رباعيات

[مصري جدا]

الصحف المصرية والعربية

اعزائي المطاريد
حبدأ رباعياتي .........وأعتذر لو فيها شئ من الحزن أوالشجن

ضاق صدري م اللي جواه
ومقدرش أشكي.. اللي بأهواه
سألت… ليه يا قلب حزنك كبير
قال…قتلني اللي بحبه ….وضيعت عمري معاه
وعجبي

ماشي في طريقي وحواليا ضباب
مغلف الدنيا…ومخبي كل الآبواب
لأنا شايف طريقي أكمله….
ولا عارف أدخل من أي باب
وعجبي



أحمد جلبي

 

[ابتسامــة]

هو الشجن الذي يجذبنا
والحزن الذي ينجح في فك سلسلة الحروف من معقلها
تسجيل متابعة

 

 

[امانى]

رائع يا مصرى وعود احمد

ايوة كدة متعنا برباعياتك الرائعة حتى لو حزينة فالشجن
اسرع طريق للوصول. سلمت حروفك وفى انتظار المزيد

 

 

[مصري جدا]

الأخت ابتسامه
شكرا لمرورك وتعليقك ..وأتمني أن لا يستمر الحزن


الأخت أماني
شكرا لك علي المرور والتعليق
مش شايف لك حاجه جديده ليه ...أتمني أن أقرأ لك قريبا

 

 

[مصري جدا]

**جوايا حزن وشجن ودموع
وكلمة مخنوقة ونفس بترفض الخضوع
لواقع مزيف بيتحكم فينا ومستني
يضحك علينا بعد الوقوع
وعجبي



سمعت في قلبي صوت…..طنين
سألته يا قلب …راح فين الحنين….!؟
قال …من كتر حبسته جوايا .. أتخنق
ومفضلش فيّ غير الآنين
وعجبي

 

 

[galaxy]

اخيرا مستر مصري فتحت الرباعيات.......تسجيل متابعه وتقدير واحترام

 

 

[امانى]

اخى الفاضل مصرى

كلماتك رائعةومعبرة رغم الشجن والحزن بها

اسمح لى ارد عليك برباعية جت على بالى وانا برد

ليه تحبس حنينك سيبه يعبر عنك

ليه كدة تخنقه.... وهو حته منك

فجر الليل.... بكرة اكيد هيبان

ولا يبقى لأنينك اى وجود عندك

شكرا يا اخى الفاضل على رباعياتك الجميلة

 

 

[مصري جدا]

الأخت جالاكسي
شكرا لوجودك معانا في الرباعيات ...وجودك بيضيف حلاوه تغطي علي مراره الكلام ...شكرا لك

الأخت أماني

ليه تحبس حنينك سيبه يعبر عنك

ليه كدة تخنقه.... وهو حته منك

فجر الليل.... بكرة اكيد هيبان

ولا يبقى لأنينك اى وجود عندك

أماني

رباعيتك جميله ..أشكرك علي ردك ومرورك وأنتظر وجودك في الرباعيات دائما

 

 

[مصري جدا]

عايش في الدنيا غريب.... ومتغرب
وأشوف أحوال البشرفيها .. وأستغرب
ظلمهم لنفسهم ولناس زيهم ...وناسين
أن مفيش من فراقها ......مهرب
وعجبي
أحمد جلبي

 

 

[مصري جدا]

غامت الدنيا وبعدين مطرت
والحلوة علي البحر طلعت أتمخطرت
ياحلاوتك يا إسكندرية في الشتا
وبعد الشتا …نسايمك في كل مكان أتعطرت
وعجبي
أحمد جلبي