قول أعوذ بالله من الشيطان الرجيم

[حشيش]

الصحف المصرية والعربية

أذكر وأنا طفل غرير كنت أسأل أمى رحمها الله أسئلة كثيرة مما يدور فى ذهنى كبقية الأطفال عن حقيقة الذات الإلهية على شاكلة (هوه ربنا بيعمل إيه دلوقت؟) و (طب قبل ما ربنا يخلق الدنيا كان فيه إيه وكان بيعمل إيه؟) و (ليه ربنا خلقنا؟ وترد عليا علشان نعبده فأقول لها طب هوه حيستفاد إيه لما نعبده؟) وكانت رحمها الله لما تلاقينى زودتها تقول لى بلاش تفكر فى الحاجات دى وكل ما تيجى الأسئلة دى على بالك قول (أعوذ بالله من الشيطان الرجيم) ... بمرور الوقت وحصولى على نفس الإجابة منها دوماً ترسخت هذه الإجابة فى ذهنى حتى عندما كبرت وأصبحت كلما تلح على رأسى هذه النوعية من الأسئلة أقول فى سرى (أعوذ بالله من الشيطان الرجيم) ... سبب طرحى لهذا الموضوع هو مقارنة الجيل الجديد من الأباء والأمهات هنا بالجيل القديم مثل والدتى رحمها الله ... هل لو سئلك إبنك أو إبنتك نفس الأسئلة سترد عليه أو عليها بنفس الإجابة؟

 

[linux]

على حسب، لكن رد والدتك -- رحمة الله عليها -- على هذا السؤال بالذات هو الرد الذي نصحنا به الرسول صلى الله عليه وسلام. هناك اسئلة لا يجب الخوض فيها (خير مثال هو ما قلته يا حشيش)، وهناك اسئلة صعب الاجابة عليها بسبب صغر سن الطفل (هل الانسان مسير أم مخير مثلاً)، أما بخلاف ذلك فغالباً سأرد نفس الرد الذي تعلمته من والدي طالما لم اقرأ أو أسمع ما يعارضه

 

 

[ana_3enady]

دعوه لموضوعي

RobertInole

هاقوله استهدى بالله يابني واخزي الشيطان

 

 

[Doudy]

جيت ع الجرح يا حشيش
ابنى عبد الرحمن
عامل زى الواد بتاع اعلان كيت كات
كل حاجة ليه اجاوبه يقولى ليه برضه تانى
بيسال كتيير جدا عن ربنا و بيجننى ساعات مش بعرف ارد عليه طيب احنا ليه بنصلى
اقوله عشان نشكر ربنا
يقولى طيب ما نشكره مرة واحدة
ليه 5 مرات كتيير
اخر ما ازهق منه اقوله استعيز بالله من الشيطان
لو عندك حل تانى قوله الله يكرمك يا حشيش

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Doudy جيت ع الجرح يا حشيش ابنى عبد الرحمن عامل زى الواد بتاع اعلان كيت كات كل حاجة ليه اجاوبه يقولى ليه برضه تانى بيسال كتيير جدا عن ربنا و بيجننى ساعات مش بعرف ارد عليه طيب احنا ليه بنصلى اقوله عشان نشكر ربنا يقولى طيب ما نشكره مرة واحدة ليه 5 مرات كتيير اخر ما ازهق منه اقوله استعيز بالله من الشيطان لو عندك حل تانى قوله الله يكرمك يا حشيش

ساعة مايعمل معاكي كدة تاني أصرخي في وشه مرة واحدة .. جرى ايه يابني .. انت شيوعي!!

 

 

[Farida]

الأستاذه فرح شغاله دلوقتى فىالموضوع ده بس انا باجاوبها على قد فهمها و مش باسيب سؤال باحاول و موقع اسلام اون لاين بيوضح اجابات للأسئله دى دايما

 

 

[Farida]

اقتباس المشاركة الأصلية كتبت بواسطة Doudy جيت ع الجرح يا حشيش ابنى عبد الرحمن عامل زى الواد بتاع اعلان كيت كات كل حاجة ليه اجاوبه يقولى ليه برضه تانى بيسال كتيير جدا عن ربنا و بيجننى ساعات مش بعرف ارد عليه طيب احنا ليه بنصلى اقوله عشان نشكر ربنا يقولى طيب ما نشكره مرة واحدة ليه 5 مرات كتيير اخر ما ازهق منه اقوله استعيز بالله من الشيطان لو عندك حل تانى قوله الله يكرمك يا حشيش

doudy ربنا يخلى لك عبد الرحمن فيه فى اسلام اون لاين موقع اسمه ابناؤنا .....ادخلى و عيشى حياتك بجد حاتتعلمى كتير و المستفيد من الموضوع ده هو عبد الرحمن ربنا يحميه بس ياريت تحاولى تجاوبى على اسئلته و لو ماعرفتيش علميه ان مش لازم نعرف كل حاجه لكن لازم نعرف ازاى ندور على اجابتها و تدورى و ترجعى تردى عليه صدقينى مهم قوى الموضوع ده
موضوع ذو صله هو ربنا جه ازاى

 

 

[Doudy]

اقتباس المشاركة الأصلية كتبت بواسطة ana_3enady ساعة مايعمل معاكي كدة تاني أصرخي في وشه مرة واحدة .. جرى ايه يابني .. انت شيوعي!!

تامر انت عايز الواد يعتصم
على سلم العمارة و يخحدفنى انا و الجيبران بالطوب
انااحسن حاجة اشتركله فى حزب شيوعى
من الاخر و اخلص

 

 

[Doudy]

اقتباس المشاركة الأصلية كتبت بواسطة Farida doudy ربنا يخلى لك عبد الرحمن فيه فى اسلام اون لاين موقع اسمه ابناؤنا .....ادخلى و عيشى حياتك بجد حاتتعلمى كتير و المستفيد من الموضوع ده هو عبد الرحمن ربنا يحميه بس ياريت تحاولى تجاوبى على اسئلته و لو ماعرفتيش علميه ان مش لازم نعرف كل حاجه لكن لازم نعرف ازاى ندور على اجابتها و تدورى و ترجعى تردى عليه صدقينى مهم قوى الموضوع ده موضوع ذو صله هو ربنا جه ازاى

متشكرة يا فريدة
ربنا ما يوقعك مع عيل يا حبيبتى
فتحته فعلا موقع حلو جدا و فيه معلومات حلوة

 

 

[حنان]

معرفش أرد عالسؤال ده لما أبقى أتجوز ويبقى عندي أولاد يمكن أعرف أرد
بس مبدئيا هوه سؤال وجيه محتاج تفكير... أعتقد اني لو سؤلت أسئلة من النوعية دي ححاول أفهم الطفل على قد ما أقدر وعلى حد علمي... هوه شئ جميل ان الطفل يهتم ويسأل ويبقى عنده فضول... والواحد على قد ما يقدر لازم يحاول ينمي الفضول وحب الاستطلاع عند الطفل علشان لما يكبر ما يطلعش قفل لا مؤاخذة.