الي كل فتاة مخطوبة او داخله علي مشروع خطوبة شوية نصايح !!

[Eng A7m3d]

الصحف المصرية والعربية

قلت أطلع نفسي من جو الكآبة وأحط الموضوع ده وأهو تضحكوا بالمرة



طبعا انا مليش دعوه بالكلام ده

لو ربنا فك عقدتك.. واتخطبتي.. فإليك نصائحي حتى تأخذي

بخطيبك من مركب الخطوبة إلِّي محدش عارف هاترسى على

إيه.. إلى مثوااااه الأخير في قفص النسانيس.. قصدي قفص

الزوجية السعيد..

أجمل ما في الخطوبة العزومات الرومانسية.. على أحلى

محلات أكل ف البلد.. واللي عمرك مانتي شايفاها بعد

الجواز.. المهم نصائحي لك عند أي عزومة مع ختيبك.. قلنا

رقَّه ....

1. الأول لازم تعرفي إن الشوكة والسكينة بيتمسكوا من إيديهم

من الطرف يعني مش م الوسط ولا م البوز زي الخنجر ولا

من فوق طبعًااا

2. العيش أوعي تفضحينا وتقطعيه بسنانك.. ولا الرغيف

نصين بأيدك وكل نص لقمة وتحشري.. أوعي.. العيش

بيتقطع بالسكينة ف الطبق.. وبعدين تاخدي لقمة.. لقمة..

بالعافية.. قال يعني نفسك مسدودة.. اضغطي على أعصابك

جدااا وبعدين لما تروَّحي.. إبقي حِفِّي زي مانتِ عايزه....

3. الشوووربة.. أبوس كعب رجلك.. بند الشوربة ده مهم

جدًاااا.. الشوربة تتشرب من غير صوت خالص.. ومن غير

ماتقعدي تنفخي فيها.. زي القهوجي اللي بينفخ ف الحجر

للزبون.. وطبعًاااااا عايزك تنسى تمامًا.. السلطانية اللي

بتقيميها على بقك ف البيت.. وتدلدقي على روحك..

بالمعلقه وبدون صوت.. سخنة ولعة برضه بدون صوت..

وتسيبي تلت الطبق ع الأقل.. مش تميليه.. عشان تلهطيها

لآخر نقطة.....

4. الرز طبعاً .. بيتاكل بالشوكة.. أوعي إيدك تتمد ع المعلقة.

. وتغرفي من طبق الرز وتعبي.. إوعي.. الرز بالشوكة..

وكأنك بتبوسيه مش بتاكليه..

5. المكرونة.. الاسباكتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات..

مش تشفطي المكرونة عود عود..

6. السمك.. مشكلة.. شوفي.. بتفصلي اللحم عن الشوك..

إزاي..؟؟ تقطعي اللحم من النص.. بالطول وبعدين تفردي

اللحم ع الجانبين ولما تخلصي ناحية.. متقلبيش السمكة.. بلاش

فلح.. شيلي السلسلة بالشوكة والسكينة وحطيها ف جنب الطبق

وكملي أكل النص التاني.. وبدل الفيلم الهندي ده.. نصيحة..

ماتكليش السمك خالص.. قولي مابحبش السمك وخلصي

نفسك..

7. الجمبري.. -إذا كنتي عارفاه-.. أول ماطبق الجمبري

ينزل.. بصيله بقرف واحتقار شديدين.. آل يعني زهقانة من

كتر أكل الجمبري الجامبو ف بيت ببااااا.. وأتنهدي جامد

وقولي.. برضه..؟؟؟ وتروحي قاطعة راس الجمبريياية..

بالشوكة.. أنا ف عرضك إنسي المصمصة دلوقت..

8. البطاطس سواء مسلوقة أو محمرة.. أوعي تهرسيها وتدبيها

ع الرز وتدي ...لا..لآ...لآ...بالشوكة حتة حتة وإنت زي ما

تكوني هاتعيطي من كتر ما البطاطس صعبانة عليكي..

9. الفاكهة.. لو الفاكهة فيها بذر.. طلعيه من بؤك بالراحة

وحطيه ف إيدك وهي مقفولة.. وبعدين ف طفاية السجاير اللي

ع الترابيزه.. أوعي ياحبيبتي من نظام التفتفة للبذر.. إنسي....

10. ولما تخلصي أكل تحطي إيدك على بطنك.. -اللي

عصافيرها بتصوصو من العينات اللي كلتيها-.. وتقولي له

مش ممكن.. أنا عمري ما اتفجعت كدة.. أنا أودامي أسبوع..

هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير

لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك..

وتخشي التواليت وتطلعي من شنطة إيديك.. لفة الفول

والطعمية اللي جايباها معاكي.. وبالهنا والشفااااااااااااا

م
ن
ق
و
ل

 

[Rapt]

 

 

[bond]

طبعا لو حصل اللى قال عليه الباشمهندس واتختبتى فى حاجات كمات لازم تاخدى بالك منها
1-لو بفرض انكم عزمتوه على الغذا لازم تعرفى انه مش جاى من الصومال
وتقعدى تقولى له كول لحمة كول لحمة المفروض ان اللحمة دى شىء عادى جدا بتاكليها باستمرار كل عيد
فمفيش داعى تزوديها فى العزومة سيبيه ياكل براحته وما تقعدوش تحكوا عن مهاره اهلك فى الطبخ وفى العزايم اللى كانت الحاجة بتعملها لان الاحاديث دى بتجيب تلبك معوى
2-بلاش موضوع صابونه جديده على الحوض عشان ما يعرفش انكوا اصلا مش بتستعملوا الصابونه غير لما تزحلقوا حد
3- بلاش تجيبى كل صحابك المضروبين بالنار اللى كرته واللى سوده واللى خريجة مستعمرة الجذام عشان يشوفك حلوه فى وسطيهم لانهم حا يهبدوا اهلك عين يمكن تكسح العريس والعربية تتقلب بيه وهو غاير من عندكو
4-بلاش كلمة والله احنا مش عاملين حاجة مخصوص ده الموجود وطبعا على السفرة 6فرخات وبطتين ووسته كيلو رز لان الحلفان بالله كذب قد يؤثر نفسيا فى معدنيات المدعوء
بس لو فى حد من الحبايب عنده خبرات يبقى برضو يضيف عشان الامورات برضو يبقى عندهم خبرة

 

 

[بنت الشاطئ]

دعوه لموضوعي

مدونه بنت الشـــــــــاطئ

هههههههههههههههههههههههه

موضوع تحفه

شوفى يابنيه بعد خبرة فى الليله ديا

اوعى فى يوم تعزميه على اكله حياكلها ويملا كرشه من غير حمد ولاشكرانيه

كبيرة عندك فنجان شاى ولو كاسه عصير كدة ميه ميه

ماتتعبيش نفسك فى تجهيز ومصاريف بكرة التعب جاى من غير مداديه

استفزيه واقرفيه خليه يجيب آخره وانسى شويه الملاغيه

وخلى اهلك قاعدين حراس على قلبه ميروبوش ولا حتى ثانيه

لو فيه خير حيلبد و تبقى عرفتى طبعه طيب وبشوش وابدئى بالملاغيه

ولو كان شر وبدأ المرازيه اقلبيه وتبقى وفرتى الوقت والنقديه

 

 

[bond]

باظت الجواز ههههههههه

 

 

[ام العيال]

كل دى مؤامرات علشان توقعوا الشاب وتدبسوه فى الجوازه
غلابه الشباب والله
ههههههههههههههه