel and Immigration

Rapt · 6th August 2011, 07:01 PM

رمضان والنفحات

هل هوة دة رمضان بتاع ايام زمان والنفحات وتحس بريحة مختلفة فى الجو

وتحس بجو ايمانى وشعور بالراحة والبركة

ولا اختفت المعالم دية وكل فترة تختفى اكتر ......!

هل فى حد عندة نفس الشعور

ولو عندك شعور مخلتف اية هوة ... ولو حاسس باختفاء حاجات اكتر ممكن تقول اية هية

بنت الشاطئ · 6th August 2011, 09:22 PM

دعوه لموضوعي

مدونه بنت الشـــــــــاطئ

انا حاسه انه اختلف بقاله 8 سنين يعنى افتقدت اللمه والضحك والهزار ساعه الفطار

افتقدت انى اكون نايمه ويقولولى يلا اصحى المدفع ضرب دلوقتى انا اللى شايله المسئوليه

افتقدت يوم الجمعه من كل اسبوع والعيله كلها موجودة كانت دوشه وهيصه بس كانت لذيذة

افتقدت الولاد الصغيرين اللى فى الشارع كانو ييجو بالفوانيس ويقولو عاوزين العادة

افتقدت الفانوس اللى كان الولاد بيعملوة على رمضان

وكل واحد يدفع فلوس عشان يتجمل ويتعلق فى الشارع

افتقدت امى وهى بتعمل الكعك والبيتى فور

وتسهر على الفرن فى البيت عشان تخبزة ويطلع معظمه محروق

ايييييييييييه اياااام

حتى الفرحه اختلفت

HanyMan · 6th August 2011, 10:19 PM

فعلا يا رابت اختلفت الظروف والوقت

وفعلا السنة دى انا مش حاسس بجو رمضان ذى زمان

مزاياإنسانة · 7th August 2011, 12:57 AM

كلنا السنة دي تحديداً مش عارفة
عادتن بنشم ريحة رمضان من بداية شعبان
مش عارفة أنا حاسة أنو مع ثورة التطور التكنولوجي الناس
إبتدت تبعد عن بعض وتنشغل عن بعض
العزومات في رمضان تقريباً إبتدت تختفي
أنا حسيت بكده من ساعة ما طلعت في بيت لوحدي بعيد عن أخواتي
لأني طول عمري عايشة معاهم حتى وأنا متزوجة

بنت شعنونة · 7th August 2011, 01:55 AM

دا حتى الشوارع فاضية!
قبل الفطار
بعد الفطار
مافيش!! الناس مش عارفة راحت فين
بلاش
كارفور ليلة رمضان بيبقى ضرب نار
ولالالالالالالالا الهوااااااااااا

ما اعتقدش انه كارفور باع بمكسب قد كدا السنة دي!!
الظاهر الحر خلا الناس مفرهده في بيوتها؟

ana_3enady · 7th August 2011, 02:14 AM

دعوه لموضوعي

RobertInole

اقتباس

المشاركة الأصلية كتبت بواسطة بنت شعنونة


	دا حتى الشوارع فاضية! قبل الفطار بعد الفطار مافيش!! الناس مش عارفة راحت فين بلاش كارفور ليلة رمضان بيبقى ضرب نار ولالالالالالالالا الهوااااااااااا ما اعتقدش انه كارفور باع بمكسب قد كدا السنة دي!! الظاهر الحر خلا الناس مفرهده في بيوتها؟

إهيييييي .. والناس هاتجيب فلوس تشتري من كارفور منين

Rapt · 7th August 2011, 04:23 AM

اقتباس

المشاركة الأصلية كتبت بواسطة مزاياإنسانة


	كلنا السنة دي تحديداً مش عارفة عادتن بنشم ريحة رمضان من بداية شعبان مش عارفة أنا حاسة أنو مع ثورة التطور التكنولوجي الناس إبتدت تبعد عن بعض وتنشغل عن بعض العزومات في رمضان تقريباً إبتدت تختفي أنا حسيت بكده من ساعة ما طلعت في بيت لوحدي بعيد عن أخواتي لأني طول عمري عايشة معاهم حتى وأنا متزوجة

ياااااااااااااااااااااااااااا عينى يااااااااااااليلى عليكى يا مزاااايااااا

اهوة دة تحديدا انا اقصدة من ضمن الاسئلة بتشمى ريحة مختلفة من اول شعبان
تحسى ان نفحات رمضان جت ودايما دخول شعبان بيبقى معاة ريحة رمضان

Rapt · 7th August 2011, 04:28 AM

اقتباس

المشاركة الأصلية كتبت بواسطة بنت الشاطئ


	انا حاسه انه اختلف بقاله 8 سنين يعنى افتقدت اللمه والضحك والهزار ساعه الفطار افتقدت انى اكون نايمه ويقولولى يلا اصحى المدفع ضرب دلوقتى انا اللى شايله المسئوليه افتقدت يوم الجمعه من كل اسبوع والعيله كلها موجودة كانت دوشه وهيصه بس كانت لذيذة افتقدت الولاد الصغيرين اللى فى الشارع كانو ييجو بالفوانيس ويقولو عاوزين العادة افتقدت الفانوس اللى كان الولاد بيعملوة على رمضان وكل واحد يدفع فلوس عشان يتجمل ويتعلق فى الشارع افتقدت امى وهى بتعمل الكعك والبيتى فور وتسهر على الفرن فى البيت عشان تخبزة ويطلع معظمه محروق ايييييييييييه اياااام حتى الفرحه اختلفت

كل دة فعلا حصل من يجى سنين فاتت والفرحة اختلفت فعلا
الناس زمان لما كان رمضان يهل كانت تعمل فرح وتحضير وكلام وسمر
دوقتى ولا اعياد فيها فرحة ولا رمضان فية نفحات

اقتباس

المشاركة الأصلية كتبت بواسطة هانى مان


	فعلا يا رابت اختلفت الظروف والوقت وفعلا السنة دى انا مش حاسس بجو رمضان ذى زمان

دة حتى طعم الشيشة اختلف يا مان

احبك يا فننس منورنا يا هانى واللة السنة دية يكاد يكون ماتت النفحات
السنة اللى فاتت فضلت مستنيها لحد نوص رمضان قامت جت على يوم 25 تقريبا
وماقعدتش كتير النفحات وقامت مشيت قبل ما الشهر يخلص فعلا بقيت حاجة غريبة جدا

اقتباس

المشاركة الأصلية كتبت بواسطة بنت شعنونة


	دا حتى الشوارع فاضية! قبل الفطار بعد الفطار مافيش!! الناس مش عارفة راحت فين بلاش كارفور ليلة رمضان بيبقى ضرب نار ولالالالالالالالا الهوااااااااااا ما اعتقدش انه كارفور باع بمكسب قد كدا السنة دي!! الظاهر الحر خلا الناس مفرهده في بيوتها؟

ايوة يا شانا فى ركود حاد فى عملية البيع والشرا الناس خايفة وماحدش عاوز يصرف فلوس دة اللى معاة واللى معاهوش مش هايفكر يشترى هايفكر يجيب فلوس يشيلها

فى العيد بردة الناس بتبقى نايمة فى البيت إيجاظة

اقتباس

المشاركة الأصلية كتبت بواسطة ana_3enady


	إهيييييي .. والناس هاتجيب فلوس تشتري من كارفور منين

كبشطة ابية

AzzA · 7th August 2011, 06:42 AM

اقتباس

المشاركة الأصلية كتبت بواسطة Rapt


	رمضان والنفحات هل هوة دة رمضان بتاع ايام زمان والنفحات وتحس بريحة مختلفة فى الجو لأ .......مش هو ....ده رمضان اللي كان أيام زمان ..... عشان زمان ...كان زمان .... .ولو... عايزنا نرجع زي زمان قول الزمان إرجع يازمان وتحس بجو ايمانى وشعور بالراحة والبركة وتحس بجو ايمانى وشعور بالراحة والبركة ولا اختفت المعالم دية وكل فترة تختفى اكتر ......! أيوه إختفت .....والباقي منها شوية مظاهر وطقوس خاوية من مضمون وحكمة الشهر ده هل فى حد عندة نفس الشعور أينعم .....أنا عندي نفس الشعور ... ولو عندك شعور مخلتف اية هوة ... ولو حاسس باختفاء حاجات اكتر ممكن تقول اية هية

الصراحة ...أكتر حاجة مؤثرة في نفسيتي

إختفاء الفانوس المصري لصالح الصيني

وخصوصاً الفانوس أبو شمعة ...تلسع إيدينا وإحنا بنركبها ....وإحنا صغيرين

ياااااااااااااه أنا بحب الفانوس ده جداً

وأكتر حاجة كمان بتضايقني ....

أن الناس بتكون عندها إهتمام بالأكل والعزايم

على حساب طاعات كتير المفروض تتعمل على الأقل في الشهر ده

وكمان الكارثة بيزيد وزنهم ...في شهر صوم..!!!

حاجات كتير ....كتير ...أختفت ...

.زمان كانت البيوت كلها بتقرا قرآن ....

دلوقت أغلب الناس بتتابع المسلسلات ...أو على النت

زمان كنت كتير أسمع تواشيح النقشبندي ...اللي بحبها جداً

دلوقت بسمع حاجات كده ملهاش معنى

زمان كنت في مصر ...دلوقت أنا غريبة في بلاد غريبة عني

زمان كان فيه ناس كتير بحبهم ...دلوقت مشيوا كلهم من رمضان ومن كل الدنيا

زمان كنت صغيرة ....وكنت كتير أنسى وأشرب وأنا صايمة...وماما تقول ...أصل ربنا بيحبك

دلوقت مش بنسى ...ولا باكل ولا بشرب ....

يمكن يكون كده ربنا ...مش بيحبني ...!!!

الله أعلم

وشكراً

Eng Hesham · 7th August 2011, 06:45 AM

فعلا يا رابت
انا لسه من يومين بتكلم مع والدى بقوله رمضان السنادى حاسه ميت كده
حتى التليفزيون اللى كان بيسهرنا ايام زمان مبقاش حد طايق يشوفه
من سنتين كانت البلد بتتملى زينه دلوقتى مفيش غير 3 4 شوارع بس فى البلد كلها اللى معلق زينه
حتى لعب الاطفال و الصواريخ و البمب مبقالهوش طعم زى زمان
ايييييييييييييييييييييييه
بجد احساس ان يوم القيامه قرب احساس تانى خالص

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
إزاي تختار نوع الستاير للشباك (Mount Blinds )	Do It Yourself	Rapt	0	5095	7th November 2012 05:45 PM
إزاي تشيل أثار الحبر(قلم تلوين ) من على السبورة...	Do It Yourself	Rapt	1	20613	5th November 2012 09:03 AM
إزاي تعدل على خرطوم المكنسة الكهربائية	Do It Yourself	Rapt	0	4975	3rd November 2012 11:12 PM
إزاي تنضف فوهة علبة الاسبراي	Do It Yourself	Rapt	0	4741	3rd November 2012 11:09 PM
إزاي تشيل أثار بقع الزيت من على الارض	Do It Yourself	Rapt	2	9259	3rd November 2012 11:07 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نفحات في الايمان من رمضان	Abo yasser	شؤون إسلامية	37	22nd June 2012 10:03 AM
اونلي اختفت يرجااااااااله	geuvara	ترحيبات ... مناسبات ... علاقات عامة	21	25th September 2011 12:08 AM
هو فى مداخلات اختفت	سيدة مصر الاولى	إقتراحات ... مشاكل تقنية	4	15th May 2010 09:02 PM
لماذا اختفت علوم ومعارف المصريين القدماء	KANE	مناقشات وحوارات جادة	3	4th May 2010 08:52 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

هل اختفت نفحات رمضان ..؟