كل ما يخُص أضحية عيد الأضحـى
خروف العيد
كل عام وأنتم بخير
وهنا نتلكم عن كل ما يخص لأضحية وخروف العيد
1- معنى الذبح في الإسلام .
2- فتوى الأضحية .
3- كيف نتأكد من صحة الخروف فى خروف العيد .
4- حدوتة خروف العيد ,, يلا نروح نشتريه ..
5- طريقة ذبح الأضحية بالصور .
1- معنى الذبح في الإسلام:
هو قطع الوريد والشريان الرئيسيان ومجرى النفس والبلع في الرقبة وبسرعة فيخرج الدم بسرعة المفروض بالطريقة الطبيعية دي يخرج حوالى ثلثين كمية الدم الموجودة بالجسم .
الدم مشكلته أيه؟
انه يعتبر بيئة جيدة لنمو البكتيريا وخصوصا الموجودة في الجهاز الهضمي يعني بعد الذبح تخرج هذه البكتيريا من الجهاز الهضمي إلى الدم وتعيش فيه وتتكاثر مسببة تلف اللحمة
يبقى بالذبح السليم نضمن إن اللحمة ممكن تحفظ لاطول فترة ممكنة وتحتفظ بقيمتها الغذائية إذا خرجت منها كمية الدم المطلوبة
الجلالة:
الحيوان الذي يتغذى على القاذورات والنجاسات
زي إيه؟
مجرد أمثلة راعي الغنم والماعز اللي بيلف بيهم على أكوام الزبالة ويأكلوا منها الفراخ المربى في المزارع ونسبة الدم أو المخلفات الحيوانية في العليقة بنسبة كبيرة أو هو كل الأكل
الجلالة حرام اكلها وشرب لبنها خصوصا لو الأكل غير من صفات لحمها ولبنها
الحل أيه؟
الدجاج يربى على الأكل الطبيعي لمدة 3 أيام والخراف 7 أيام والبقر 30 يوم والجمل 40 يوم
المضاد الحيوي:
الحيوان ممكن يأخذ مضاد حيوي قبل الذبح علشان تختفي من عنده أعراض المرض أو يتم بيعه لكن المضاد الحيوي موجود في لحمه وأعضائه مثل الكلى والكبد أقل مدة لمضاد حيوي علشان يذبح بعدها 3 ايام
أيه المشكلة لو ذبح على طول؟
أول حاجة الحيوان دا مريض لسه لم يعالج يعني نسبة مسببات المرض في جسمه عالية وممكن تسبب أمراض أو حتى ضعف بالمناعة ولحمه سيء الجودة
تاني حاجة في جسمه مضاد حيوي ودا بيقلل مقاومتنا للأمراض بمرور الوقت
التوتر والخبط:
الحيوان بيحس مثلنا؟ نعم بكل تأكيد طيب المشكلة فين؟ لما الحيوان بيتوتر النتيجة إن كمية مخزونة من الجليكوجين في الجسم بيقل يعني بعد الذبح الجليكوجين المتحول إلى لاكتيك أسيد كميته أقل يعني كمية البكتيريا اللي هتفضل عايشة كتيييير وتسبب تلف للحمة غير إن مواصفات اللحمة اللي نعرفها من طعم ورائحة بتتغير وبيخلى الحيوان عند الذبح لا يخرج كمية الدم المفروض خروجها لأنه متوتر وعروقه تضيق وممكن يغير من مواصفات الكبد وممكن اللحمة تبقى جافة وبتشد وغامقة .
2- ماهى شروط الأضحية ؟
بسم الله، والحمد لله، والصلاة والسلام على رسول الله، وبعد:
يقول فضيلة الشيخ محمد صالح المنجد -من علماء السعودية-:
يشترط في الأضحية ما يلي:
1- بلوغها السن المطلوبة ، والسن المطلوبة ستة أشهر في الضأن وفي المعز سنة وفي البقر سنتان وفي الإبل خمس سنين .
2- سلامتها من العيوب ، لقوله صلى الله عليه وسلم : ( أربع لا يجزين في الأضاحي ، العوراء البين عورها ، المريضة البين مرضها ، والعرجاء البين ظلعها ، والعجفاء التي لا تنقي ) صحيح ، صحيح الجامع رقم 886 . وهناك عيوب أخف من هذه لا تمنع الأجزاء ولكن يكره ذبحها كالعضباء
( أي مقطوعة القرن والأذن ) والمشقوقة الأذن … الخ ، والأضحية قربة إلى الله ، والله طيب لا يقبل إلا طيباً ، ومن يعظم شعائر الله فإنها من تقوى القلوب .
وجاز عند الإمام أحمد رحمه الله التضحية بالخصى
3- ذبحها في وقتها المحدد ، وهذا الوقت هو من بعد صلاة العيد والخطبة ، وليس من بعد دخول وقتهما . إلى قبل مغيب شمس آخر أيام التشريق وهو اليوم الثالث عشر من أيام ذي الحجة ، لقوله صلى الله عليه وسلم : ( من كان ذبح قبل الصلاة فليُعد ) أخرجه البخاري ومسلم ، ولقول علي رضي الله عنه : ( أيام النحر يوم الأضحى وثلاثة أيام بعده ) وهو مذهب الحسن البصري وعطاء بن أبي رباح والأوزاعي والشافعي واختاره ابن المنذر عليهم جميعاً رحمة الله .
وإذا تعينت الأضحية لم يجز بيعها ولا هبتها إلا أن يبدلها بخير منها ، وإن ولدت ضحى بولدها معها ، كما يجوز ركوبها عند الحاجة ، والدليل على ذلك ما أخرجه البخاري ومسلم عن أبي هريرة رضي الله عنه أن النبي صلى الله عليه وسلم رأى رجلاً يسوق بدنة فقال اركبها ، قال إنها بدنة ، فقال اركبها في الثانية أو في الثالثة .
والله أعلم.
3- كيف نتأكد من صحة الخروف فى خروف العيد .
أن يكون الخروف سليما وخاليا من العيوب ويبدو عليه النشاط وتكون عيونه لامعة وصوفه لا يمكن نزعة بسهولة وأن يكون ذكرا ولا توجد به افرازات من الانف ويمكن معرفة ذلك بالضغط على الانف ولا يكون مصابا بالاسهال , بالاضافة إلى أن يكون خاليا من الجروح المتقيحة أو مصابا بأمراض جلدية مثل الجرب والا توجد به أى أورام وان تكون قوائمه سليمة وخالية من الكسور .
4- حدوتة خروف العيد ,, يلا نروح نشتريه ..
نحكي حدوتة الخروف من عند الشراء لحد الذبح بعد ما عرفنا بعض المفاهيم:
عند شراء الخروف:
الخروف واقف مع صاحبه وأنت رايح تشوفه وتنطط فيه وحوله دوشة واطفال يشدوا فيه يمين وشمال طبعا هو زهق كل دا توتر.
عاوز تعرف عمره ؟؟
الخروف عند عمر سنة بيغير السنتين الأماميتين السفليتين علشان مفيش فوق زيهم وعند عمر سنتين بيغير السنتين اللي بعدهم السفليتين برضه بس علشان مفيش فوق أسنان
شوفوا الصورة 2و3
البقرة عند عمر 6 شهور بيطلع لها الضرس الرابع وعند عمر سنة بيطلع لها الضرس الخامس وعند عمر سنتين بتغير السنتين الأماميتين السفليتين علشان مفيش فوق زيهم
شوفوا الصورة1و2
بعد ما نطط الخروف علشان تشوف تنفسه عامل إزاي !
وبرضه ممكن تشتريه مريض بمرض تنفسي
و دفعت فلوسه هتنقله
النقل:
معظم الناس بيستخدموا عربة ربع نقل على الأقل في مصر
طبعا دا توتر ما بعده توتر الخروف ولا البقرة واقفة الهواء بيضرب فيها طول الطريق وصوت الكلاكسات والسيارات تقرب منها جدا وكل شوية السواق الشاطر يفرمل بقوة وهما مستحملين الهم دا كله
تيجي أنت وتكمل عليهم وتكون شاري مثلا كام خروف مع كام بقرة لك وللأهل طبعا واقفين في العربة بأي نظام مش مهم ويخبطوا في بعض وياسلام لو حد عنده قرون علشان الأطفال يلعبوا بيه شوية يروح ناطح واحد جنبه أثناء النقل من النرفزة ... وتبقي مبسوط أنك اشتريت خروف من أسوان وأنت مثلا ساكن في السلوم ....
الموضوع الأصلى من هنا: ::: منتديات رياض الجنة ::: https://gannaa.com/vb/showthread.php?p=41992
المفروض الحيوان ينقل في مكان مغلق لكنه بيوفر الهواء المستمر في مجموعات متشابهة يعني بقر فقط أو خراف ويكون معها شخص ياخد باله منها طول الطريق وتقف بحيث تكون الرؤوس في اتجاه واحد والذيول في الاتجاه المقابل وتكون الرحلة قصيرة قدر المستطاع علشان نقلل ممن كمية الفقد في الوزن والقرون ممكن تسبب مشاكل في اللحم بعد الذبح
الحمل:
سواء في السوق أو لما يوصل كل الناس بتعمل أيه مع الخروف بتشده من رجله ... في حد بيعمل غير كده لأ.. كأنه واحد صاحبه هياخده على جنب ويكلمه ..ربنا خلقه يمشي على أربع إزاي هيمشي على 3 أو 2
الصح: الخروف يتشال بحيث الذراع اليسرى حول القبة واليمنى حول الظهر و تمسك اليد اليمنى بمنطقة البطن والركبة للدعم
والصورة توضح طريقة رفع الحمل .. الطفلة استطاعت حمل حمل ...واحد كبير مش هيقدر يشيل خروف؟؟؟؟
النظافة:
أيوة، معظم الخراف في الوقت دا بتكون قصة صوفها لكن لو في أي شيء عالق فيها يفضل إنك تشيله ولو بقرة ممكن تمشطتها بفرشاة زي فرشاة البلاط.... فاكرين لما كنت بقول الرعاية للأطفال مش هى التربية مش كون ابني نظيف يبقى أنا مربياه كويس؟
نكمل... ليه النظافة مهمة علشان لما يذبح القاذورات لا تلامس اللحم وتلوثه وأحنا ناكله
الأكل والشرب:
في ناس بتقعد تأكل في الخروف من أول مايجي لحد وقت الذبح ودا غلط كبير جدا
الخروف يأكل مرتين في اليوم لو هيقعد عندك أكتر من 12 ساعة وقبل الذبح ب12 ساعة يصوم عن الأكل والشرب
مهم جدا وقت الأكل والشرب نوفر ماء كثير جدا علشان يساعد على خروج أكبر كمية من البكتيريا ويسهل عملية السلخ وخروج الدم واللحمة يكون لونها أحمر فاتح جميل
الأكل مهم علشان التوتر اللي حصل طول الطريق يقدر يعوضه ولو حصل فقد في الوزن يعوضه ودا أكيد وبيزود نسبة التصافي يعني اللحمة الناتجة بعد الذبح
الراحة:
مهمة جدا جدا جدا الخروف لو اتخانق طول الطريق مع حيوانات أخرى محتاج من2-3 أيام علشان يرجع زي ماكان
عدم الراحة ممكن تؤدي إلى رائحة كريهة وتغير في لون اللحم في المناطق الغنية باللحم زي منطقة الفخد
حاجة أخيرة لما يكون الخروف أو البقرة مخبوطة وعمل بقعة تحت الجلد استنوا شوية عليه علشان بتأثر على مذاق اللحم واللون ونسبة التصافي
رأيي الأفضل يتم شراء الخروف قبلها على الأقل ب3 أيام.. وبلاش يلعب معاه الأطفال هو لم يخلق للركوب ولكن للأكل وهناك فرق.
5- طريقة ذبح الأضحية بالصور .
بسم الله نبداء
أولآ...
1. نوجهه للقبله ونقول بسم الله والله وأكبر
فأمر الله سبحانه وتعالى بالتسمية عند الذبح فقال جل جلاله فى سورة الانعام
"فكلوا مما ذكر اسم الله عليه ان كنتم باياته مؤمنين "
(ايه 18) وقال جل شأنه
"ولا تأكلوا مما لم يذكر اسم الله عليه وانه لفسق " (ايه 121)
وقال ايضا "انعام لايذكرون اسم الله عليها افتراء عليه" (ايه 138) .
ونحزه بالسكين... شف الصوره
2. بعد تثبيت رجول ويدين الخروف زي ماهو بالصوره, نذكيه مع الرقبه الى مانصل الى العظم مع التأكد من قطع الوريد والشريان... انظر الصوره
3. أترك الذبيحه لمدة كافيه 10 الى 15دقيقه حتى يخرج الدم وتبطل ترفس.
4. للتاكد من أن الذبيحه قد فارقة الحياه, قم بضرب كوع الخروف بظهر السكين زي ماهو بالصوره.
5. أذا كان الخروف مايرد ولا يوخر أيده أذا ظربتها, قم بكسر رقبته وأفصل الرأس عن الجسد زي ما سوا هالرجل به الصورتين:
6. نبدا بتقشير...قصدي سلخ جلد الخروف من ساقه بعد الركبه من الداخل بقطع الجلد فقط وأدخال السكين بين الجلد والعصب حتى نصل الى الفخذ.
7. يعمل كذلك بالرجل الثانيه
أبداء بالسلخ بأدخال اليد بين الجلد واللحم وأدفع مبتدء بالأبهام ألى أبعد ماتصل أيدك.
أسلخ الذنبه- الليه - على مهلك ولاتخربها
قطع أيدي الذبيحه من مفصل الكوع زي هالبطل بالصوره
علق الذبيحه من رجولها بفتح فتحه بين عصب العرقوب والساق (أربطها من وين مابغيت أذا ماعرفة العرقوب وين) ....
كمل سلخ الجلد وأسحب ألأيدين والرقبه من الجلد,
أبدأ بفتح وسط الذبيحه فتحه صغيره (لاتدخل السكين وتصطح الكرش ولا المصران).
أدخل أصبعان داخل الفتحه ودفع أمعاء الذبيحه داخا بعيدآ عن السكين وأبداء بقطع الصفاق
أخرج الكرش والأمعاء.........
أنتبه من فقع المراره وبعمليه دقيقه أفصل المراره عن الكبد وأقطعها. تأكد من عدم تسرب سأل المراره على الكبد لأنه يغير طعمها ويجعلها مره, أغسل الكبد بالماء فور تسرب أي سائل من المراره
اكمل التقطيع كالمعتاد..لا تنسى تشلوط الرأس والكوارع ترى عليهم مرقه ...
وبالعافيه,,,,,
|