المفروض اعمل ايه ؟

[نانا]

أسئلة كتييير مش بقدر ألاقيلها إجابات

مواقف عابرة بتحصل ولازم نتصرف ويكون لينا رد فعل معين لما تحصل
بس ساعات تحصل وتعدي واحنا ما كانش لينا اي رد فعل تجاهها
او ممكن يكون كان لينا رد فعل بس مش مناسب
او ممكن يكون رد فعل كان اكبر من الموقف نفسه

وللأسف بعد مرور لحظات على الموقف ما ينفعش نصلح اي تصرف اتصرفناه تجاهه لان خلاص بيكون الموقف عدى وانتهى

منين نقدر نكتسب الحكمة والخبرة في التحكم في رد أفعالنا وتصرفاتنا
او حتى ازاي نكون قادرين اننا يكون لينا رد فعل في كل موقف
لأننا بشر لازم نعبر بأي طريقة عن مواقفنا من الأشياء اللي حوالينا






ساعات كمان حاجات بتحصل حوالينا واحنا للأسف ظروفنا ما تسمحش اننا نأدي الدور المناسب ليها
نظرا لمشاغل معينة سواء كانت ظروف عمل او سفر او غربة أ و ..... إلخ
طيب ايه الحل ازاي تصلح موقفك او تبرر والناس تعذر


ساعات بتبقى نفسك تسأل

المفروض أعمل ايه ؟
وايه أولى؟
وايه الصح وايه الغلط؟

طيب هل انا لو اتصرفت التصرف الفولاني كدة انا صح ولا غلط ؟

طيب لو انا غلط إزاي أصلح ؟






حبيت افتح الموضوع دا عشان اي حد عنده اي سؤال في شيء محتار هل المفروض يعمله ولا ما يعملهوش

او ايه المفروض يعمله

ويقدر يحصل على إجابات تفيده بالإستفادة من خبرات وتجارب ونصائح الناس

اتمنى تشاركوني بأسئلتكم وخبرتكم في الموضوع دا

 

[نانا]

هابتدي أنا بأول سؤال محيرني ومنكد عليا بقاله يومين

تعمل ايه لو اعز اصدقائك هيعمل عملية وانت مسافر مثلا للدراسة بعيد عنه

آي نعم المسافة مش بعيدة بينكم وتقدر تسافرله بالمواصلات
لكن ظروفك ما تسمحش

نفسك تكون جانبه وهو بيعمل العملية
لكن وراك دراسة ومسئوليات تمنعك من السفر ومش هينفع قبل نهاية الأسبوع انك تكون معاه

والظروف بتقولك استنى لآخر الأسبوع وابقى روحله

بس قلبك بيقولك لأ
لازم تبقى جانبه أثناء العملية والأصدقاء ما ينفعش يسيبوا بعض في ظروف زي دي

وأديك في صراع ما بين ظروفك وبين قلبك وضميرك وواجبك كصديق


انهي هتمشي كلامه
وازاي ترتاح وتوازن بين الأتنين في حد المعقول

 

 

[نانا]

 

 

[moka]

اقتباس المشاركة الأصلية كتبت بواسطة نانا هابتدي أنا بأول سؤال محيرني ومنكد عليا بقاله يومين تعمل ايه لو اعز اصدقائك هيعمل عملية وانت مسافر مثلا للدراسة بعيد عنه آي نعم المسافة مش بعيدة بينكم وتقدر تسافرله بالمواصلات لكن ظروفك ما تسمحش نفسك تكون جانبه وهو بيعمل العملية لكن وراك دراسة ومسئوليات تمنعك من السفر ومش هينفع قبل نهاية الأسبوع انك تكون معاه والظروف بتقولك استنى لآخر الأسبوع وابقى روحله بس قلبك بيقولك لأ لازم تبقى جانبه أثناء العملية والأصدقاء ما ينفعش يسيبوا بعض في ظروف زي دي وأديك في صراع ما بين ظروفك وبين قلبك وضميرك وواجبك كصديق انهي هتمشي كلامه وازاي ترتاح وتوازن بين الأتنين في حد المعقول

امممممممم
لو ممكن ظروفك تسمح انك تأجلي سفرك وتكوني جنب صاحبتك وبعد ما تخلص العملية وتتطمني عليها .. يبقى مافيش مضرة او مانع من التأجيل ..!

ولكن لو الظروف ما تسمحش يبقى تتصلي بيها وتقولي لها ع الظروف وتسافري وتشوفي مصالحك ونهاية الاسبوع ترجعي وتجلسي معاها وتتطمني عليها اطول فترة ممكنة

واكيد صاحبتك حاتقدر ظروفك ودراستك يكفي انها حاسة بإهتمامك ورغبة انك تكوني معاها ولكن الظروف اقوى منك علشان الدراسة ..!

ويارب تتطمني عليها وتقوم بالسلامة ..!

 

 

[نانا]

اقتباس المشاركة الأصلية كتبت بواسطة moka امممممممم لو ممكن ظروفك تسمح انك تأجلي سفرك وتكوني جنب صاحبتك وبعد ما تخلص العملية وتتطمني عليها .. يبقى مافيش مضرة او مانع من التأجيل ..! ولكن لو الظروف ما تسمحش يبقى تتصلي بيها وتقولي لها ع الظروف وتسافري وتشوفي مصالحك ونهاية الاسبوع ترجعي وتجلسي معاها وتتطمني عليها اطول فترة ممكنة واكيد صاحبتك حاتقدر ظروفك ودراستك يكفي انها حاسة بإهتمامك ورغبة انك تكوني معاها ولكن الظروف اقوى منك علشان الدراسة ..! ويارب تتطمني عليها وتقوم بالسلامة ..!

ربنا يخلي حضرتك وشكرا على ردك عليا بجد

وانا شكلي مش هقدر للأسف أبقى جنبها وقت العملية لأني مسافرة ودا غير انها هتعملها في مستشفى انا مش عارفة مكانها ولا الظروف هتسمحلي اني اروحلها

فشكلي هفضل لآخر الأسبوع وابقى ازورها

بس انا متضايقة اوي اوي اوي وعندي حالة ضيق غير عادية بسبب الموضوع دا

كل شوية اتصل بيها وبحاول اسندها معنويا لأنها خايفة أوي

ربنا معاها ويقومها بالسلامة يا رب

 

 

[مدى]

انا محتاجة الموضوع ده جدا يانانا..
بجد كثير بكون نفسي اسأل وبكسل افتح موضوع جديد..

الله يسعدك..

بالنسبة لصديقتك..تقدري تكوني معاها ع التلفوون طول الوقت..
هتقدر..
بدل ماتروحي لها وبالك مشغول وتكدريها ..
روحي لها وانتي رايقة ليها تماما..

الصديقة بجد..هتقدرك ..زي مابتقدريها..


تقوم بالسلامة ان شاء الله..

 

 

[نانا]

اقتباس المشاركة الأصلية كتبت بواسطة مدى انا محتاجة الموضوع ده جدا يانانا.. بجد كثير بكون نفسي اسأل وبكسل افتح موضوع جديد.. الله يسعدك.. ربنا يخليكي ويسعدك يا مدى انا والله كمان الموضوع دا فتحته لاني بحتاجله جدا وقولت بدل ما كل شوية افتح موضوع اسأل فيه سؤال جايز يكون بسيط او غير بسيط فانا اعمل موضوع شامل افضل بالنسبة لصديقتك..تقدري تكوني معاها ع التلفوون طول الوقت.. هتقدر.. بدل ماتروحي لها وبالك مشغول وتكدريها .. روحي لها وانتي رايقة ليها تماما.. الصديقة بجد..هتقدرك ..زي مابتقدريها.. تقوم بالسلامة ان شاء الله..

آمين يا رب

وفعلا يا مدى دا اللي انا إن شاء الله نويت اعمله بعد صراع عنيف بيني وبين نفسي وبين بعض أفراد اسرتي
وشيلتهم هما كمان هم الموضوع دا
وفي النهاية وصلت للحل دا

وكمان صحبتي تفهمت الحمد لله وضعي

بس خايفة اتجنن واروحلها لوحدي
بس مش عارفة إزاي

 

 

[نانا]

حياة الواحد واحتكاكه مع الآخرين وخصوصا القريبين واللي بيتعاملوا معاه بإستمرار .. بتعرضه لمواقف أحيانا بتكون صعبة .. احيانا بتكون محرجة اوي ومش عارف يتصرف فيها ازاي
وخصوصا لو كانت مواقف تخص الجدعنة والسندة والوقوف جنب شخص معين في وقت معين

المهم
انا عندي واحدة صحبتي في الكلية اجتماعيا وماديا ما شاء الله كويسة
بس هي اهلها كلهم في السعودية وقاعدة عند قرايب ليها
واهلها كل شهر بيبعتولها فلوس على الفيزا تكفي مصاريفها

بس احيانا يتأخروا عليها او الفلوس ما توصلش على طول او بيحصل اي ظرف

المهم في الفترة دي بتكون فلوسها مشطبة
طبعا انا معرفاها لو احتاجت اي حاجة تعرفني واسلفها لحد ما يوصلها الفلوس وخصوصا بعد ما عرفت ان قرايبها يعني مش بيسدوا في المواقف دي وعلاقتها معاهم مش اوي وعلى اد البيات وخلاص دي بتوصل انها ممكن تجيب اكل لنفسها من برا
يعني في موقف زي دا مستحيل هترضى تطلب منهم حاجة

المهم اتفقت معاها ما تتكسفش مني ابدا
وفعلا الحمد لله وصلتها لمرحلة انها مش بتتكسف مني وانا بكون سعيدة لو احتاجتني واختارتني انا لأنها واثقة فيا

جات فترة وحصلت عندها مشاكل
المهم بإختصار فلوسها خلصت واهلها اتاخروا جدا في تحويل فلوس ليها وما كانتش عارفة تسحبها بعد كذا محاولة

المهم انا في الفترة دي اديتها مبلغ محترم من مصروفي على اساس انها قريب هتعرف تجيب الفلوس وتبقى ترجعهملي

عدى يوم ورا يوم وهي نسيت تديني او مش عارفة ممكن ما نسيتش بس فاكرة انه عادي لأنها لما كانت تاخد مني مبلغ بسيط 10 أو 20 جنية مثلا مش برضى آخده منها واقولها خلاص كأني عزمتك على حاجة
بس مشكلتي اني اديتها من مصورفي مبلغ كبير المرة دي وأنا ليا مصروفي باخده بالشهر من ماما ولانه مصروف بيكفيني اصرف واعيش طول الشهر عليه وبيبتبقى منه كمان ممكن احوش فحرام اني اطلب زيادة عنه .. خصوصا ان ماما بتديني مصروف تاني مفصول عنه بيتزايد حسب الحاجة للأكل والشرب ومصاريف الجامعة والورق .. لكن مصروفي بتاعي انا اصرفه زي ما احب .. وطبعا ما اقدرش اخد من مصاريف أكلي وشربي واديها لصاحبتي

المهم اتحملت الشهر دا كنت بقلل جدا في مصاريفي وما قولتش لماما ولا طلبت منها زيادة
والحمد لله عدى الشهر على خير

جات مرة تانية حصل موقف مشابه
وكذلك جات قالتلي
طبعا انا ما اتاخرتش واديتها مبلغ معقول ما كانِتش محتاجة مبلغ كبير يعني حاجة بسيطة

بس حاسة اني في موقف صعب جدا

انا عندي كذا نقطة
اولا لأني عارفة ظروفها كويس وعارفاها كمان فمش بتأخر عنها
ثانيا محترمة اوي ثقتها فيا وانها بتطلب مني دونا عن باقي صحباتي

لكن النقطة اللي مستصعباها ومش عارفة اتصرف فيها ازاي
لو احتاجت مبلغ كبير زي اللي فات
وانا اديتها
وما رجعتهمش ليا تاني
وبالتالي هيحصل عندي عجز في ميزانية الشهر ومش هقدر اروح احكي لماما على اللي حصل ممكن بس اقولها تديني فلوس بزيادة عشان مصروفي خلص
ودا ممكن يحصل مرة اوك
اتنين اوك
لكن بعد كدة مش هيبقى كويس خالص

حقيقي مش عارفة المفروض اعمل ايه .. وازاي احسسها انه المفروض انها ترد اللي بتاخده تاني خصوصا لو مبلغ كبير محرجة جدا اقولها ومش عارفة اجيبها ازاي .. مش عايزاها تاخد فكرة ان الفلوس مش بتفرق معايا لانها مثلا عارفة اني عايشة في مستوى معين مش هيفرق معايا فلوس او مش هتأزم