مخابرات المطاريد - كرسي الاعتراف الكندي - مع دنتستاوي ضع اسئلتك هنا

[دنتستاوي]

الصحف المصرية والعربية

بسم الله الرحمن الرحيم

بعد اجتماع دام لمده 27 ساعه ونص و لتطبيق مبدأ الديمقراطيه بين زوار باب كندا الكرام وان الشعوب هيا من تختار مصيرها


قررت الجمعيه العموميه اللولبيه و بدون الرجوع لاعضائها التالي نصه :

انه في يوم الاحد 19 - 6 - 2011 ( مافتكرش اصلا حد بعد كده هيفتكر اليوم ده )


افتتاح مغاره : مخابرات المطاريد - كرسي الاعتراف الكندي



قواعد المشاركه :


سيتم اختيار 3 اعضاء من زوار المنتدى بطريقه عشوائيه وسيتم بعدها اعطاء الفرصه لزوار الباب لاختيار احدهم



ثم يتم توجيه دعوه رسميه لصاحب اعلى نسبه اصوات للمثول امام كرسي الاعتراف والاجابه على كافه الاسئله المطروحه من الزوار الكرام



يحق للضيف عدم الرد على اي سؤال يشعر فيه بالحرج من اجابته امام الرأي العام


من حق اي عضو في المنتدى المشاركه في الاستفتاء .. كما ان له الحق في طرح اسئله على الضيف بحد ادنى سؤالين وحد اقصى 6 اسئله

بشرط عدم تكرار الاسئله وعدم خروجها عن الاداب العامه او المعتقدات الشخصيه او الدينيه ...

غرفه التعذيب

في حاله قيام الضيف بالاعتذار عن الاجابه لسؤال ورأى المجلس الاعلى للقوات المطاريديه انه غير خارج عن قواعد الاداب العامه او المعتقدات الشخصيه او الدينيه يقوم بالمثول امام المجلس وتوقع عليه عقوبه من 3 عقوبات يتم عرضها عليه ويقوم الضيف باختيار واحده


في حاله قيام الضيف بعدم الرد على اكثر من 6 اسئله يتم تنفيذ العقوبه التي يقررها المجلس الاعلى للقوات المطاريديه دون الرجوع اليه

 

[le prince]

سيرى يا نورماندى
عالبركه يا كبير

 

 

[rania]

الله يا دكتور
على بركة الله رح نبدا

 

 

[kodo]

دعوه لموضوعي

Canada way أخبار يومية مباشرة

الف مبروك عالمغارة الجديدة يا دوك
بس مقلتش الترشيح او الاختيار هيكون ازاي

يعني كل واحد منا يرشح اسم واكتر اسم هيجمع اصوات هو اللي هيعقد علي كرسي الاعتراف

ولا حضرتك اللي هترشح الـ 3 اسماء و احنا هنختار
منهم واللي يحصل علي اكبر عدد من الاصوات هو اللي هيقعد علي كرسي الاعتراف

افدنا افادكم الله

 

 

[دنتستاوي]

ان شاء الله هختار انا الاعضاء اللي يتم عمل استفتاء بينهم للجلوس على كرسي الاعتراف بعد عمل مناقشه في القهوه بتاعت كيبيك

يعني لو حضرتك عايزه ترشحي 3 اشخاص ممكن تكتبيهم في القهوه ولو لاقوا ترحاب في الترشيح ننزلهم هنا ويتم عمل الاستفتاء هنا ان شاء الله لاختيار واحد منهم

لان اكيد فيه اعضاء كتيره ممكن الواحد ما ياخدش باله وينسى يحطهم فنتناقش في وضع اساميهم في القهوه وبعد كده تنزل الاسامي وكل واحد ليه حق التصويت مره واحده

بس حضرتك تتعاوني معانا علشان نبقى نغير العنوان وننوه على وجود العضو على كرسي الاعتراف

 

 

[kodo]

دعوه لموضوعي

Canada way أخبار يومية مباشرة

الله ينور عليك يا باشااااا

يعني القهوة هي غرفة الاجتماعات و المباحثات
وهنا التصويت و التنفيذ تماااام كده

وانا موجوده هروح فين يعني و كمان متحمس جداااا
اصلي كنت بحب اللعبة ده اقوي ايام ثانوي - اجمل ايام حياتي

 

 

[Sweet Heart]

موضوع جديد وجريء بس مش فاهمة إيه الهدف منه هل هو لمجرد الدردشة أومن باب التعارف ولا الأسئلة ستدور حول خبرات العضو الذي سيتم إختياره وتجاربه الشخصية في كندا حتى يستفيد جميع القراء من تلك الخبرة؟

 

 

[دنتستاوي]

اقتباس المشاركة الأصلية كتبت بواسطة Sweet Heart موضوع جديد وجريء بس مش فاهمة إيه الهدف منه هل هو لمجرد الدردشة أومن باب التعارف ولا الأسئلة ستدور حول خبرات العضو الذي سيتم إختياره وتجاربه الشخصية في كندا حتى يستفيد جميع القراء من تلك الخبرة؟

مش عايزين نحدد سقف المطالب

كل واحد ليه 6 اسئله على حد اقصى يطلب فيه كل ما باداله .. يتعرف يدردش يقول ظلموه كل واحد حر في اختياراته للاسئله

 

 

[Sweet Heart]

اقتباس المشاركة الأصلية كتبت بواسطة دنتستاوي مش عايزين نحدد سقف المطالب كل واحد ليه 6 اسئله على حد اقصى يطلب فيه كل ما باداله .. يتعرف يدردش يقول ظلموه كل واحد حر في اختياراته للاسئله

شكراً يا فندم على التوضيح وبالتوفيق بإذن الله، على بركة الله

 

 

[rania]

انا رايي
نبتدي بحضرتك يا د\دنتستاوي