التهاب الكبد بسبب الأدوية

[ALEXANDER]

يمكن أن ينتج الالتهاب الكبدي Hepatitis عن عقاقير لها تأثيرات سمية مباشرة على الكبد.
أكثر الأمثلة شيوعا هو مسكن الألم الذي يصرف بدون تذكرة طبية والذي يسمى أسيتامينوفين, إذ أن تناول جرعات عالية من هذا العقار خاصة إذا شربت معه ثلاث أو أربع كئوس من مشروبات كحولية يمكن أن يسبب تدميرا خطيرا للكبد.
من الأدوية الأخرى التي تضر بالكبد الميثيل دوبا (الذي يستخدم في خفض ضغط الدم) والأيسونيازيد (المستخدم في علاج الدرن)، والفالبروات (المستخدم في علاج النوبات التشنجية)، والأميودارون (المستخدم في علاج إيقاعات القلب غير المنتظمة).

تشمل أعراض تلف الكبد التسممي بسبب العقاقير : الغثيان والقيء وكثرة العرق والشعور العام بعدم الارتياح.
سوف تقرر أعراض مرضك ما إذا كنت في حاجة إلى تناول مضاد (ترياق) للعقار الذي تناولته أو إلى غسل وشفط محتويات المعدة لتخليص جسمك من أي عقار لازال باقيا في معدتك (ولكنه لم يمتص بعد إلى مجرى دمك).
أحيانا ما نجد بعض الأدوية تتلف الكبد من خلال تفاعل حساسي (استهدافي) غير عادي، والذي يمكن أن يسبب أعراضا مثل الحمى والطفح وآلام العضلات.
فبالإضافة إلى العقاقير المذكورة أعلاه، فإن العقاقير الآتية تسبب أيضا تلفاً حساسياً للكبد وهي الفينيتوين (المستخدم في علاج النوبات التشنجية)، والكلوربرومازين (المستخدم في علاج حالات الهوس)، والإريثروميسين ومستحضرات الترايميثوبريم مع السلفا ميثوكسازول (وهي مضادات حيوية)، والهالوثان (وهو مخدر عام لم يعد يستخدم الآن في الولايات المتحدة الأمريكية).

 

[biopasha]

شكرا alex علي معلوماتك المفيدة ..

اقتباس يمكن أن ينتج الالتهاب الكبدي Hepatitis عن عقاقير لها تأثيرات سمية مباشرة على الكبد. أكثر الأمثلة شيوعا هو مسكن الألم الذي يصرف بدون تذكرة طبية والذي يسمى أسيتامينوفين, إذ أن تناول جرعات عالية من هذا العقار خاصة إذا شربت معه ثلاث أو أربع كئوس من مشروبات كحولية يمكن أن يسبب تدميرا خطيرا للكبد.

اضيف ان الاسيتامينوفين هو نفسه الباراسيتامول ويشتهر في الصيدليات باسم البنادول والابيمول .

 

 

[كلزار]

الاسيتامينوفين ثم الباراسيتامول لهما نفس التاثير العلاجي

الاسيتامينوفين يتخلص منه الجسم عن طريق الكبد ونسبه بسيطه عن طريق الكلي


قبل ما ياخد المريض العلاج نساله عن حدوث عدوي اوي التهابات او اي اصابات مرت به
ودا ينطبق علي الصيدلي والطبيب

يعني اكون عارفه ان المريض دا بيعاني من التهابات كبديه من فيروسات وزياده في الانزيمات واعطيه دواء يزيد الحاله سوء

دا للامانه العالميه وليست التجاريه

الاسيتامينوفين طريقه عمله وقف إنتاج الأحماض الدهنية من فئة البروستاغلاندين مما يعيق مستقبلات الألم عن تمرير رسائل الألم إلى الدماغ و بالتالي يقل الإحساس بالألم، كما أنه يساعد على تمدد الأوعية الدموية مما يساعد على فقدان الحرارة عبر افراز العرق عند وجود الحمي

وتعتمد الجرعه علي فاعليه وظائف الكبد

وطبعا في تفاعلات مع ادويه اخري تؤثر علي فاعليته وزياده سميه في الكبد

كما حضرتك ذكرت
وهي الادويه المضاده للصرع والسل والنقرس

وشرب الكحوليات


ولكن كل شيء يزيد عن حده يتقلب الي ضده


عند زياده الجرعه طبعا هنستخدم المضاد له لابطال مفعوله
الا وهو الميثيونين

تقبل تحياتي وجزاك الله خيرا علي الموضوع

 

 

[قلب ملاك]

طيب يا جماعة بالنسبة للمسكنات الافيونية الى بتشتغل على الجهاز العصبى المركزى زىالكودايين والترامادول ايه مدى تاثيرهم على الكبد والكلى بالمقارنة بالعقاقير الى ذكرتوها؟

وبرده بالنسبة لمضادات الاكتئاب والمهدئات زى ال ديازيبام؟


انا عارف المشاكل الكتير بتاعتهم زى التعود والادمان وغيرها

بس انا عاوز اعرف مدى سمية هذه العقاقير على الكبد والكلى والجسم عموما


اعرف ناس متعودين عليها من سنين طويلة
دول ممكن يحصلهم ايه؟

وشكرا

 

 

[biopasha]

لهم تأثير كبير يا أنجل علي الجهاز العصبي المركزي وبصفة خاصة قد تسبب الشلل الرعاش في سن الشيخوخة ..

وعموما اي دواء لازم يمر بالكبد لأنه هيحصله ديتوكسفيكاشن فأكيد له تأثير علي المدي الطويل علي الكبد والكلي ..

أنا مقدّر أعراض الأنسحاب وصعوبتها لكن يفضل بقدر الأمكان عدم التعامل مع هذه الأدوية بصفة دورية .. وعموما الجسم في سن الشباب خاصة هيقدر يتخلص منها بسرعة في حالة التصميم علي الأنقطاع عنها ..

علي ما اذكر أني قرأت موضوع لك في أحدي المنتديات بخصوص الادوية المنومة ومشاكلها ..

أذا صدق حدثي .. حضرتك انجل هارت 86 ... أخمن ذلك بنسبة كبيرة .. وننتظر مواضيعك القيمة وادعوك لتفقد الباب الطبي خاصة وتحاول تبدأ فيه مواضيع جديدة من مواضيعك القيّمة

 

 

[قلب ملاك]

اقتباس المشاركة الأصلية كتبت بواسطة biopasha لهم تأثير كبير يا أنجل علي الجهاز العصبي المركزي وبصفة خاصة قد تسبب الشلل الرعاش في سن الشيخوخة .. وعموما اي دواء لازم يمر بالكبد لأنه هيحصله ديتوكسفيكاشن فأكيد له تأثير علي المدي الطويل علي الكبد والكلي .. أنا مقدّر أعراض الأنسحاب وصعوبتها لكن يفضل بقدر الأمكان عدم التعامل مع هذه الأدوية بصفة دورية .. وعموما الجسم في سن الشباب خاصة هيقدر يتخلص منها بسرعة في حالة التصميم علي الأنقطاع عنها .. علي ما اذكر أني قرأت موضوع لك في أحدي المنتديات بخصوص الادوية المنومة ومشاكلها .. أذا صدق حدثي .. حضرتك انجل هارت 86 ... أخمن ذلك بنسبة كبيرة .. وننتظر مواضيعك القيمة وادعوك لتفقد الباب الطبي خاصة وتحاول تبدأ فيه مواضيع جديدة من مواضيعك القيّمة

شكرا جزيلا يا دكتور لاهتمامك ولكلامك الجميل وتشجيعك
مظبوط انا انجل هارت 1986

وبالنسبة للمشكلة دى بالتحديد من ساعة وفاة والدى ودا مر عليه 8 شهور باين
وانا بجد مصاب با احباط ومش عارف اذاكر ولا بتعامل مع الحياة الخارجية تماما
ومش بنام الى بالمهدئات البنزوديازيبينز زى الديازيبام والالبرازولام
وللاسف الجرعة كبيرة وزادت مع الوقت واعراض انسحابها رهيبة بجد ومروعة

دا غير مسكن الترمادول الى نسبة فظيعة من الشعب المصرى اتعود عليه
برده بقيت مش بستريح نفسيا الا بيه

وبكره الحياة وبكره نفسى من دونه وعاجز عن التوقف

انا مش بتاع مخدرات ولا ليا فى السكة دى
وانا طالب فى اخر سنة طب

ولما خدت الادوية دى مش عشان اعمل دماغ زى الناس اياها

انا بس كنت عاوز حاجة تخلينى محسش بالواقع
وكمان ابطل تفكير شوية والاحساس عندى يقل

انا انسان حساس بشكل مفرط وعاطفى بدرجة فوق الحدود
ودماغى شغالة وبتفكر فى كل الاتجاهات بشكل مفرط برده لدرجة انى بشعر بالصداع والتعب من كثرة التفكير فى كل الاتجاهات .

مع الادوية دى بقيت اكثر هدوءا واكثر سكونا وبقيت بتعامل ببرود مع الحياة

عموما انا كنت عاوز اعمل موضوع يكون شامل لكل ما يتعلق بالعقاقير الموجودة فى السوق وخصوصا المتهربة والى الناس بتستعملها بكميات رهيبة لاغراض متعددة .




ان شاء الله يكون وجودى بينكم ايجابى يارب
وان شاء الله استفيد منكم واتعلم منكم اكثر واكثر

وشكرا لترحيبك بجد

 

 

[كلزار]

اقتباس المشاركة الأصلية كتبت بواسطة قلب ملاك شكرا جزيلا يا دكتور لاهتمامك ولكلامك الجميل وتشجيعك مظبوط انا انجل هارت 1986 وبالنسبة للمشكلة دى بالتحديد من ساعة وفاة والدى ودا مر عليه 8 شهور باين وانا بجد مصاب با احباط ومش عارف اذاكر ولا بتعامل مع الحياة الخارجية تماما ومش بنام الى بالمهدئات البنزوديازيبينز زى الديازيبام والالبرازولام وللاسف الجرعة كبيرة وزادت مع الوقت واعراض انسحابها رهيبة بجد ومروعة دا غير مسكن الترمادول الى نسبة فظيعة من الشعب المصرى اتعود عليه برده بقيت مش بستريح نفسيا الا بيه وبكره الحياة وبكره نفسى من دونه وعاجز عن التوقف انا مش بتاع مخدرات ولا ليا فى السكة دى وانا طالب فى اخر سنة طب ولما خدت الادوية دى مش عشان اعمل دماغ زى الناس اياها انا بس كنت عاوز حاجة تخلينى محسش بالواقع وكمان ابطل تفكير شوية والاحساس عندى يقل انا انسان حساس بشكل مفرط وعاطفى بدرجة فوق الحدود ودماغى شغالة وبتفكر فى كل الاتجاهات بشكل مفرط برده لدرجة انى بشعر بالصداع والتعب من كثرة التفكير فى كل الاتجاهات . مع الادوية دى بقيت اكثر هدوءا واكثر سكونا وبقيت بتعامل ببرود مع الحياة عموما انا كنت عاوز اعمل موضوع يكون شامل لكل ما يتعلق بالعقاقير الموجودة فى السوق وخصوصا المتهربة والى الناس بتستعملها بكميات رهيبة لاغراض متعددة . ان شاء الله يكون وجودى بينكم ايجابى يارب وان شاء الله استفيد منكم واتعلم منكم اكثر واكثر وشكرا لترحيبك بجد

اهلا بيك يا انجل

نورت المطاريد

اخبار النالوفين ايه



https://www.egyptianoasis.net/forums/...ad.php?t=25169